SAAM HLABU 78
Pathian Le A Minung Pawlp Asaf Ih Phuahmi Hla
1 Maw ka minung pawl,
ka lo zirhmi thu hi ngai uhla,
Ka thusimmi hi nan hna tun hnik uh.
2 Nan hnenah thu ka sim ding;
A cem cia mi kum le san ih,
Thuthuk ka lo sim ding.Ref 78.2 Mat 13:35;
3 Kan hna ih theih cia mi le
kan thinlung khalih theih cia mi,
Kan pupa pawl ih in sim cia mi
thu pawl cu.
4 Cuih thu cu kan faate pawl
hnen ihsin kan thup lo dingih,
Bawipa ih huham le cahnak
mangbangza pawl,
Thil mangbangza a tuahmi pawl cu
A ra lai dingmi san khalah
5 Israel mi pawl hnenah daan a pek ih,
Jakob ih tefa pawl hnenah
thukham a pek.
An faale pawl hnenih zirh dingah
Kan pu le kan pa pawl hnenah
daan a pek a si.
6 An faale pawl in anmah ih
faale hnenah an zirh ih,
Cuih faale pawl in anmah ih
faale hnenih zirhsin vivo dingah
a pek a si.
7 Cuticun annih khalin
Pathian an rinsan dingih,
A thil mangbangza tuahmi kha
hngilh lo in an um dingih,
A thukham pawl cu
an thlun ringring ding a si.
8 Annih pawl cu an pu le an pa,
Mi lungruh le dodal hmang pawl,
Pathian an rinsannak ziangtik
hmanih a hnget dah lo pawl le,
Pathian rin tlak ih a um dah lo
pawl bangtuk cu an si lo pei.
9 Li le conkiang thawn raldotu
Efraim mi pawl cu,
Raldo tikcu a thlen ngaingai cun
an tlanhlo òheh.
10 Pathian thawn an thukammi
an thlun lo;
A daan an thlun fawn lo a si.
11 Mangbangza tuahmi thil pawl le
An hnenih thil khawruahhar
a langtermi pawl cu,
an hngilh zo a si.
12 Izipt ramsung, Zoan nelrawn,
Pathian ih mangbangza tuahmi cu
an pupa pawl in an hmu.Ref 78.12 Suah 7:8-12:32;
13 Pathian in tifinriat a òhen ih
cutawkin a hruai hai.
Tidai pawl cu phar bangin a dinter.Ref 78.13 Suah 14:21, 22;
14 Sun ah khawdur thawn a hruai ih
zan ah meitleu thawn a hruai hai a si.Ref 78.14 Suah 13:21, 22;
15 Nelrawn ramòhing ih lungto
tum pipi a khuai ih an in dingah,
Leilung thuk zet ih tidai cu a putter.
16 Lungto ihsin tidai a putter ih
Tidai cu tiva bangin a luanter.Ref 78.15, 16 Suah 17:1-7; Mipum 20:2-13;
17 Sikhalsehla Pathian parah
an sual thotho ih,
Cungnungbik Bawipa dodal in,
nelrawn ramòhing ahcun
ral an tho òhiamòhiam.
18 Pathian cu an hniksak hrim,
An hiarmi rawl an dil hrim.
19 Pathian an soi ih,
“Nelrawn ahhin
Pathian in cabuai thawn
rawl in pe thei ngai pei maw?
20 Lungto cu a vuak ih
tidai a puut zurzo ngai;
Asinan sang in pe thei ngai pei maw?
Ei dingah sa in pe ngai pei maw?”
21 Curuangah Bawipa cu
an parah a ai a thok ih,
Cutiih a parah zumnak
an neih lo ruangah le,
In runsuak thei ding tiih
an rinsan lo ruangah,
22 Meisa hmang in a hrem hai ih
a minung pawl parah
a thin a heng deuhdeuh.
23 Sikhalsehla tlunlam
van hnen ah thu a sim ih,
a sangka pawl ong dingah thu a pek.
