10
Siangpahrang Saul A Thi
(1 Sam 31:1-13)
1 Filistin mi le Israel mi cu Gilboa Tlang ah an do aw. Israel mi tampi an thi ih a tangmi pawl cu, siangpahrang Saul le a fapa pawl thawn, an tlan thluh.
2 Asinan Filistin ralkap in Saul le a fapa pawl cu an man ih a fapa Jonathan, Abinadab le Malkhishua cu an that.
3 Saul umnak kimvel ahcun nasa cuangin an do aw ih curuangah Saul cu ral pawl ih conkiang in a ngah ih besia zet in hma a pu.
4 Cutikah a hriamnam kengtu tlangvalpa hnenah, “Na ralnam zuuk awla i that aw; culole hi serhtan lomi Filistin pawl hi ra in, in puahcok pang ding,” a ti. Asinan cuih tlangvalpa cun a tuk a sum ih a ti ngam lo. Curuangah Saul cun amah ih ralnam cu a zuuk ih a zum lamin a nen that aw.
5 Saul a thih kha tlangvalpa in a hmuh tikah a ralnam a suah ve ih a zum lamin a nen ih a thi ve.
6 Cuticun Saul le a fapa pathum cu hmunkhat ah an thi ih a ram uknak tla a cem veta a si.
7 Cule Jezreel phairawn ih a ummi Israel pawl in an ralkap pawl an tlan òheh ih, Saul le a fapa pawl an thi, ti an theih tikah an khua ciarin an suak ih suk le so ah an tlanhlo òheh. Filistin mi pawl cu an ra ih cuih khua pawl cu an luahta.
8 An do awk ih thai sun ah a thimi pawl ih thilri la dingah Filistin mi pawl an feh ih Saul le a fapa pawl ih ruak cu Gilboa Tlang parih an lum teptep kha an hmu.
9 Saul ih lu cu an tan ih a ralthuam pawl an hlit ih a lu le a hriamnam pawl phur tahrat in an khawzing le an minung pawl hnenih Thuthang Òha phuang dingin mi an thlah.
10 Saul ih hriamnam cu an khawzing biakinn ah an ret ih, a lu cu an khawzing Dagon ih biakinn ah an thlai.
11 Filistin mi pawl in Saul parih cuti an tuahmi cu Gilead ram Jabesh mi in an theih tikah,
12 mi ralòha bik pawl an pok ih Saul le a fapa pawl ruak cu Jabesh khua ah an phur. Cutawkih sasuapi hnuai ah an ruh cu an phum ih ni sarih sung rawl an ul.
13 Saul cu Bawipa parih a sual ruangah thihnak a tong a si; Bawipa ih thupekmi a thlun lo; Bawipa thuron tahrat in a duhnak thlun sawn lo in,Ref 10:13 Pui 19:31; 20:6; 1 Sam 28:7, 8; 1 Sam 13:8-14; 15:1-24;
14 pol leeng tahrat in mithi thla a ko sawn a si. Curuangah Bawipa in a that ih a uknak cu Jesse ih fapa David hnenah a pek.