SANSIARNAK
(1 Chronicles)
Thuhmaihruai
Sansiarnak pakhatnak le pahnihnak hi Samuel le Siangpahrang cabu sungih ummi tam deuh ih simnolh salnak a si. Asinan thlirdaan dangte a si ve. Sansiarnak sungah hin Israel pawl siangpahrang an neihnak thuanthu an ngan tikah tumtahmi pahnih a um:
(1) Israel siangpahrang uknak le Judah siangpahrang uknak hin siatnak an tong a si khalah Pathian in an hnenih thu a rak tiam cia mi kha a hngetter thotho. A miphun pawl hnenih a thutiam a thlen theinak dingah Judah ram ih um pawl hmangin hna a òuan thotho. Himi pawl hi a dik a si, ti langternak dingah David le Solomon tla ih nehnak maksak, Jehoshafat, Hezekiah, Josiah le Pathian parih zum tlak a simi pawl ih remsalnak an tuahmi pawl kha sirhsan ah a hmang.
(2) Jerusalem Biakinn ah Pathian biak an thawh daan, cumi biaknak ah hnaòuantu puithiam le Levi mi pawl ih hnaòuan zem awk daan, Solomon cu Biakinn rak saktu asinain a hramthoktu ngaingai cu David a si, ti thu a sim.
1
Adam Ihsin Abraham San Tiang
(Sem 5:1-32; 10:1-32; 11:10-26)
1 Adam cu Seth ih pa a si, Seth cu Enosh ih pa a si, Enosh cu Kenan ih pa a si,
2 Kenan cu Mahalalel ih pa a si, Mahalalel cu Jared ih pa a si.
3 Jared cu Enok ih pa a si, Enok cu Methuselah ih pa a si, Methuselah cu Lamek ih pa a si,
4 Lamek cu Noah ih pa a si. Noah in fapa pathum a nei ih Shem, Ham le Jafeth an si.
5 Jafeth ih fapa pawl cu Gomer, Magog, Madai, Javan, Tubal, Meshek le Tiras an si ih an hrinmi miphun pawl in anmah hringtu ih hmin ciar an keng.
6 Gomer ih tefa pawl cu Ashkenaz mi, Riphath mi le Togarmah mi an si.
7 Javan ih hrin pawl cu Elishah mi, Tarshish mi, Saipras mi le Rodes mi pawl an si
8 Ham ih fapa pawl cu Kush, Izipt, Libia, le Kanaan an si ih an hrinmi miphun pawl in anmah hringtu ih hmin ciar an keng.
9 Kush ih tefa pawl cu Seba mi, Havilah mi, Sabtah mi, Raamah mi le Sabteka mi an si. Raamah tefa pawl cu Sheba le Dedan mi an si.
10 (Kush in fapa Nimrod a nei ih Nimrod cu leilungtlun ah mi nehtu hminthang hmaisabik a si.)
11 Izipt ih tefa pawl cu Lidia mi, Anam mi, Lehab mi, Naftuh mi,
12 Pathrus mi, Kasluh mi le Krete mi an si. (Krete mi pawl cu Filistin mi pawl cithlahtu an si.)
13 Kanaan ih fapa upa bik cu Sidon a si ih, a sangtu ah Heth a si ih an hrinmi miphun pawl in anmah hringtu ih hmin ciar an keng.
14 Kanaan ih cithlahmi cu Jebus mi, Amor mi, Girgash mi,
15 Hiv mi, Arka mi, Sin mi,
16 Arvad mi, Zemar mi le Hamath mi tla an si.
17 Shem ih fapa pawl cu Elam, Asshur, Arpakshad, Lud, Aram, Uz, Hul, Gether le Meshek an si ih an hrinmi miphun pawl in anmah hringtu ih hmin ciar an keng.
18 Arpakshad cu Shelah ih pa a si, Shelah cu Eber ih pa a si.
19 Eber in fapa pahnih a nei, pakhat cu Pelega Peleg timi cu Hebru òong in òhenawknak tican a si. a si, ziangahtile amah ih san ah leilungtlun milai pawl cu an òhen aw thluh; pahnihnak cu Joktan a si.
