3
Ruth In Pasal A Tong
1 Cule Naomi in Ruth hnenah, “Ka fanu, innpawn suak ding le nunkhuasak nuam dingin ka lo tawlrel sak pei.
2 Na theih vekin, a nunau hnaòuantu pawl thawn hna nan òuannak lo neitu Boaz cu kan sungkhat a si. Cule, ngai hnik, amah cu tuih zan ah fang cilnak ah barli fang a thlir ding.
3 Curuangah ti kholh awla, rimhmui tla hnih awla, na hnipuan òha bik hruk aw. Cule fang a thlirnak ahcun va feh aw; asinain a in a ei hlan cu cutawkih na um kha lo thei hlah seh.
4 Cun a ih tikah a ihnak hmun kha hminsin aw. A ihthat tikah feh in a ke lam in puan kha ong awla a kiangah it ve aw.h Puan kha ong timi hi Hebru pawl daan ahcun humhimtu ka nei lo, nangmah in i humhim aw ti tluk a si. Cule amah in ziang tuah ding ti kha a lo sim ding,” tiah a ti.
5 Cutikah Ruth in, “I sim vekin ka tuah thluh ding,” tiah Naomi cu a ti.
6 Curuangah Ruth cu Boaz ih fang thlirnak hmun ahcun a feh ih a ni ih simmi vek cun a tuah thluh.
7 Cule Boaz cu a in a ei ih nuam huahhi in a um ih, barli fang tampi an retnak ah a feh ih a it. A ihthat tikah Ruth cu thawthang lo tein Boaz hnen ahcun a feh ih a ke khuhnak puan a hliip hnuah a kiangah cun a it ve.
8 Zanòim hrawngah Boaz cu a òhanghoi ih a siir a her tikah a ke kiangih nunau pakhat a ih kha a hmu ih a mang a bang ngaingai.
9 Cutikah Boaz in, “Zoso na si?” tiah a sut.
Ruth in, “Na siahhlawh nu Ruth ka si. Na sungte ngaingai ka si ih i tlentu ding na si. Na puan kilte i zawn hram aw,”i Puan i zawn hram aw timi hi culai daan ahcun, i òhi hram aw tican a si. tiah Ruth cun a ti.
10 Cutikah Boaz cun, “Ruth, Pathian in thluasuah lo pe hram seh. Na ni Naomi parih na tuahmi hnakin atu ih na tuahmi ihsin sungkhat duhawknak cu na langter sinsin. Milian siseh, mifarah siseh, tlangval deuh sawn pasal ah na hawl lo a si.
11 Curuangah zianghman phang hlah aw. Nunau òha na si hi khuasungmi hmuahhmuah khalin an thei thluh. Na duhmi hmuahhmuah ka lo tuah sak thluh ding.
12 Na sungkhat ngaingai ka si cu a dikmi a si. Sikhalsehla kei hnakin a nai sawnmi, na sungkhat tlentu, mipa pakhat a um.Ref 3:12 Rut. 2:20;
13 Tuih zan cu hitawk ahhin um ko awla thaizing ah cuih na sungkhat pa cun na hrangah sungkhat ih òuanvo a la duh maw duh lo ti cu kan hliahter ding. A lak duh a si ahcun a òha ko; a lak duh lo asile a nungmi Pathian hmin saal in ka lo kam: Na hrangah òuanvo cu keimah in ka lak ding. Khawvang tiang hitawkah it ko aw,” tiah a ti.
14 Curuangah zinglam tiang a kiangah cun a it. Asinan a kiangah Ruth a it ti kha mi ih an theih ding cu Boaz in a duh lo ruangah Ruth cu khawvang hlanah a tho.
15 Cule Boaz in, “Na korfualpi kha phuak awla hitawkah phah aw,” a ti. A ti vek cun Ruth in a korfualpi cu a phuak ih a phah. Boaz cun barli fang han hnih tluk a pek ih a phurhter. Cule Ruth cu inn ah a tlung.
16 Inn a thlen tikah a ni Naomi cun, “Ka fanu, ziang na bang?” tiah a rak sut.
Cutikah Ruth cun Boaz hnenih a hmuhmi le a theihmi hmuahhmuah a sim.
17 “Cuih tlunah na lawngte ih kir ding cu a rem lo a ti ih barli fang hizat hi i òhen a si,” tiah Ruth in a ti.
18 Cule Naomi cun, “Ka fanu, cuih thu a hliah awk hlan cu hnangam tein um ko aw. Hi thu cu tuih sun ah Boaz in a fianter ko ding, a um men lo ding,” tiah a ti.