23
1 David cu a kum a upa zetzo ih patar a si thlang ruangah Israel siangpahrang dingah a fapa Solomon cu a ret.Ref 23:1 2 Siang 1:1-40;
Levi Mi Pawl Hnaòuannak
2 Siangpahrang David cun Israel hotu pawl, puithiam pawl le Levi mi pawl cu a kokhawm.
3 Levi mi mipa, kum sawmthum le a tlunlam hmuahhmuah an mipum a siar ih, thawng sawmthum le thawngriat an ti.
4 Siangpahrang in thawng kul hluanli cu Biakinn hnaòuan hotu ah a ret; thawngruk cu cazin kaitu le thuòhentu ah a ret;
5 thawngli cu inn le kotka kiltu ah a ret ih a dang thawngli cu siangpahrang ih a retmi awnmawi phunkim tum tahrat in Pathian thangòhattu ah a ret.
6 David in Levi miphun pawl cu anmah ih hrin ciar in, Gershom hrin, Kohath hrin le Merari hrin tiah òhen thumah a òhen.
7 Gershom in fapa pahnih a nei ih Ladan le Shimei an si.
8 Ladan in fapa pathum a nei ih Jehiel, Zetham le Joel an si ih,
9 Ladan tesinfa ahcun an hrin ciar ah lu an si. (Shimei in fapa pathum a nei ih Shelomoth, Haziel le Haran an si.)
10-11 Shimei in fapa pali a neisal ih Jahath, Zina, Jeush le Beriah an si. Jeush le Beriah cu tesinfa an neih lo ruangah hrinkhat ah siar an si.
12 Cun Kohath in fapa pali a nei ih Amram, Izhar, Hebron le Uzziel an si.
13 Upa bik Amram cu Aaron le Moses ih pa a si. Aaron le a tesinfa pawl cu thilri thianghlim a kumkhua in a kilkhawitu, Bawipa biak tikih rimhmui urtu, Bawipa hnaòuantu le a hmin in misenpi thluasuah petu dingah retmi an si.Ref 23:13 Suah 28:1;
14 Asinan Pathian minung Moses ih tesinfa pawl cu Levi mi lakah siar cih an si.
15 Moses in fapa pahnih Gershom le Eliezer a nei.
16 Gershom fapa lakah Shebuel cu upa bik a si.
17 Eliezer cun fapa pakhat Rehabiah lawng a nei. Rehabiah in tesinfa tampi a nei.
18 Kohath fapa pahnihnak Izhar in fapa pakhat Shelomith a nei ih amah cu an hrin ih lubik a si.
19 Kohath fapa pathumnak Hebron in fapa pali a nei ih Jeriah, Amariah, Jehaziel le Jekameam an si.
20 Kohath fapa palinak Uzziel in fapa pahnih Mikah le Isshiah a nei.
21 Merari in fapa pahnih Mahli le Mushi a nei. Mahli khalin fapa pahnih a nei ve ih Eleazar le Kish an si.
22 Asinan Eleazar cu fapa nei lo in a thi; fanu lawng a nei. A fanu pawl cun an unau, Kish ih fapa pawl an pasal.
23 Merari fapa pahnihnak Mushi in fapa pathum a nei ih Mahli, Eder le Jeremoth an si.
24 Hi pawl cu Levi tesinfa, an hrin le an sungkhat ciar ih siarmi le pakhat, pakhat ciar ih hmin khummi an si. A tesinfa sungah kum kul le a tlunlam hmuahhmuah cu Bawipa ih Biakinn ah hnaòuan nei ciar an si.
25 Cun David in, “Israel ih Pathian in a minung hnenah daihnak a pek zo ih amah khal kumkhua in Jerusalem ah a um ding.
26 Atu cun Levi mi pawl in Bawipa ih umnak Puanthlam le Pathian biaknak thilri pawl an zawn rero a òul nawn lo ding,” a ti.Ref 23:26 Daan 10:8;
27 David ih netabik thupeknak bangtukin Levi mi hmuahhmuah cu kum kul an kim ve tein hnaòuantu ah lak an si.
28 An òuanvo cu Aaron tesinfa pawl Biakinn ih Pathian biak tikah an hnaòuanmi, inn hmuahhmuah le a kiangkap le inn khaan pawl kilkhawinak ah le thilri thianghlim pawl borhhlawhter lo ih an zohnak ah bawmtu an si.
29 Cuih hlei ah Pathian hnenih sang hunmi, thawinak ih pekmi sangphut pawl, thilnu tello sangpaate pawl, sangrawh pekmi pawl, siti thawn rawimi sangphut pawl le Biakinn ih thawinak pekmi pawl cuai khai ding le tah sak ding pawl kha an òuanvo a si.
30 Zingtin le zantin Bawipa thangòhattu le cawimawitu an si fawn.
31 Cule Sabbath ni, thlathar puai le puai dangdang caan ih mei-ur thawinak Bawipa ih hnenah peknak a um tikah Bawipa thangòhattu le cawimawitu an si fawn. Òum khat ah Levi mi pawl cu a zat khiahmi nei in hna an òuan ding, tiah daan a um thluh. Ziangtik caan khalah an òuanvo cu Bawipa thangòhat a si.
32 Bawipa ih umnak Puanthlam le Biakinn zohtu an si ih an sungkhat Aaron tesinfa pawl Pathian biaknak ih an hnaòuanmi bawmtu tla an si.Ref 23:28-32 Mipum 3:5-9;