9
Tawtawrawt Panganak
1 Cule vancungmi panganak in a tawtawrawt a tum ih van ihsin leilung ah arsi pakhat a tlak ka hmu. Cule cuih arsi cu tawpneilo khurih tawhfung a hnenah an pek.
2 Cuih arsi in tawpneilo khur cu a on tikah sosernak somei tumpi ihsin meikhu a suah vekin meikhu a hung suak luailo. Cuih meikhu in ni tleunak le thli lak khal a thimter òheh.Ref 9.2 Sem 19:28;
3 Kharbok tampi cu cuih meikhu lak ihsin leilung parah an rung tla ih varngen-meipir neihmi huham vek kha an hnenah pek an si.Ref 9.3 Suah 10:12-15;
4 Cuih kharbok pawl cu hrampi, thingkung le a dang hramkung khal siseh, siatsuah lo dingin an sim. An siatsuah theimi cu an cal ah Pathian hminsinnak tacik a nei lomi lawng an si.Ref 9.4 Ezk 9:4;
5 Hi minung pawl thah theinak thu an nei lo; thla nga sung hrem theinak thu lawng an nei. Mi an hrem tikih a nat zia cu varngen-meipir in mi a hen ih a nat bangtuk khi a si.
6 Cuih thla nga sungah cun minung in thihnak an hawl rero ding nain an tong lo ding; thih an duh ding nain thihnak in a tlansan ding.Ref 9.6 Job 3:21; Jer 8:3;
7 Cuih kharbok pawl cu raldo dingih a ralringmi rang bangtuk an si. An lu parah sui lukhuh a bangmi an khum; an hmai cu minung hmai an bang.Ref 9.7 Joe 2:4;
8 An lu ih sam cu nunau sam bangtuk a si; an ha tla cu kiosa ha bangtuk a si.Ref 9.8 Joe 1:6;
9 An òaang cu raldonak ih tuahmi thir òaangphaw bangtuk a simi in an khuh òheh ih an thla an khawn thawm cu raldonak hmunih a tlan ciamcomi rangleng tampi awn thawm a bang.Ref 9.9 Joe 2:5;
10 Mei an nei ih varngen-meipir bangin mi an hen thei; thla nga sung mi an hrem theinak khal cu an mei ih huham neihmi ruangah a si.
11 Anmah uktu siangpahrang an nei ih cuih an siangpahrang cu tawpneilo khur uktu vancungmi a si. A hmin cu Hebru òong in Abaddon a si; Grik òong cun Apollion a si.b 9:11 Abaddon timi hi Hebru òong in “Siatsuahnak” tican a si ih “Sheol” kan timi thawn a bang aw, cule “Mithi khua” kan timi “Hades” thawn tla a bang aw; cule Apollion timi hi Grik òong cun “Siatsuahtu” tican le “a siatsuah” tican a si.Ref 9.11 Job 26:6; 28:22; Thup 1:18;
12 Òihnungza pakhatnak cu a cem; hi hnuah òihnungza pahnih an ra hrih ding.
Tawtawrawt Paruknak
13 Cule vancungmi paruknak in a tawtawrawt a tum. Pathian hmaiih a ummi sui biakòheng ih kil li ihsin aw thawng ka thei.Ref 9.13 Suah 30:1-3;
14 Cuih aw in vancungmi paruknak hnenah, “Eufrates Tivapi kapih òem cih in a ummi vancungmi pali cu thlah thlang hai aw,” tiah a ti.
15 Vancungmi pali cu thlah an si ih annih cu hi nazi, hi ni, hi thla le hi kum cekci ah minung hmuahhmuah ih òhenthum òhenkhat that òhehtu dingih timtuahmi an rak si.
16 Rang ralkap pawl cu an zate in million zahnih an si.c 9:16 Million zahnih timi hi a nambat ih ngan ahcun (200,000,000) a si.
17 Cule hmuhmi ka neihnak ahcun rang le rang totu pawl ka hmu. An raldonak òaangphaw cu meiling bangin a sen, safaira timi lungmankhung bangin mepian a si ih kaat bangin a aihre. An rang pawl lu cu kiosa lu bangtuk an si ih an kaa sung ihsin meisa, meikhu le kaat mei-alh bangtuk an suak zukzo.
18 Cuih rang kaa sung ihsin a suak zukzo mi minung siatsuahtu phunthum: Meisa, meikhu le kaat mei-alh in minung òhenthum òhenkhat an that òheh a si.
19 Rang pawl huham neihnak cu an kaa le an mei ah a si. An mei cu rul vek a si ih lu an nei; cuih an lu cu minung tuahmawhnak ah an hmang.
20 Hi minung siatsuahtu phunthum ih an thah ngah lomi minung pawl cun anmah ih tuahcopmi thil kha an tlansan cuang lo. Khawsia an biaknak, sui le ngun le daar le lungto le thing ih tuahmi, a hmu thei lo, a òong thei lo, a feh thei lo, an kut ih tuahcopmi milem pawl an biaknak an baang cuang lo.Ref 9.20 Saam 115:4-7, 135:15-17; Dan 5:23;
21 Culawng si lo in mi an thahnak, dawi an hmannak, nupa sual an tuahnak le ruk an ruknak pawl cun an sir cuang fawn lo.