21
1 Jehoshafat cu a thi ih Jerusalem khuahlun, David khuapi, siangpahrang thlan ah an phum. Cule a fapa Jehoram in a ai ah siangpahrang a run òuan.
Judah Siangpahrang Jehoram
(2 Siang 8:16-24)
2 Judah siangpahrang Jehoshafat ih fapa Jehoram in unau paruk a nei: Azariah, Jehiel, Zekhariah, Azariahu, Mikhael le Shefatiah tla an si.
3 An pa in sui, ngun le thilri mankhung tampi a pek ih Judah ramsung ralhruang kulhmi khuapi pakhat ciar ah hotu ah a ret hai. Asinan Jehoram cu upa bik a si hrangah Jehoshafat in a ai awhtu ah a tuah.
4 Jehoram in Judah ram a uknak a hnget deuh tikah a unau pawl cu a that òheh ih Israel bawi hrekkhat pawl tla a that.
5 Jehoram cu kum sawmthum le kum hnih a ti ah siangpahrang a cang ih Jerusalem ihsin kum riat sung a uk.
6 Ahab fanu pakhat a òhit ruangah a nun zia a òha lomi siangpahrang Ahab le Israel siangpahrang dang pawl ih nun zia a cawng. Cuticun Bawipa ih mithmuh ah sualnak a tuah.
7 Sikhalsehla Bawipa in David hnenah thukamnak a rak tuah ih a tesinfa pawl in ram an uk ringring ding tiah a rak tiam zo ruangah David ih thokmi ram-uknak cu Bawipa in a siatsuah siang lo.Ref 21:7 2 Siang 11:36;
8 Jehoram in Judah ram a uk lai ahcun Edom mi pawl ral an tho ih mahte uknak an lak.Ref 21:8 Sem 27:40;
9 Cutikah Jehoram le a ralbawi pawl cu an pok ih rangleng thawn Edom ram an do. Cutawkah Edom mi pawl in an rak kulh òheh; asinain a thup tein zan ah an suak ih an luat.
10 Cuihsin thokin Edom ram cu mahte uk aw mi ram ah a cangta. Jehoram in a pupa ih Pathian Bawipa cu a dungtun ruangah cuih caan thotho ah Libnah khuami pawl tla ral an tho ve.
11 Judah tlangpar ram ah khawvang biaknak tiangin a sak ciamco ih cuticun Judah le Jerusalem mi pawl cu Bawipa ih hmaiah misual ah a canter a si.
12 Cule profet Elijah in Jehoram cu ca a kuat ih a ca sungah cun, “Na pa Jehoshafat le na pu Asa vekih na nun lo ruangah nan cithlahtu David ih Pathian Bawipa in a lo hnong a si.
13 Israel siangpahrang pawl ih nun zia na thlun ih, Ahab le amah ih ai awhtu pawl in Israel cu lam an pialter vekin, Judah le Jerusalem mi pawl lam na pialter a si. Nangmah hnakin miòha deuh a simi na unau pawl na that òheh.
14 Curuangah Bawipa in na minung pawl le na faate le na nupi pawl nasa zet in a hrem dingih na neihmi thilri hmuahhmuah an hloral òheh ding.
15 Nangmah cu pumnat na nei dingih na ril a pawtsuak tiangin ni khat hnu ni khat a besia sinsin ding,” tiah a ngan.
16 Culai ah Filistin hrekkhat le Arab mi hrekkhat pawl cu tipikap ih a um Ethiopia mi pawl kiangkap ah an rak um. Cuih pawl cu Jehoram do dingah Bawipa in a forh.
17 Judah ram cu an do ih siangpahrang inn an ram ih a fapa nauta bik Ahaziah siar lo siangpahrang nupi pawl le a fapa hmuahhmuah an hruai ih thawng ah an thlak.
18 Cuih hnuah Bawipa in siangpahrang cu a pum a natter.
19 A nat a luar deuhdeuh ih kum hnih hnuah a tuar har zet in a thi. A ukmi minung pawl in amah hlanih siangpahrang a òuantu pawl hrangih meipi an tih òheu vekin a thih tikah meipi hman an tik lo.
20 Jehoram cu kum sawmthum le kum hnih a ti ah siangpahrang a cang ih Jerusalem in kum riat sung a uk. A thih tikah zohman an ning a hang lo. David khuapi Jerusalem khawhlun ah an phum; siangpahrang thlan ah an phum lo.