24 Van ihsin rawl a pek hai ih
an ei dingah manna a run thlak.Ref 78.24 Joh 6:31;
25 Cuticun vancungmi pawl ih
rawl kha an ei ih,
An ei thei zat in Pathian in
a pek hai a si.
26 Cuih hnuah nisuahnak lam
thli a hrangter;
Thlanglam thli a huham in
a thoter ih,
27 An hnenah vate cu leidip zat in
a run thlak;
Tifinriat kap ih vunnel zat in
a run thlak an si.
28 An riahhmun laifang,
an puanthlam kiangkap ahcun,
A tortor in an tla hnenhnen.
29 Cuticun an duhzat an ei ih
an lung a kim,
Pathian in an duhmi hmuahhmuah
a pek a si.
30 Sikhalsehla an ei rero lai ah,
Diriam ko ih an ei ngah hlanah,
31 Pathian cu an parah a thin a heng ih,
Anmah lakih micak bik pawl,
Israel mi lakih mino òha bik pawl
a that hai.Ref 78.18-31 Suah 16:2-15; Mipum 11:4-23; 31-35;
32 Hibangtuk mangbangza tampi
tuah hmansehla,
A minung pawl cu an sual thotho.
An Pathian cu an rinsan cuang lo.
33 Curuangah an damsung ni cu
thaw bangin a tawiter ih,
An nunnak cu rinlopi ah
siatsuahnak a tong a si.
34 Cutin mi hrekkhat pawl
a thihter hnuah,
A dang pawl cu amah hnenah
an kirsal.
An sual an siir aw ih thinlung tak tein
a hnenah thla an cam.
35 Pathian cu anmah humtu a si
kha an theisal ih,
Cungnungbik cu an runtu a si kha
an cingsal.
36 Asinan an hmurka in
an porh an bum ih,
An òongmi hmuahhmuah cu
thuphan hlir a si.
Thungai zianghman a um lo.
37 Amah tlaihsannak
zianghman an nei lo.
Amah thawn an thukammi cu
an kimter cuang lo.Tirh8:21;Ref 78.37
38 Sikhalsehla Pathian cu
a minung pawl hnenah,
Zangfahnak lainatnak a nei ih
an sualnak cu a ngaidam.
Curuangah a siatsuah thluh hai lo.
Vei tampi thinheng lo in a sup,
A aithoknak cu a daiter theisal a si.
39 A minung pawl cu
mihring lawng an si ih,
Thli vekin a hrangih
a hlosalmi lawng an si,
40 Vei ziangzat mengso
thlaler ramòhing ah,
Pathian dodal in ral an thawh!
Vei ziangzatso a riah an siatter!
41 Atu le atu Pathian cu an hniksak ih,
Israel ih Pathian Thianghlim cu
a thin an hengter.
42 A huham a tum zia cu an hngilh!
An ral pawl kut sung ihsin
A hum hainak tikcu kha
an thei nawn lo!
43 Izipt ramsung, Zoan nelrawn ih
mangbangza le khawruah har
a tuahmi pawl an ciing nawn lo.
44 An tiva pawl cu thisen ah
a canter òheh,
Cuticun Izipt mi pawl cu an tiva ihsin
tidai an ngah thei nawn lo.Ref 78.44 Suah 7:17-21;
45 An lakah thothe a thlah ih
a hrem hai;
Butlak khal a thlah ih
an lo pawl a siatsuah òheh.Ref 78.45 Suah 8:20-24;Ex. 8.20-24
46 Kharbok a thlah ih
an rawl pawl an ei òheh;
Cuih kharbok cun an lo pawl
an tisiat òheh.
47 An sabit hri pawl cu
rial in a thah ih,
An theipi kung pawl cu
vur in a thihter òheh.
48 An caw pawl rial in a thah ih
an tuu pawl cu òek in
a thah òheh.
