20
David In Rabbah A Lak
(2 Sam 12:26-31)
1 Khua a hung òhal ih siangpahrang pawl an raldo caan a hung cuut tikah, Joab le a ralkap cu an feh ih Ammon ram an do. An khuapi Rabbah an kulh òheh. Culai ah David cu Jerusalem ah a um. Joab in Rabbah cu a do ih a siatsuah òheh.Ref 20:1 2 Sam 11:1;
2 Cule Ammon mi in Molek an timi khawzing lem an nei ih a sui lukhuh cu cuai kul a rit. A sungah lungmankhung a um ih cumi cu David in a lak ih a siangpahrang lukhuh ah a bun. Khuapi sungih hransaw tampi tla a lak.
3 Khuasung mi pawl cu a hruai hai ih hluah le tupheng le hreitlung thawn hna a òuanter. Ammon ram khua dangdang mi pawl tla cuvek thotho in a tuah. Cuih hnuah a ralkap pawl thawn Jerusalem ah an kir.
Filistin Mitum Zet Pawl An Do
(2 Sam 21:15-22)
4 Cuih hnuah, Filistin mi pawl thawn Gezer ah an do aw. Israel mi in an neh. Cuih òum ah Hushah mi Sibbekai in mikei tia a simi Sippai an timi a that.
5 Cule Filistin thawn an do aw lala ih Jair fapa Elhanan in Gath mi Goliath ih unau Lahmi a that; a feihlung cu thiamtleeng tia a si.Ref 20:5 1Sam. 17:4-7;
6 Gath ah an do aw sal ih cuih khua ahcun a kut khatlam ah kutzung paruk veve, a ke khatlam ah kezung paruk veve a neimi a um. Amah cu khuahlan mitum zetzet pawl ih tesinfa a si.
7 Israel mi pawl cu a dodal ih David ih unau Shammah ih fapa Jonathan in cupa cu a that.
8 Hi minung pathum, David le a ralkap pawl ih an thahmi hi Gath khua ih mitum zetzet tefa pawl an si.