17
Jehoshafat Siangpahrang A Cang
1 Asa a thih tikah a fapa Jehoshafat in a ai ah Judah siangpahrang a run òuan ih Israel do dingah a tha a cakter sinsin.
2 A ralkap pawl cu Judah khuapi tampi ah le hramlak ah le Asa in Efraim ram a lakmi khuapi sung tla ah a ret vivo.
3 A pa no lai ih nun zia thlun in Baal khawzing a biak lo ruangah Bawipa in Jehoshafat cu thluasuah a pek.
4 Jehoshafat cun a pa ih biakmi Pathian rian in a thupekmi vekin a thlun ih Israel siangpahrang dang pawl vekin thil òha lo a tuah lo.
5 Bawipa in amah cu Judah ram fel tein a ukter ih mi hmuahhmuah in a parah lungawi in laksawng an pek ciamco ruangah milian zet le upat òihzah zetmi ah a cang.
6 Bawipa ih hnaòuan a uar zet ih Judah ram sungih khawhrum biaknak hmun pawl le Asherah lem pawl khal a siatbal òheh.
7 Judah siangpahrang a òuan kum thumnak ah a tanglam ih bawi pawl: Benhail, Obadiah, Zekhariah, Nethanel, le Mikaiah cu Judah ram khua pawl sungih mi zirhtu dingah a thlah.
8 A tlunih bawi pawl cu Levi mi pakua: Shemaiah, Nethaniah, Zebadiah, Asahel, Shemiramoth, Jehonathan, Adonijah, Tobijah, Tobadonijah le puithiam pahnih Elishama le Jehoram in an thlun.
9 Bawipa ih Daan cabu an keng ih Judah ram khua hmuahhmuah ah an feh ih misenpi an zirh vivo.
Jehoshafat Lennak
10 Bawipa ih huham ruangah Judah ram kiangkap ih a ummi ram hmuahhmuah in Jehoshafat do ding cu an ngam lo.
11 Filistin mi hrekkhat pawl in Jehoshafat cu laksawng tampi an pek ih ngunkhuai ah ngun tampi tla an pek. Arab mi pawl khalin tuu thawngsarih le zasarih le me thawngsarih le zasarih an pek.
12 Cuticun Jehoshafat cu a òhangso deuhdeuh ih a cak deuhdeuh fawn. Judah ram sungah rawl le thilri khawlnak khua pawl a tuah ih ralhruang in a kulh.
13 Cuih a dinmi khua pawl ahcun thilri tampi a ret.
Jerusalem khua ah ralbawi le ralkap òha bik pawl
14 a hrin a hrin in a ret. Judah hrin sungin Adnah cu ralkap hotu bawi a si ih a kuthnuai ah ralkap thawng zathum an um.
15 Pahnihnak cu Jehohanan a si ih a kuthnuai ah ralkap thawng zahnih le thawng sawmriat an um.
16 Pathumnak cu Zikhri ih fapa Amasiah a si ih ralkap thawng zahnih a nei. Amasiah cu pum pe aw in Bawipa ih hnaòuantu a si.
17 Benjamin hrin sungin ralkap hotu bawi cu ralkap hminthang zet Eliada a si ih ralphaw le conkiang hriamnam kengtu ralkap thawng zahnih hotu a si.
18 Eliada sangtu bawi cu Jehozabad a si ih hriamnam kim zet thawn ralkap thawng zakhat le thawng sawmriat a nei.
19 Hi ralkap pawl cu Judah ram khuapi pawl ih a retmi ralkap pawl hlei ah Jerusalem ih siangpahrang riantu an si.