11
Shemaiah Thuphuanmi
(2 Siang 12:21-24)
1 Siangpahrang Rehoboam cu Jerusalem khua a thleng ih Benjamin le Judah hrin sungin ralkap òha bik pawl thawng zakhat le thawng sawmriat a khawm. Saklam Israel hrin pawl cu do ih amah ih ukmi sitersal a tum.
2 Sikhalsehla Bawipa in,
3 siangpahrang Rehoboam le Judah le Benjamin hrin pawl sim dingin profet Shemaiah a tirh ih Shemaiah in,
4 “ Bawipa ih òongkam cu hitiin a si: ‘Nan unau Israel mi pawl cu do hlah uh. Nan zate in nan inn ah tlung thluh uh. Hitiih thil a cangmi cu keimah ih cantermi a si,’ a ti,” tiah a ti. Bawipa ih thupekmi cu an thlun ih Jeroboam cu do lo in an òulsal.
Rehoboam In Khuapi A Kulh
5 Rehoboam cu Jerusalem khuapi sungah a um; cule Judah le Benjamin ram sungih ummi khuapi:
6 Bethlehem, Etam, Tekoa,
7 Bethzur, Soko, Adullam,
8 Gath, Mareshah, Zif,
9 Adoraim, Lakhish, Azekah,
10 Zorah, Aijalon le Hebron pawl cu ralhruang in a kulhter ciamco.
11 Hi khuapi pawl cu fek zet in a kulhter ih khawtin ah hotu bawi a ret. Cule khua kipah rawl, olif hriak, sabitti,
12 ralphaw le feipi pawl a ret ih cuticun Judah ram le Benjamin ram cu fel tein a uk.
Puithiam Le Levi Mi An Ra
13 Israel ram khuazakip in puithiam pawl le Levi mi pawl cu thlanglam ah Judah ram cu an pan ciamco.
14 Israel siangpahrang Jeroboam le a fapa pawl in puithiam pawl cu Bawipa ih hna an òuanter duh lo ruangah Levi mi pawl in an umnak le an leiram pawl cu an tlansan ih Judah ram le Jerusalem khua ah an vai.
15 Jeroboam in khawvang biaknak le cawcang lem a tuahmi biaknak ah amah ih duhmi pawl puithiam a ret ih cupawl cun khawvang biaknak le milem biaknak hmunah puithiam hna an òuan.Ref 11:15 2 Siang 12:31;
16 Israel hrin dangdang pawl sungin Bawipa, Israel ih Pathian biak a duh taktaktu pawl cun Levi mi pawl thawn Jerusalem ah, an pupa ih Pathian Bawipa ih hnenah thawinak pek duh ah an feh.
17 Anmah pawl in Judah ram cu an hngetter sinsin ih kum thum sung cu Solomon fapa Rehoboam òha tein an bawm ih siangpahrang David le siangpahrang Solomon san ih an rak nun vekin an nung.
Rehoboam Ih Innsang
18 Rehoboam in Mahalath a òhi. Mahalath ih pa cu David fapa Jerimoth a si ih a nu cu Eliab fanu le Jesse ih tunu Abihail a si.
19 Fapa pathum an nei ih Jeush, Shemariah le Zaham an si.
20 Cuih hnuah Absalom fanu Maakah a òhi ih fapa pali: Abijah, Attai, Ziza le Shelomith an nei.
21 Rehoboam in a zate in nupi hleiriat le nusun sawmruk a nei ih fapa kul hluanriat le fanu sawmruk a nei. A nupi le a nusun hmuahhmuah lakah Maakah a duh bik a si.
22 A fapa hmuahhmuah lakah Maakah ih a hrinmi Abijah a duhdawt bik ruangah amah ai awhtu dingah a hril.
23 Rehoboam in a fapa pawl cu òuanvo fel zet in a zem ih Judah le Benjamin ramsung ralhruang kulhmi khuapi pawl ahcun a ret hai; an ei an in ding tla an duh zat in a pek ih nupi tampi a òhit sak hai.