6
Solomon Ih Thusimmi
(2 Siang 8:12-21)
1 Cule Solomon in thla a cam ih:
“ Bawipa,
mero le khawdur sungah
ka um ding na ti;
2 Asinan na hrangah
biakinn mawi zet ka sak zo,
Kumkhua na umnak hrangah,” tiah a ti.
3 Israel mi hmuahhmuah cutawkah an ding. Siangpahrang cu anmah lam a hoi ih an hrangah Pathian thluasuah a dil.
4 Solomon cun, “ Bawipa, Israel ih Pathian cu thangòhat si ko seh. Ka pa David hnenah thukamnak a tuah ih,
5 ‘Ka minung pawl Izipt ram in ka suahter ni thokin tuih sun tiang, Israel ramsung khuitawk khuapi hmanah keimah in biaknak ah tiah biakinn saknak hmun ka hril lo ih ka minung Israel hotu ding khalah zohman ka hril hrih lo.
6 Sikhalsehla atu ahcun keimah in biaknak hmunah Jerusalem ka hril ih ka minung pawl uktu dingah David nangmah ka lo hril a si,’ a rak timi hmuahhmuah cu a kimter thluh zo.
7 “Ka pa in Bawipa, Israel ih Pathian biaknak ah biakinn sak a rak tum;
8 asinain Bawipa in, ‘Biakinn sak na thinlung in na tummi cu thil òha zet a si.
9 Sikhalsehla nangmah cun na sak lo pei. Na fapa, nangmah ih sungsuak na fapa in ka biakinn cu a sak ding,’ a ti.Ref 6:4-9 2 Sam 7:1-13; 1 San 17:1-12;
10 “Atu ah Bawipa in cuih a thutiammi cu a kimter zo. Ka pa ih ai ah keimah Israel siangpahrang ka cang ih, Bawipa Israel ih Pathian biaknak ah Biakinn cu ka sak òheh zo.
11 Cule Biakinn sungah Bawipa in Israel mi thawn thukamnak a tuah ih cuih thukam ngannak lungtlep pawl umnak Thukam Kuang cu ka ret zo,” tiah a ti.
Solomon Ih Thlacamnak
(2 Siang 8:22-53)
12 Cun misenpi hmuhah Solomon cu a feh ih biakòheng hmaiah a ding ih baan phar in thla a cam.
13 Solomon in donhleisang pakhat dar in a tuah ih tual laifangah a ret. Cuih donhleisang cu pi riat sau, pi riat kau a si ih pi nga a sang. Cuih donhleisang parah cun a kai ih misenpi hmuh ah a khuk a bil ih a kut vanlam phar in thla a cam.
14 “Maw Bawipa, Israel ih Pathian, lei le van ah nangmah bangtuk Pathian dang an um lo. Na thupekmi thinlung takte ih an thlun tikah cun na minung pawl parah na thukamnak na kimter ih na duhdawtnak na langter.
15 Ka pa David hnenih na thutiam cu na fekter ih tuih sun ahhin pakhat hman hrelh lo in a kim òheh a si.
16 Curuangah maw Bawipa, Israel ih Pathian, ka pa bangin na Daan an thlun ih na thu òha tein an ngai a si ahcun a tesinfa pakhatkhat in Israel siangpahrang an òuan ringring pei, tiih ka pa hnenih na thutiam mi tla kimter hram aw.Ref 6:16 2 Siang 2;4;
17 Na siahhlawh David hnenih na tiam mi hmuahhmuah cu maw Bawipa, Israel ih Pathian, pakhat hman hrelh lo in kimter hram aw.
18 “Asinan maw Pathian, leilung minung lakah na um thei taktak pei maw? Van ih van sin hmanah na tlem lo ruangah kei ih ka sakmi Biakinn ahhin ziangtinso na tlem ding?Ref 6:18 2 San 2:6;
19 Sikhalsehla Bawipa ka Pathian, kei na siahhlawh ih thlacamnak le ka lo ngennak hi i run theih sak hram aw. Na hnenih ka dilmi le ka aunak hi i ngai hram aw.
20 Hi Biakinn hi a sun a zan in, in kilsak hram aw. ‘In biaknak hmun a si ding,’ na tinak Biakinn lam hoi in thla ka cam tikah i theih sak hram aw.Ref 6:20 Daan 12:11;
21 Hi Biakinn hoi in ka thlacamnak le na minung Israel mi thlacamnak in theih sak hram aw. Na umnak vancung in, in run thei awla kan sualnak in ngaithiam hram aw.
