4
Judah Tesinfa Pawl
1 Judah faate hrekkhat pawl cu Perez, Hezron, Karmi, Hur le Shobal an si.
2 Shobal cu Reaiah pa a si; Reaiah cu Jahath pa a si; Jahath cu Ahumai le Lahad pa a si; hi pawl cu Zorah ih a ummi pawl ih cithlahtu an si.
3-4 Hur cu a pa Kaleb ih nupi Efrath ih fapa upa bik a si ih a tesinfa pawl cu Bethlehem khawsattu an si. Hur in fapa pathum a nei ih Etam, Penuel le Ezer an si. Etam in fapa pathum a nei ih Jezreel, Ishma le Idbash an si; fanu pakhat tla a nei ih Hazzelelponi a si. Penuel cu Gedor khawsattu a si ih Ezer cu Hushah khawsattu a si.
5 Tekoa khawsattu Ashhur in nupi pahnih a nei ih Helah le Naarah an si.
6 Naarah thawn fapa pali an nei ih Ahuzzam, Hefer, Temeni le Haahashtari an si.
7 Cule Helah thawn fapa pathum an nei ih Zereth, Izhar le Ethnan an si.
8 Koz cu Anub le Zobebah ih pa a si ih Harum fapa Aharhel hrin pawl ih cithlahtu a si.
9 Jabez an timi pa a um ih an sungkhat lakah an upat bikmi a si. A nausuah a natzet ruangah a nu in Jabezd 4:9 Jabez: ti cu a na ti ai a si. tiah a sak.
10 Jabez cun Israel ih Pathian hnenah thla a cam ih, “ Bawipa, i thluasuah hram awla, ram kaupi i pek aw. Ka hnenah um awla tuahmawh le harsat ka ton lonak dingah i humhim aw,” a ti. Curuangah Pathian cun a ngenmi vekin a pek.
A Dangdang Sungkhat Pawl
11 Shuhah unau Kaleb in fapa pakhat Mehir a nei. Mehir cu Eshton ih pa a si ih,
12 Eshton in fapa pathum Bethrafa, Paseah le Tehinn ah an si. Tehinn ah cu Nahash khuapi sattu a si. Himi pawl ih tefa pawl cu Rekah ah an um.
13 Cun Kenaz in fapa pahnih a nei ih Othniel le Seraiah an si. Othniel khalin fapa pahnih a nei ih Hathath le Meonothai an si.
14 Meonothai cu Ofrah ih pa a si.
Seraiah cu Joab ih pa a si ih zungthiam pawl hlir umnak Zungthiam Phairawn khawsattu a si.
15 Jefunneh ih fapa Kaleb in fapa pathum a nei ih Iru, Elah le Naam an si. Cule Elah cu Kenaz ih pa a si.
16 Jehallelel in fapa pali a nei ih Zif, Zifah, Tiria le Asarel an si.
17-18 Ezrah in fapa pali a nei ih Jether, Mered, Efer le Jalon an si. Mered in Izipt siangpahrang fanu Bithiah a òhit ih fanu pakhat Miriam le fapa pahnih Shammai le Ishbah an nei. Ishbah cu Eshtemoa khawsattu a si. Mered in nupi dang, Judah hrin nunaunu a òhi ih fapa pathum an nei: Jered, Gedor khawsattu; Heber, Soko khawsattu le Jekuthiel, Zanoah khawsattu an si.
19 Hodiah in Naham farnu a òhit. An tefa pawl cu Keilah khua ih a ummi Garm mi pawl le Eshtemoa khua ih a ummi Maakah mi pawl cithlahtu an si.
20 Shimon in fapa pali a nei ih Amnon, Rinn ah, Benhanan le Tilon an si. Ishi in fapa pahnih a nei ih Zoheth le Benzoheth tla an si.
Shelah Tesinfa Pawl
21 Shelah cu Judah fapa lakah pakhat a si. A tefa pawl cu Lekah khawsattu Er, Mareshah khawsattu Laadah; Bethashbea khua ih a ummi puantahtu pawl hringtu;
22 Kozeba khua ih a ummi pawl le Jokim; Joash le Saraf, Moab nunau òhi tahrat ih Bethlehem khua ih a ummi pawl an si. (Hi thuanthu pawl cu an hlun ngaingai.)
23 Anmah pawl cu beel tuahtu an si ih Netaim le Gederah khua ah an um ih siangpahrang riantu an si.
Simeon Tesinfa Pawl
24 Simeon in fapa panga a nei ih Nemuel, Jamin, Jarib, Zerah le Shaul an si.
25 Shaul ih fapa cu Shallum a si; a fasuan cu Mibsam a si; a tusin cu Mishma a si.
26 Cule Mishma ihsin an phun cithlahtu cu Hammuel, Zakhur le Shimei ti in a sangsang in an si.
27 Shimei cun fapa hleiruk le fanu paruk a nei; asinain a sungkhat pawl cu tefa maldeuh an nei ih Simeon hrin cu Judah hrin tluk in an zai lo.
28 Siangpahrang David san tiangah Simeon tesinfa cu Beersheba, Moladah, Hazarshual,
29 Bilhah, Ezem, Tolad,
30 Bethuel, Hormah, Ziklag,
31 Bethmarkaboth, Hazarsusim, Bethbiri le Shaaraim khua pawl ah an um.
32 A dang hmun nga Etam, Ain, Rimmon, Tokhen le Ashan ah an um.
33 An kiangkap khuate ah le thlanglam Baalath khua tiangin an um. An sungkhat thuhla an khummi le an umnak pawl ih thuhla cu hiti hin an nei a si.Ref 4:28-33 Jos 19:2-8;
34-38 Cun an hrin ciar ih lu pawl cu a hnuailam pawl hi an si:
Meshobab, Jamlek,
Amaziah fapa Joshah, Joel
Asiel fapa Seraiah,
Seraiah fapa Joshibiah,
Joshibiah fapa Jehu.
Elioenai, Jaakobah, Jeshohaiah, Asaiah,
Adiel, Jesi miel, Benaiah,
Ziza, (Ziza cu Sifi fapa a si,
Sifi cu Allon fapa a si ih
Jedaiah, Shimri le
Shemaiah tesinfa pawl an si.
An sungkhat pawl an karhzai vivo ruangah,
39 nisuahnak lam Gerar thlengzik tiangin an um ih an tuu pawl cu khuapi umnak nisuahnak lam phairawn ah an tlanter.
40 An òilva hrangah ramòha le ramkau, zianghman òihphannak a um lonak ram an nei a si. Cutawkih a rak um hmaisa pawl cu Ham mi an si.
41 Judah siangpahrang Hezekiah san ah a tlunih hmin nganmi pawl cu Gerar ah an feh ih cutawkih a rak ummi pawl ih puanthlam le deu pawl cu an siatbal òheh. An tuu hrangih ram òhaòha a tam ruangah cuih mi pawl cu an dawihlo hai ih an umnak cu an run luahta.
42 Simeon hrin sungin minung zanga cu nisuah lam Edom ah an feh. Cupawl cu Ishi fapa Pelatiah, Neariah, Refaiah le Uzziel pawl in an hruai hai a si.
43 Cutawkih a rak tanghrih mi Amalek mi pawl cu an that òheh ih an umnak cu an run luahta.