7
Israel Mi Thawngza Le Thawng Sawmli Le Thawngli
1 Cuih hnuah leilung kil li ah a dingmi vancungmi pali ka hmu. Cuih vancungmi pali in leilung parah le tifinriat ah le thingkung ah thlipi hrang lo dingin an kham.Ref 7.1 Jer 49:36; Dan 7:2; Zek 6:5;
2 Nisuah lam ihsin a nungmi Pathian ih hminsinnak tacik a kengtu dang vancungmi pakhat a hung suah khi ka hmu. Pathian in leilung le tifinriat siatsuah theinak thu a pekmi vancungmi pali kha aw ring zet in a hei ko.
3 Vancungmi cun, “Kan Pathian ih siahhlawh pawl an cal ih hminsinnak tacik khen an si òheh hlan ahcun leilung le tifinriat le thingkung pawl siatsuah hrih hlah uh,” tiah a ti.Ref 7.3 Ezk 9:4, 6;
4 Cule Pathian hminsinnak tacik in an cal ih khen cia mi pawl cu thawng za le thawng sawmli le thawngli an si, tiah in sim. Cumi cu Israel miphun hleihnih sungin an si.
5 Judah hrin in thawng hleihnih, Reuben hrin in thawng hleihnih, Gad hrin in thawng hleihnih,
6 Asher hrin in thawng hleihnih, Naftali hrin in thawng hleihnih, Manasseh hrin in thawng hleihnih,
7 Simeon hrin in thawng hleihnih, Levi hrin in thawng hleihnih, Issakhar hrin in thawng hleihnih,
8 Zebulun hrin in thawng hleihnih, Josef hrin in thawng hleihnih, Benjamin hrin in thawng hleihnih an si.
Siarcawklo Miruunpi
9 Cuih hnuah ka hun zoh ih mipi tam zet ka hmu; zohman ih siar cawk lo miruunpi an si. Annih cu phun kip, hnam kip, le hrin kip òong kip ihsin a rami an si ih bawi tohkham le Tuufa hmaiah an ding; puan raang an hruk ih an kut in òhulhfau hnah an keng fingfing.
10 “Rundamnak cu bawi tohkham parih a totu kan Pathian le Tuufa hnen ihsin a ra,” tiah ring zet in an au.
11 Vancungmi hmuahhmuah cu bawi tohkham le upa pawl le thilnung pali kimvel ah an ding. Bawi tohkham hmaiah an bok ih Pathian an biak;
12 “Amen! Thangòhatnak, sunlawinak, fimnak, lungawinak, upatnak, huham le cahnak cu kumkhua in kan Pathian ta si ko seh, Amen!” tiah an ti.
13 Upa kul hluanli lakih pakhat in, “Hi puan raang a sintu pawl hi zoso an si? Khuitawk in so an ra?” tiah i sut.
14 “ Bawipa, ka thei lo. Nang na thei sawn ding,” tiah ka ti.
Cule anih in, “Himi pawl cu hremnak nasa zet sung ihsin himdam in a ra suakmi an si. An puan cu Tuufa thisen sungah an sawp ih an vaarter zo.Ref 7.14 Dan 12:1; Mat 24:21; Mar 13:19;
15 Curuangah Pathian ih bawi tohkham hmaiah an ding ih biakinn sungah a hnaòuan cu a sun a zan in an òuan. Bawi tohkham parih a totu in a umpi dingih cuih a umpinak cu an himnak a si ding.
16 An ril a rawng nawn lo dingih an ti khal a haal nawn lo ding; ni in a ling hai lo dingih vansanglam thawsat khal an tuar lo ding.Ref 7.16 Isa 49:10;
17 Ziangahtile bawi tohkham laifangih a ummi Tuufa cu anmah khaaltu a si dingih nunnak petu cerhti umnak ah a hruai hai ding. Cule an mitthli hmuahhmuah cu Pathian in a hnul sak òheh ding a si,” tiah a ti.Ref 7.17 Saam 23:1; Ezk 34:23; Saam 23:2; Isa 49:10, 25:8;