16
1 David ih sakmi puanthlam ahcun Thukam Kuang cu an fehpi ih a sungah an ret. Cule mei-ur thawinak le remawk thawinak pawl Bawipa ih hnenah an pek.
2 David in cuih thawinak a òheh tikah misenpi pawl cu Bawipa ih hmin in thluasuah a pe ih,
3 rawl a zem hai. Israel mi an zate in nunau siseh, mipa siseh, mi pakhat ah sang zawlkhat, sa em semkhat ciar le sabit car malte ciar a pek.
4 David in Levi mi hrekkhat pawl cu Thukam Kuang hmaiih Pathian thangòhat ding le hla thawn cawimawi ding le Bawipa Israel ih Pathian a betu pawl hotu dingah a ret.
5 Cupawl lakih hotu bik cu Asaf a si ih a bawmtu cu Zekhariah a si. Jeiel, Shemiramoth, Jehiel, Mattithiah, Eliab, Benaiah, Obed Edom le Jeiel pawl tla in an bawm. Annih cu òingòang tumtu an si ih Asaf cu darsumsel tumtu a si.
6 Puithiam pahnih Benaiah le Jahaziel cu Thukam Kuang hmaiah a tikcu caan teih tawtawrawt tum ringringtu an si.
7 Cutiin Asaf le a unau Levi mi pawl cu David in Pathian thangòhat dingih òuanvo hmaisabik a rak peknak a si.
Pathian Thangòhatnak Hla
(Saam 105:1-15; 96:1-13; 106:47-48)
8 Bawipa cu thangòhat uh;
A hmin cu phuang uh.
A thil tuahmi cu
mi hmuahhmuah hnenah than uh.
9 Bawipa ih hnenah
thangòhatnak hla sak uh,
Thil mangbangza a tuahmi sim uh.
10 Amah ih ta kan si ruangah
nan lungawi uh;
Amah betu hmuahhmuah in
nan lungawi uh.
11 Bawipa le a cahnak hawl uh;
Catbang lo in a mithmai zoh uh.
12 Khawruahhar a tuahmi ruat uh,
Mangbangza a tuahmi cing òha uh,
A thuòhennak pawl tla;
13 Pathian salpa Jakob tefa pawl,
Pathian hrilmi Israel ih tefa pawl tla,
14 Bawipa cu kan Pathian a si,
Thil maksak a tuahmi hngilh hlah uh,
A thuòhennak leilung a khat.
15 Pathian ih thukam cu
hngilh hrimhrim hlah uh;
Kumkhaw daih ih a tuahmi a si;
16 Abraham hnenih a thukam le
Isaak hnenih a thutiam cu.Ref 16:16 Sem 12:7; 26:3;
17 Bawipa in Jakob hnenah
a thukam a nemhnget,
Israel hnenah kumkhua daih dingin
a hngetter.
18 “Kanaan ram ka lo pe ding,
Na covo a si ringring ding,” a ti.Ref 16:17, 18 Sem 28:13;
19 Pathian ih minung pawl cu an malte,
Kanaan ram ah mikhual ah an cang.
20 Ramkhat in ramkhat ah an vak,
Uknak pakhat in
a dang pakhat ah an cer.
21 Sikhalsehla zohman ih
neh nen mi an si lo;
Pathian in a hum hai ih anmah òan ah
siangpahrang pawl a kawk.
22 “Ka hrilmi ka milai pawl cu
dai hlah uh,
Ka profet pawl tham hlah uh,” a ti.Ref 16:21, 22 Sem 20:3-7;
23 Leilungpi in
Bawipa cu thangòhat uh;
A runnak Thuthang Òha cu
ni khat hnu ni khat phuang uh.
24 Miphun hmuahhmuah hnenah
a sunlawinak cu aupi uh;
Mikip hnenah a thil tithei zia
sim sin uh.
25 Bawipa cu a nasa ngaingai ih
hlorh tlak a si;
Khawzing dangdang hnakin
òihzah ding a si.
26 Miphun dangdang ih khawzing cu
a lem lawng an si;
Asinan van ih um thil hmuahhmuah hi
Bawipa ih siammi an si.
27 Amah cu huham le sunlawinak in
a kulh òheh;
A Biakinn cu huham le
28 Leitlunmi hmuahhmuah in
Bawipa cu thangòhat uh;
A huham le a sunlawinak hlorh uh.
29 A hmin sunglawi cawimawi cio uh;
Thawinak pe in a Biakinn ah ra uh.
Thianghlim Mi a lang tikah
a hmaiah kun uh;
30 Leilung miphunkip a hmaiah
khur in um seh.
Leilungpi a dinhmun a hnget zo,
òhawn theih ding a si lo!
31 Maw lei le van, nan lungawi uh;
Bawipa cu siangpahrang a si,
tiah mikip hnenah than uh.
32 Au uh, tifinriat le
a sung ummi pawl tla;
Lungawi uh, leiram le
a parih ummi tla.
33 Tupi sung thingkung pawl cu
lungawi in an au ding,
Lungawi in Bawipa ih hmaiah
hla an sak ding.
Leilung uk dingih
34 Bawipa ih hnenah
nan lung awi uh;
Ziangahtile Amah cu a òha;
Amah ih duhdawtnak cu
kumkhua in a hmun a si.Ref 16:34 2 San 5:13; 7:3; Ezr 3:11; Saam 100:5; 106:1; 107:1; 118:1; 136:1; Jer 33:11;
35 A hnenah, “Maw Pathian,
kannih in Runtu, in run hram aw,
Hmunkhat ah in khawm awla,
Miphun tampi kut in, in hum aw;
Cuticun na parah lungawi thu
kan rel dingih,
Na hmin thianghlim cu
kan thang òhat ding,” ti uh.
36 Bawipa, Israel ih Pathian cu
thangòhat uh;
Amah cu kumkhua in kumkhua tiang
Cutikah misenpi in “Amen,” an ti ih Bawipa cu an thangòhat.
Jerusalem Le Gibeon Ah Pathian Biaknak
37 David in Asaf le a unau Levi mi pawl cu Thukam Kuang retnak hmunih hnaòuan ringringtu dingah a ret. Nitin tein an òuanvo cu an tuahsuak ding a si.
38 Anmah bawmtu ah Jeduthun ih fapa Obed Edom le a hrinpi minung sawmruk le pariat an um. Obed Edom le Hosah cu kotka kiltu an si.
39 Puithiam Zadok le a unau puithiam pawl cu Gibeon ih ummi Bawipa ih biaknak hmunah hnaòuantu an si.
40 Bawipa in Israel mi hnenih a pekmi Daan sungih a um vekin puithiam pawl cun zingtin le zantin mei-ur thawinak an pe ringring.
41 Anmah thawn hmunkhat ah Heman le Jeduthun le a hleice ih hrilmi pawl cu, “Kumkhua ih a hmunmi Bawipa ih duhdawtnak” tiin thangòhat dingah an um.
42 Thangòhatnak hla an sak tikah an tummi tawtawrawt, darsumsel le tummi thilri pawl tla Heman le Jeduthun cun an zoh phah fawn. Cule Jeduthun fapa pawl in kotka an kil.
43 Cun misenpi cu inn ah an tlung ih David khal a innsang thluasuah dingin a tlung ve.Ref 16:43 2 Sam 6:19, 20;