20 Joktan ih tefa pawl cu Almodad mi, Shelef mi, Hazarmaveth mi, Jerah mi,
21 Hadoram mi, Uzal mi, Diklah mi,
22 Ebal mi, Abimael mi, Sheba mi,
23 Ofir mi, Havilah mi le Jobab mi an si.
24 Shem ih cithlah pawl cu Shem, Arpakshad, Shelah,
25 Eber, Peleg, Reu,
26 Serug, Nahor, Terah le
27 Abram an si. (Abram cu Abraham tiih run kawh a si.)
Ishmael Ih Tesinfa Pawl
(Sem 25:12-16)
28 Abraham in fapa pahnih Isaak le Ishmael a nei.
29 Ishmael ih tefa pawl cu Nebaioth (Ishmael ih fapa upa bik), Kedar, Adbeel, Mibsam,
30 Mishma, Dumah, Massa, Hadad, Tema,
31 Jetur, Nafish le Kedemah an si. Hi pawl hi Ishmael ih fapa pawl an si.
32 Abraham in nusun Keturah a nei ih fapa paruk a hrin: Zimran, Jokshan, Medan, Midian, Ishbak le Shuah an si. Jokshan in fapa pahnih Sheba le Dedan a nei.
33 Midian in fapa panga a nei ih Efath, Efer, Hanok, Abida le Eldaah an si.
Esau Ih Tesinfa Pawl
(Sem 36:1-19)
34 Abraham ih fapa Isaak in fapa pahnih Esau le Jakob a nei.
35 Esau ih fapa pawl cu Elifaz, Reuel, Jeush, Jalam le Korah an si.
36 Elifaz cu Teman mi, Omar mi, Zefi mi, Gatam mi, Kenaz mi, Timna mi le Amalek mi pawl ih cithlahtu a si.
37 Cule Reuel cu Nahath mi, Zerah mi, Shammah mi, le Mizzah mi pawl ih cithlahtu a si.
Edom Ram Ih A Rak Um Hmaisabik
(Sem 36:20-30)
38-42 Edom ram ih a rak um hmaisatu pawl cu a thuailam Seir fapa pawl ih cithlahmi an si:
Lotan cu Hori le Homam hrin pawl ih cithlahtu a si. (Lotan in farnu pakhat Timna a nei.)
Shobal cu Alvan, Manahath, Ebal, Shefi le Onam hrin pawl ih cithlahtu a si.
Zibeon in fapa pahnih Aiah le Anah a nei. Anah cu Dishon pa a si ih Dishon cu Hamran, Eshban, Ithran le Kheran hrin pawl ih cithlahtu a si.
Ezer cu Bilhan, Zaavan le Jaakan hrin pawl ih cithlahtu a si.
Dishan cu Uz le Aran hrin pawl ih cithlahtu a si.
Edom Siangpahrang Pawl
(Sem 36:31-43)
43-50 Israel ram ih siangpahrang an rak um hlanah a tanglam siangpahrang pawl in Edom ram cu a sangsang in an rak uk:
Dinhabah khua mi Beor ih fapa Bela,
Bozrah khua mi Zerah ih fapa Jobab,
Teman peng mi Husham,
Avith khua mi Bedad fapa Hadad.
Hadad cu Moab ram ih
Midian ral nehtu a si.
Masrekah khua mi Samlah,
Tivapi kapih Rehoboth khua mi Shaul,
Akbor ih fapa Baal Hanan le
Pai khuami Hadad tla in an rak uk a si.
Hadad nupi Mehetabel cu
Matred fanu le Mezahab tunu a si.
51 Hadad a thih hnuah Edom ram cu a tanglam hrin ciar ah an òhen aw. Cuih hrin pawl cu Timna, Aliah, Jetheth,
52 Oholibamah, Elah, Pinon,
53 Kenaz, Teman, Mibzar,
54 Magdiel le Iram an si.