SAAM HLABU 68
Ralnehnak Hlag David Ih Phuahmi Hla
1 Pathian tho sehla a ral pawl
òhekdarh seh;
Amah a huatu pawl cu
tlanhlo thluh hai seh.
2 Meikhu cu thli ih a semhlo
bangin amah in a semhlo ding;
Khuailul cu meisa hmaiih
a zup thluh bangin,
Miòha lo pawl cu Pathian hmai
ahcun siatral thluh hai seh.
3 Asinan miding pawl cu
a mithmuh ah an lung a awi ding.
An lung a awi ngaingai ding a si.
4 Pathian hnenah hla sak uh;
Amah ih hmin thangòhat uh;
Mero parih a totu hrangah
lamzin rak sial uh;
Amah ih hmin cu Bawipa a si;
5 Pathian, a Biakinn thianghlim
sungih a umtu cun,
Nu le pa nei lo farah zawn
a ruatih nuhmei pawl a hum a si.
6 Inn nei lo lungleng vakvai pawl
umnak innsang a pek ih,
Thawngtla mi pawl kha
lungawiza zalennak ah a hruai.
Asinan raltho hmang pawl cu
ramcar lakah an tang ding.
7 Maw Pathian, na minung pawl
na hruaisuak tikah,
Nelrawn tan ih na fehpi hai tikah khan,
8 Leilung a hnin durdo ih
van in ruah a run burh;
Sinai Pathian, Israel ih Pathian
a thlen tikah cun.Ref 68.8 Suah 19:18;
9 Ruah tampi na surter ih,
Phuul ram cu na hnawngtersal.
10 Na minung pawl in cutawkah
umhmun an khuar;
Na òhat ruangah mifarah pawl
11 Bawipa in thu a pe ih
Nunau tampi in thuthang cu
an fehpi ih:
12 “Siangpahrang pawl le
an ralkap pawl an tlanhlo a si,”
an ti.
Inn ih ummi nunau pawl in
thilri lonmi an zem aw.
13 Ngun ih tuam mi thuro,
an thla pawl sui bangin
an tleu zohzo.
(Ziangahso raldo lai ah mi hrek khat
tuuhruang sungih nan um men?)
14 Ziangkimtithei Pathian in
Zalmon Tlang parah siangpahrang
pawl a òhekdarh thluh hai tikah
15 Maw Bashan tlang, tlangbol
tampi neitu tlang lian,
16 Ziangahso Pathian in amah
umnak dingih a hrilmi tlang cu
na tlangbol par ihsin
nautatnak thawn na vun zoh?
Bawipa cu a hrilmi tlang ah
17 Rangleng mak zetzet, siar cawk lo
thawng tampi thawn,
Bawipa cu Sinai Tlang ihsin
hmun thianghlim ah a ra.
18 Bawipa cu tlangzim ah
a hung kai;
A ral kaihmi tampi a fehpi.
Ral thotu pawl hnenin
laksawng tampi a ngah.Ref 68.18 Efe 4:8;
Bawipa Pathian cu cunah
19 Bawipa cu
thangòhat si ko seh.
Amah in kan thilrit nitin tein a phur;
Amah cu in runtu Pathian a si.
20 Kan Pathian cu mi runtu
Pathian a si;
Amah cu Bawipa a si ih
thihnak ihsin in runsuaktu
21 Pathian in a ral pawl le,
Sualnak lamzin a thlun ringringtu
pawl ih lu cu a khuai thluh ding.
22 Bawipa in, “Nan ral pawl cu
Bashan ihsin ka rak hruai dingih,
Tipithuanthum tawne ihsin
ka hun suahpi hai ding.
23 Cuticun nan ke cu an thisen ah
nan kholh dingih,
Nan uico khalin an duhzat in
an liak ding,” tiah a ti.
24 Maw Pathian, na feh lai cu
mi hmuahhmuah in an hmu;
Ka Pathian le ka siangpahrang,
a hmunthiang ih feh lai cu!
25 Hmaisabik ah hla satu pawl an feh;
Dunglam ah awnmawi tumtu pawl
an feh;
An karlak ah khuangte tumtu
fala pawl an feh.
26 “Pathian cu a minung pawl
tonkhawmnak ah thangòhat uh;
Bawipa cu Israel tesinfa pawl
hmuahhmuah in thangòhat uh,” an ti.
27 Hmaisabik ah an hrin lakih
fa nauta bik Benjamin mi an ra;
Cumi sangtu ah Judah hotu pawl,
Anmah ih ho ciar thawn an ra.
Cule Zebulun le Naftali hotu pawl in
28 Maw Pathian,
na huham run langter aw;
Kanmah hrangih na hmanmi
na huham cu!
29 Siangpahrang pawl in
laksawng an lo peknak,
Jerusalem khua na Biakinnpi ihsin
run langter aw.
30 Phaikung lakih a ummi
ramsa vek a simi Izipt kha
kawk awla,
Caw note pawl thawn a tlangmi
cawcang rual vek a simi
miphun pawl cu kawk hai aw;
Na hmaiah an kun ih an ngun pawl
an lo pek hlan lo nun zirh hai aw.
Raldo lawnglawng a duhtu pawl cu
òhekdarh thluh aw.
31 Izipt ram ihsin thlahmi
rampalai pawl an ra ding;
Ethiopia mi pawl cun
Pathian hnenah ban phar in
32 Maw leilungtlun ram pawl,
Pathian hnenah hla sak uh;
Bawipa ih hnenah
thangòhatnak hla sak uh;
33 Kumkhua ih a hmunmi van,
cuih van pawl a totu hnen ahcun!
Amah ih aw, nasa zet ih
a aunak aw cu ngai uh.
34 Pathian ih huham thangter uh.
A makmi a sunlawinak cu
Israel parah a um.
A cahnak cu vandum ahkhin a um.
35 A hmunthiang sungah Pathian cu
ziangtluk maktara so a si!
Israel ih Pathian cu!
Amah ih minung hnenah
Pathian cu thangòhat si ko seh.