22 “Mi pakhat in midang parah thil tisual mi a nei ti in sual an puh ih a sual lonak kha siatcam ih thukamnak tuah dingah hi Biakinn na biakòheng hmai an thlenpi tikah,
23 maw Bawipa, vancung in run thei awla na minung pawl ih thu cu run relsak aw. A mawhmi cu a mawhnak vekin hrem awla a sual lotu cu run luatter aw.
24 “Na parih an sual ruangah na minung Israel pawl cu an ral pawl in an neh ih sualsir aw in ngaithiamnak dil in hi Biakinn ah thla an ra cam tikah,
25 van in run thei hram aw. Na minung pawl ih sualnak cu ngaithiam in an hnen le an pupa hnenih na pekmi ram ahcun hruaikir hram aw.
26 “Na minung pawl na parih an sual ruangah vanruah na surter lo ih sualsir aw ih hi Biakinn hoi in thla an cam tikah,
27 maw Bawipa, vancung in run thei awla Israel mi na minung pawl ih sualnak cu ngaithiam hram aw. A dikmi tuah dingah nangmah in zirh hai awla, na minung pawl hnenih kumkhua an ta si dingin na pekmi hi ram ahhin vanruah surter hram aw.
28 “Hi ram sungah paam maw, natsia maw a thleng, asilole an rawl thlisia in maw, kharbok in maw a siatsuah òheh; asilole na minung pawl an ral in an do tikah le tlangrai in an nat thluh tikah,
29 An thlacamnak run theih sak hram aw. Na minung Israel mi burpi in siseh, pakhatkhat in siseh, thinpit vansang in hi Biakinn lam hoi in thla an cam tikah,
30 run theih sak hram aw. Vancung na umnak in run thei awla an sualnak run ngaithiam aw. Minung ih thinlung le ruahnak cu nangmah lawng in na thei. An tuahmi ciar zoh in an thu run rel awla,
31 cuticun kan pupa hnenih na rak pekmi ram ih an um sung hmuahhmuah ah na minung pawl in an lo òihzah dingih na thu an lo ngai ding a si.
32 “Israel mi a si lo miphun dang pakhatkhat lam hlapi ih a ummi asinain na huham le na cahnak le na thil tithei zia a theih ruangah a ra ih, hih Biakinn hoi in thla a cam tikah,
33 a thlacamnak cu run theih sak hram aw. Vancung na umnak ihsin run thei awla a lo dilmi cu tuah sak hram aw; cuticun na minung Israel mi in an lo theih ih an lo òihzah vekin, leilungtlun milai hmuahhmuah in an lo thei dingih an lo òihzah ding. Cule hi ka sakmi Biakinn hi nangmah biaknak ding hmun a si, ti an thei ding.
34 “Na minung pawl cu raldo dingah thu na pek ih an fehnak hmun kipah hi na hrilmi khuapi le na hrangih ka sakmi Biakinn lam hoi in na hnenih thla an cam tikah,
35 an thlacamnak cu run thei hram aw. Vancung in run thei awla nehnak run pek hai aw.
36 “Na minung pawl cu na parah an sual thluh, zohman misual lo an um lo; na thinheng in an ral pawl na nehter ih an ral pawl in an kai ih ram hlapi ah an hruai tikah,
37 na minung pawl ih thlacamnak cu thei hram aw. An saltannak ram ah an siir aw ih na hnenah thlacam in an sualnak le an òhatlonak an phuan ahcun, maw Bawipa an thlacamnak run theih sak hram aw.
38 Cutawk ram in thinlung tak tein le thungaithlak in an sual siir aw in kan pupa hnenih na pekmi hi ram le na hrilmi hi khuapi le na hrangih ka sakmi hi Biakinn lam hoi in na hnenah thla an cam a si ahcun,
39 an thlacamnak cu run theih sak hram aw. Na umnak vancung ihsin run thei in zangfah hai awla an sualnak tla cu ngaithiam hram aw.
40 “Maw ka Pathian, atu ah na mit in, in run hmu awla hitawk hmun ih ka thlacamnak hi na hna in run ngai hram aw.
41 Bawipa Pathian, atu ah tho in na cahnak langtertu Thukam Kuang thawn Biakinn sungah lut awla kumkhua in umta hram aw. Puithiam pawl an hnaòuannak tinkim ah thluasuahnak pe in an parih na òhatnak ruangah na minung pawl cu lungawi aipuang ringring in um hai seh.
42 Bawipa Pathian, hriak na culh zomi siangpahrang hi hnong hram hlah aw. Na siahhlawh David hnenih na duhdawtnak cu thei ringring hram aw,” tiah a ti.Ref 6:41, 42 Saam 132:8-10;