SAAM HLABU 93
Pathian Cu Siangpahrang A Si
1 Bawipa cu siangpahrang a si.
Sunlawinak huham in a thuam aw ih
thazang cahnak in a khat.
Leilungpi cu a umnak ah na ret zo ih
òhawn theih a si nawn lo.
2 Maw Bawipa,
na siangpahrang tohkham cu,
a hramthok ihsin a rak hnget zo.
Caan a um hlanah nang cu
3 Maw Bawipa,
tipithuanthum a thukmi pawl in
an aw an suah.
An aw an suah ih a huuk in an huuk.
4 Bawipa cu vancung ah
uktu bawi bik a si.
Tipithuanthum ih huuk aw hnakin
a nasa sawn ih,
Tifinriat ih tisuar hnakin a cak sawn.
5 Maw Bawipa,
na daan pawl cu kumkhua in
an hnget ih,
Kumkhua in kumkhua tiang
na Biakinn cu a thianghlim a si.