18
David Ih Ralnehnak
(2 Sam 8:1-18)
1 Tawkfang a rei hnuah David in Filistin mi pawl a do ih a neh. Gath khuapi le a kiangkap ih khuate pawl tla a lak òheh.
2 Cule Moab mi pawl a do ih a neh. A kuthnuai minung ah an cang ih siah an pek.
3 Cuih hnuah Siria ramsung Zobah peng siangpahrang Hadadezer in Eufrates Tiva hna lamih ram pawl neh dingih a feh lai ah Hamath ram kiangah David in a do ih a neh.
4 David in a rangleng thawngkhat, rang ralkap thawngsarih le ke ralkap thawng kul a kai. Rangleng zakhat hrangah rang cu a zuah ih a dang pawl cu an kaizatha a satcat òheh.
5 Cule Damaskas ih ummi Siria mi pawl in siangpahrang Hadadezer bawm dingah ralkap an kuat. Cupawl tla cu David in a neh ih ralkap thawng kul hluanhnih a that.
6 An ram sungah a ralkap a ret ih a ukmi ah an cang ih siah an pek. Bawipa in David cu khuazakip ah nehtu a siter.
7 Hadadezer kutthuai bawi pawl ih kenmi sui phaw pawl cu David in a long ih Jerusalem ah a tlunpi.
8 Hadadezer ih ukmi Tibbath le Kun khuapi pawl ihsin dar tam zet a lak. Cumi pawl cu Solomon in Biakinn sungih khokheng pawl, òhuam pawl le maihum tum pipi tuahnak ah a hmang.Ref 18:8 2 Siang 7:40-47; 2 San 4:11-18;
9 David in Hadadezer ralkap a neh thluh thu Hamath siangpahrang Toi in a thei.
10 Curuangah siangpahrang David lawm dingah le lungawipi dingah Toi cun a fapa Joram a thlah; ziangahtile Toi in Hadadezer cu vei tampi a rak do zomi a si. Joram in David cu sui, ngun le dar ih tuahmi thilri tampi laksawng a pek.
11 Cuih thilri cu David in Edom mi, Moab mi, Ammon mi, Filistin mi le Amalek mi pawl hnenin a lonmi sui le ngun pawl thawn Bawipa biaknak ih hman dingah a pek.
12 Cun Zeruiah ih fapa Abishai in Edom mi cu Cite Phairawn ah thawng hleiriat a that.Ref 18:12 Saam 60 Thulu.
13 Edom ram sungah ralkap a ret ih cuticun Edom mi pawl cu David ih ukmi ah an cang. Bawipa in David cu khuazakip ah nehtu a siter.
14 David in Israel ram le a minung pawl cu dingthluk lairelnak in a uk.
15 Abishai ih u Joab cu ralbawi upa bik a si. Ahilud fapa Jehoshafat cu rampi cazin kaitu a si.
16 Ahitub fapa Zadok le Abiathar fapa Ahimelek cu puithiam an si. Seraiahq Seriah tihi Hebru òong cun Shavsha tiin a um. cu siangpahrang zungih sungòuan a si.Ref 18:16 2 Sam 8:17;
17 Jehoiada ih fapa Benaiah cu siangpahrang kiltu Kereth mi le Peleth mi pawl hotu a si. David ih fapa pawl cu a pa ih uknak sungah hnaòuan tum pipi òuantu an si.