49 A nasa zetmi a thinhennak le
a lingsa zetmi a ai thawhnak cu
an parah a run burh ciamco.
Awloksong le vansanglam in
a tuah hai ih,
Mi siatsuahtu vancungmi
an hnenah a vun thlah.
50 A thinheng khal a sup lo;
An nunnak khal a zuah lo.
Pulhnat in a thihter hai a si.
51 Izipt mi innsung sang
hmuahhmuah ih,
Fapa upa bik a thah òheh a si.
52 Cule tuukhal bangin
a minung pawl cu a hruaisuak ih,
Nelrawn ramòhing ah a khor hai.Ref 78.52 Suah 13:1722;
Nelrawn tan in a hruai a si.
53 Thlangam ten a hruai ih
ziang hman an òih lo;
An ral pawl sawn cu tifinriat in
a khuh òheh hai a si.Ref 78.53 Suah 14:26-28;
54 A minung cu a ram thianghlim ah
a fehpi;
Amah ih a nehmi tlang parah cun
a hruai hai a si.Ref 78.54 Suah 15:17; Jos 3:14-17;
55 A minung pawl hmaiih
an nor deuhdeuh tikah,
Cuih ram a rak umtu pawl cu
a dawihlo;
Ram cu Israel miphun pawl hnenah
a zem ih,
An khua le an inn ciar ah
a umter hai a si.Ref 78.55 Jos 11:16-23;
56 Sikhalsehla Ziangkimtithei
Pathian cu an hniksak ih,
Amah do dingah ral an tho;
A thukham pawl an thlun lo.Ref 78.56 Thuò 2:11-15;
57 An pu le an pa pawl vekin
ral tho duh pawl le,
Mi dodal duh pawl an si;
A ngawimi li ihsin saimi
conkiang vekin rin tlak lomi
pawl an si.
58 An khawzing biaknak hmun pawl
an tuah ruangah,
Pathian a thin an hengter.
An milem pawl ruangah
thiik an neihter a si.
59 Cumi pawl a hmuh tikah
Pathian cu a ai a thok ngaingai ih,
A minung pawl cu a dungtun hai a si.
60 Minung hnenih
a rung um òheunak a inn, Shiloh ih
a puanthlam cu a suahsan.Ref 78.60 Jos 18:1; Jer 7:12-14; 26:6;
61 A huham le a sunlawinak pawl
a langnak Thukam Kuang cu
ral pawl a longter.
62 Amah ih minung parah
a thin a heng ih,
an ral pawl a thahter hai.
63 Raldonak ah tlangval hmuahhmuah
an thi òheh ih,
Fala pawl hrangah pasal ding
an um nawn lo.
64 Puithiam pawl khal ralnam in
an thi ih,
An nupi pawl khalin an òah lo.
65 Netabik ah Bawipa cu,
ihnak ihsin hung òhang vek khin
a tho;
Micak zet pa cu sabittiih
a tha a thawhter vekin a tho a si.
66 A ral pawl cu an dunglam ah
a nor vivo;
An ningzak ko in a neh hai ih
an tho thei nawn lo.
67 Asinan Josef ih tefa pawl cu
a hnongta;
Efraim phun pawl khal a hril nawn lo.
68 An ai ah Judah phun le
a duh zetmi Zion Tlang a hril.
69 Cutawkah vancung ih a umnak
inn bangin a Biakinn
a thianghlimmi cu a sak.
Leilungpi bangtukih san khat hnu
san khat fek dingah a sak ih
70 Amah in a siahhlawh David a hril;
Tuu a khalhnak ihsin le
71 Tuu note a kilkhawinak ihsin a ko.
Pathian ih minung pawl
khaaltu dingah le
Israel siangpahrang ah a tuah.Ref 78.70, 71 1 Sam 16:11, 12; 2 Sam 7:8; 1 San 17:7;
72 Thinlung zate pek in a kilkhawi ih,
felnak le thiamnak thawn
a hruai hai a si.