SANSIARNAK
(2 Chronicles)
Thuhmaihruai
Sansiarnak a pahnihnak hi a pakhatnak ih peh a si. A simmi cu Solomon uknak thu, Solomon ih fapa Rehoboam siangpahrang a òuan lai ah Saklam ram (Israel ram) Jeroboam hruainak in ral an tho ih an òhenawknak thu le Thlanglam ram (Judah) uknak an din ih kum BC ih Jerusalem siatsuah a sinak tiang a sim.
1
Solomon In Fimnak A Dil
(2 Siang 3:1-15)
1 David ih fapa Solomon in Israel ram a uknak cu a hnget deuhdeuh; Bawipa a Pathian in a thluasuah ih mi maksak ngaingai ah a tuah.
2 Solomon in a ralbawi ralkap thawngkhat hotu le zakhat hotu pawl hmuahhmuah, innsang ih hotu pawl, acozah bawi upa pawl le a ra khawmmi misenpi pawl cu,
3 Gibeon ih Pathian biaknak hmun feh dingah thu a pek. Pathian siahhlawh Moses in hramlak ramòhing an feh lai ih a rak sakmi Bawipa ih Puanthlam umnak Gibeon ahcun an zate in an feh.
4 Thukam Kuang cu David in Kiriath Jearim ihsin Jerusalem ah a lak zo ruangah Jerusalem khua ih Puanthlam a sakmi sungah a um.Ref 1:4 2 Sam 6:1-17; 1 San 13:5-14; 15:25-16:1;
5 Hur fapa Uri ih fapa Bezalel ih tuahmi dar biakòheng khal Gibeon ah Bawipa Puanthlam hmaiah a um. Cutawkah Solomon le misenpi cun Pathian an biak.Ref 1:5 Suah 38:1-7;
6 Puanthlam hmaiih ummi dar biakòheng parah thawinak pe in Solomon cun Bawipa a biak; rannung thawngkhat a that ih biakòheng parah cun mei-ur thawinak ah a pek.
7 Cuih zan ah Pathian cu Solomon hnenah a lang ih, “Ziangso ka lo pek ding? Na duhmi i dil aw,” tiah a ti.
8 Cutikah Solomon in, “Ka pa David parah duhdawtnak tumpi na rak nei ringring ih atu ah a ai ah siangpahrang i òuanter.
9 Maw Bawipa Pathian, ka pa hnenih na thukammi hmuahhmuah cu kimter aw; ziangahtile siar cawk lo minung tlunah siangpahrang ah i tuah zo.Ref 1:9 Sem 13:16; 28:14;
10 Minung hizat ka uk theinak dingah ka òul bikmi fimnak le theihnak i pe hram aw. Culo cun na minung hitluk tam hi ziangtinso ka uk thei ding?” tiah a ti.
11 Cule Bawipa in Solomon hnenah, “A dikmi na hril a si. Lennak le sumsaw, asilole hminthannak maw, na ral pawl thihnak maw, asilole nangmah ih hrangah nun khawsaunak maw, dil lo in ka minung pawl uktu siangpahrang ah ka lo tuah ih anmah uk theinak ah fimnak le theihnak i dil ruangah,
12 i dil vekin fimnak le theihnak ka lo pe ding. Cuih hlei ah zovek siangpahrang hmanih an rak neih dah lomi le an neih dah lo dingmi lennak, sumsaw le hminthannak ka lo pe ding,” a ti.
Solomon Ih Maksaknak Le Lennak
(2 Siang 10:26-29; 2 San 9:25-28)
13 Cule Solomon cu Pathian biaknak hmun, Puanthlam thianghlim umnak Gibeon ihsin Jerusalem ah a kir ih Israel ram cu a uk.
14 Rang le rangleng tampi neih a tum ih rangleng thawngkhat le zali, le rang ralkap hrangah rang thawng hleihnih a nei. A hrekkhat cu Jerusalem khuasung ah a ret ih a hrekkhat cu khuapi dangdang ah a ret.Ref 1:14 2 Siang 4:26;
15 Israel ram a uk sungah sui le ngun cu Jerusalem khuasung ah lungto zat in a tam ih sidar thingkung cu theipi kung zat in a tam.Ref 1:15 Daan 17:17;
16 Siangpahrang hrang thilri leitu pawl in Izipt le Kue ihsin rang pawl cu an lei ih,Ref 1:16 Daan 17:16;
17 rangleng khal Izipt in an lei. Rangleng pakhat cu ngun tangka zaruk in an lei ih, rang pakhat cu ngun tangka za le sawmnga in an lei. Rang le rangleng an leimi pawl cu Hit siangpahrang le Siria siangpahrang hnen khalah an zorh hai òheu.