SAAM HLABU 60
Luatnak Hrang Thlacamz David Ih Phuahmi HlaRef 60 Thulu. 2 Sam 8:13; 1 San 18:12;
(Saam 108:6-13)
1 Maw Pathian, kannih cu
in hnong zo ih in tisiat zo.
Kan parah na thin a heng zo;
Asinan kan lam
hoi kirsal hram aw.
2 Kan ram hmuahhmuah
na hnin thluh ih
na sat kuai òheh zo.
A hma cu damter sal aw,
Ziangahtile a tla kuai thluh
pang ding.
3 Na minung pawl cu harsatnak
tam zet na tuarter zo.
In ritertu sabit in pe ih
kan sawn kan ril.
4 Nangmah a lo òihzahtu pawl
hrangah thantar na thlai sak.
An ral pawl kut sung ihsin
an luat theinak dingah.
5 Na cahnak in, in run aw.
Na duhdawtmi na minung an luat
theinak dingah
Kan thlacamnak in let hram aw.
6 A hmunthiang sung ihsin Pathian in,
“Lungawi zet in Shekhem cu
ka òhen ding;
Sukkoth phairawn cu ka miphun
hnenah ka zem ding.
7 Gilead ram cu ka ta a si,
Manasseh khal ka ta a si.
Efraim cu ka lukhuh a si;
Judah cu ka bawi kianghrol a si.
8 Asinan Moab ram cu ka kut
kholhnak kheng ah ka hmang ding;
Edom ram ah ka kedam ka hlon ding,
Ka ta a si, ti theihnak ah.
Filistin ram parah nehnak aw thawn
9 Maw Pathian, ralhruang kulhmi
khuapi ah zoso i fehpi ding?
Edom ah zoso i hruai ding?
10 In thlauthla ngaingai maw si?
Kan ralkap pawl thawn
na feh ve lo ding maw?
11 Kan ral in do bawm aw.
Ziangahtile milai bomnak cu
a lak a si.
12 Kan hnenih Pathian a òan ahcun
kan neh ding;
Kan ral pawl a neh ding a si.