25
Judah Siangpahrang Amaziah
(2 Siang 14:2-6)
1 Amaziah cu kum kul hluannga a ti ah siangpahrang a cang ih Jerusalem ihsin kum kul hluankua sung a uk. A nu cu Jerusalem khuami Jehoaddin a si.
2 Amaziah in Bawipa ih hmaiah thilòha a tuah ih Bawipa ih lung a awiter; asinain a thinlung zate cun a pe lo.
3 Judah ram hngette ih a uk thei ve tein a pa a rak thattu bawi pawl a that.
4 Asinan an faate pawl cu a that lo. “An faate pawl ih sualnak ruangah an nupa pawl nan that lo pei; cule an nupa pawl ih sualnak ruangah an faate pawl nan that lo pei. Mi pakhat cu amah in a tuahmi sualnak ruang lawnglawng ah thah ding a si,” tiah Moses Daan sungih Bawipa ih thupekmi a thlun.Ref 25:4 Daan 24:16;
Edom Ram An Do
(2 Siang 14:7)
5 Cule Amaziah in Judah miphun le Benjamin sungih mipa hmuahhmuah ralkap ah a lak òheh ih an hrin ciar in a òhen ih thawngkhat hotu le zakhat hotu ralbawi a ret vivo. Mipa kum kul ihsin a tlunlam hmuahhmuah a lak ih an zate in thawng zathum an si. Raldotu dingah raldo thiam cia, feipi le ralphaw hmang thiamtu an si.
6 Cuih tlunah Israel ihsin ralkap thawng zakhat a sang ih a san man ah ngun phurh zakhat a pek.
7 Asinan profet pakhat siangpahrang bawipa hnenah a feh ih, “Hi Israel ralkap pawl cu na hnenah tel hlah hai seh. Hi Saklam Ram ih ralkap, hi Efraim mi pawl hnenah Bawipa a um lo.
8 Anmah an tel ahcun ral do tikah ka cak deuh ding tiah na ruat ding; sikhalsehla an tel ahcun na ral in an lo neh ding, ziangahtile nehnak le sunnak cu Bawipa ih thu a si,” tiah a ti.
9 Cutikah siangpahrang Amaziah in, “Cuti asile ka pek cia mi ngun hmuahhmuah cu ziangtinso ka tuah ding?” tiah profet cu a sut.
Profet in, “Cuhnakih tam sawn Bawipa in a lo pe ding,” tiah a ti.
10 Curuangah Amaziah in a sanmi ralkap pawl cu a thlah ih an ram ah a tlunter òheh. Israel ralkap pawl cu Judah mi pawl parah thin na zet in an tlung.
11 Cule Amaziah in òihnak zianghman nei nawn lo in a ralkap pawl cu Cite Phairawn ah a hruai hai. Cutawkah cun an do aw ih Edom ralkap thawnghra an that.
12 Cuih tlunah a nungin thawnghra an kai. An kaihmi pawl cu Sela khua ih khaam zimah an hruai ih cutawkin an tulthlak thluh ih a hnuai ih lungto lakah cun an thi, an parh òheh a si.
13 Culai ah Amaziah in raldonak ah fehter lo ih a khammi Israel ralkap pawl khan Judah ram khuapi Samaria le Beth Horon karlak ih a ummi pawl an do ih minung thawngthum an that ih hransaw tampi an lak.
14 Amaziah cu Edom ralkap a nehnak in a rakir tikah Edom milem pawl a rak phur ih a pathian ah a tuah ih a biak; cuih milem pawl hmaiah rimhmui tla a ur.
15 Cuti a tuah ruangah Amaziah parah Bawipa cu a thin a heng ih profet pakhat a thlah. Profet cun, “Na cahnak a neh thei lo ih a milai pawl hman a humhim thei lotu ramdang ih khawzing pawl cu ziangahso na biak?” tiah siangpahrang Amaziah cu a sut.
16 Cutikah Amaziah in, “Ziangtik in so siangpahrang ruahnak petu ah kan lo tuah? òong nawn hlah; culole ka lo that ding!” a ti.
Profet cu a òong nawn lo; asinain a baan hlanah, “Hitiin thil na tuah ih ka thusimmi tla na ngai lo ruangah nangmah siatsuah dingah Pathian in a ruatcat zo, ti ka thei a si,” tiah a tita.
Judah Mi In Israel Mi An Do
(2 Siang 14:8-20)
17 Judah siangpahrang Amaziah in Israel ram phiar a duh. Curuangah Israel siangpahrang Jehoash hnenah do awk zuamnakg Do awk zuamnak timi hi tongkhawm aw dingin ti tla a si thei. thu a cah. Jehoash cu Jehoahaz ih fapa a si ih Jehoahaz cu Israel siangpahrang a rak simi Jehu ih fapa a si.Ref 25:17 2 Siang, 14:;
18 Cutikah Jehoash in Amaziah cu hitiin thu a khirh: “Veikhat ah Lebanon Tlangah hlingbur pakhat in sidar thing hnenah thu a cah ih, ‘Ka fapa ih nupi dingah na fanu i pe aw,’ a ti. Cule sahrang pakhat a kiangin a ra ih hlingbur cu a pal beek thluh.
19 Atu ah Edom mi pawl ka neh tiah na hngal ih na puarthau zet; asinain òha tein ka lo sim; dai tein na inn ah rak um sawn aw. Nangmah le na minung pawl hrangih siatsuahnak a si dingmi thil cu ziangahso na tawhhrawh duh rero?” a ti.
20 Sikhalsehla Amaziah in cuih thu cu a ngai duh lo. Edom mi pawl ih milem a biak ruangah Amaziah cu sung dingin Bawipa ih tumtah cia mi a si.
21 Cun Israel siangpahrang Jehoash cu Judah siangpahrang Amaziah do dingin a feh. Judah ram Beth Shemesh ah an tawng aw.
22 Judah ralkap pawl cu an sung ih inn lamah an tlan òheh.
23 Jehoash in Amaziah cu a kai ih Jerusalem ah a hruai. Cule Jerusalem kulhnak ralhruang cu Efraim Kotka in Khawkil Kotka tiang, kaih zahnih sung a bal òheh.
24 Hransaw a lakmi Biakinn sui le ngun pawl, Obed Edom tefa pawl ih an kilmi Biakinn thilri pawl le siangpahrang inn ih sumsaw hmuahhmuah Samaria ah a fehpi òheh. Sal ih a kaihmi pawl tla a fehpi a si.
25 Judah siangpahrang Amaziah cu Israel siangpahrang Jehoash hnakin kum hleinga a nung rei sawn.
26 Amaziah ih uknak hramthok in a cem tiangih a tuahmi dangdang pawl cu Judah le Israel Siangpahrang Thuanthu Cabu sungah kim tein an ngan a si.
27 Amaziah in Bawipa a dungtun thok ihsin Jerusalem ah Amaziah phiartu an um ringring; curuangah Lakhish khua ah a tlan; asinain cutawkah a phiartu pawl cun an thlun ih an that.
28 A ruak cu Jerusalem ah rang in an phur ih David khuapi, siangpahrang a thlan ah an phum.