7
Issakhar Tesinfa Pawl
1 Issakhar in fapa pali a nei ih Tola, Puah, Jashub le Shimron an si.
2 Tola in fapa paruk a nei: Uzzi, Refaiah, Jeriel, Jahmai, Ibsam le Shemuel an si. Annih tla cu Tola hrin ih lubik ciar an si ih ralkap hminthang an si. Siangpahrang David san ah an minung zate in thawng kul hluanhnih le zaruk an ti.
3 Uzzi in fapa pakhat Izrahiah a nei. Izrahiah cun fapa pali a nei ih Mikhael, Obadiah, Joel le Isshiah an si. Anmah cu an hrin ciar ih lubik an si.
4 Nupi tampi le faate tampi an nei ih an tefa pawl cu ralkap òuan thei thawng sawmthum le thawngruk an kim.
5 Cazin an nganmi vek a si ahcun Issakhar hrin hmuahhmuah ah ralkap òuan thei minung thawng sawmriat le thawngsarih an ti.
Benjamin Le Dan Tesinfa Pawl
6 Benjamin in fapa pathum Bela, Becher le Jediael a nei.
7 Bela in fapa panga a nei ih Ezbon, Uzzi, Uzziel, Jerimoth le Iri an si. An hrin sungih lubik ciar an si ih ralkap hminthang zetzet an si. An tefa pawl cu ralkap òuan thei lawnglawngah minung thawng kul hluanhnih le sawmthum le pali an si.
8 Becher in fapa pakua a nei: Zemirah, Joash, Eliezer, Eleoenai, Omri, Jeremoth, Abijah, Anathoth le Alemeth an si.
9 Cazin sung vek a si ahcun an hrin ciar in siar tikah an tefa pawl cu ralkap òuan thei thawng kul le zahnih an ti.
10 Jediael in fapa pakhat Bilhan a nei. Bilhan cun fapa pasarih a nei ih Jeush, Benjamin, Ehud, Khenaanah, Zethan, Tarshish le Ahishahar an si.
11 An hrin ih lu ciar an si ih ralkap hminthang lawnglawng an si. An tefa pawl cu ralkap òuan thei thawng hleisarih le zahnih an ti.
12 Shuppim le Huppim tla cu Ir ih hrin an si.
Dan ih tesinfa pawl cu Hushim le Aher ih fapa pawl an si.
Naftali Tesinfa Pawl
13 Naftali in fapa pali a nei ih Jahziel, Guni, Jezer le Shallum an si. (Hi pawl cu Bilhahh 7:13 Bilhah: cu Jakob nusun a si ih fapa Dan le Naftali a hring. ih tesinfa pawl an si.)
Manasseh Tesinfa Pawl
14 Manasseh in nusun, Aramean nunaunu, a nei ih fapa pahnih Asriel le Makhir an nei. Makhir cu Gilead ih pa a si.
15 Makhir in Huppim le Shuppim ih farnu nupi ah a òhit. Cunu hmin cu Maakah a si. Makhir ih fapa pahnihnak cu Zelofehad a si; Zelofehad in fanu lawnglawng a nei.
16 Cun Makhir ih nupi Maakah in fapa pahnih a hring ih an hmin ah Peresh le Sheresh an sak. Peresh in fapa pahnih Ulam le Rakem a nei.
17 Ulam in fapa pakhat Bedan a nei. Hi pawl cu Gilead tesinfa pawl an si ih, Gilead cu Makhir fapa le Manasseh ih fasuan a si.
18 Cun Gilead farnu Hammolekheth in fapa pathum a nei ih Ishod, Abiezer le Mahlah an si.
19 Shemida in fapa pali a nei ih Ahian, Shekhem, Likhi le Aniam an si.
Efraim Tesinfa Pawl
20 Efraim ih tesinfa pawl cu sankhat hnu sankhat a sangsang in a tanglam pawl hi an si: Shuthelah, Bered, Tahath, Eleadah, Tahath,
21 Zabad, le Shuthelah an si. Efraim in a dang fapa pahnih Ezer le Elead a nei; asinain Gath ih a ummi pawl ih caw a ruk an tum lai ah an rak that a si.
22 An pa Efraim cu mithi ngai in a um ih a unau pawl in an ra topi.
23 Cuih hnuah a nupi thawn an pawl aw ih a nupi cu fa a keng ih fapa pakhat a nei. An fapa cu, an innsang ih riahsiatnak an ton hrangah, a hmin ah Beriahi 7:23 Beriah: ticu Hebru òong ih riahsiatnak ti thawn a aw suah a bang aw. an sak.
24 Efraim in fanu pakhat Sheerah a nei. Sheerah cun Tlunta le Thuaita Beth Horon khua le Uzzen Sheerah khua thar a toh.
25 Efraim in fapa dang pakhat Refah a nei ih Refah ih tesinfa pawl cu Reshef, Telah, Tahan,
26 Ladan, Ammihud, Elishama,
27 Nun le Joshua an si.
28 Himi pawl in an luah mi le an umnak khua pawl cu Bethel le a kiangkap khua pawl, nisuahnak lamah Naaran tiang, cule nitlaknak lamah Gezer le a kiangkap khua pawl tiang, a si. Shekhem le Ayyah khua le a kiangkap khuapi pawl tla an tel.
29 Manasseh tesinfa pawl in Beth Sean, Taanak, Megiddo le Dor khuapi pawl le an kiangkap ih khua pawl an uk.
Hi ram ahhin Jakob fapa Josef ih tesinfa pawl an um.
Asher Tesinfa Pawl
30 Asher ih tesinfa pawl cu a tanglam hi an si. Asher in fapa pali a nei ih Imnah, Ishvah, Ishvi le Beriah an si. Fanu pakhat a nei ih a hmin cu Serah a si.
31 Beriah in fapa pahnih Heber le Malkhiel a nei. (Malkhiel cu Birzaith khuapi tohtu a si.)
32 Heber in fapa pathum a nei ih Jaflet, Shomer le Hotham an si. Fanu pakhat a nei ih Shua a si.
33 Jaflet in fapa pathum a nei ih Pasak, Bimhal le Ashvath an si.
34 A nau Shomer in fapa pathum a nei ih Rohgah, Jehubbah le Aram an si.
35 A nau Hotham in fapa pali a nei ih Zofah, Imna, Shelesh le Amal an si.
36 Zofah ih tesinfa pawl cu Suah, Harnefer, Shual, Beri, Imrah,
37 Bezer, Hod, Shamma, Shilshah, Ithran le Beera an si.
38 Jether tesinfa pawl cu Jefunneh, Pispa le Ara an si;
39 Ulla tesinfa pawl cu Arah, Hanniel le Rizia an si.
40 An zate in Asher ih tesinfa pawl an si. An zate in an hrin ih lubik ciar an si ih ralkap hminthang le hotu òha zet pawl an si. Anmah lakah ralkap òuan thei minung thawng kul hluanruk an um.