SAAM HLABU 57
Bomnak Hrang Thlacamw David Ih Phuahmi HlaRef 57 Thulu. 1 Sam 22:1; 24:3;
1 I zangfah hram aw;
Maw Pathian, i zangfah hram aw;
Na hnenah himnak duh ah ka ra.
Òihphannak a cem thluh hlan lo,
Na thladem hnuai ah humhimnak ka
ngah a si.
2 Pathian ka ko, Cungnungbik cu!
Ka òulmi hmuahhmuah i petu
Pathian cu ka ko.
3 Van ihsin i run awi dingih
i run ding;
I pal cih rerotu cu ningzak ko in
a tuah hai ding.
Pathian in a hmunmi a duhdawtnak
le rin tlak a sinak cu
ka hnenah a langter ding.
4 Kiosa lakah ka it,
Mi ei-tu kiosa lakah;
An ha cu feipi le conkiang vek
an si ih, an lei cu ralnam
5 Maw Pathian, na maksak zia cu
van ahkhin langter awla,
Na sunlawinak khal leilungtlun
hmuahhmuah ah langter aw.
6 Keimah kaih duh ah ka ral pawl
in suurthang in kam.
Mangbang vansang in ka lu ka kun.
Ka fehnak lamzin ah khur an lai.
Asinan anmah riangri an tla.
7 Ka thinlung cu a hnget ko,
Maw Pathian, ka thinlung cu
a hnget a si.
Hla ka sak dingih ka lo
thangòhat ding.
8 Maw ka thlarau, òhang thlang aw.
Ka òingòang le ka lemlawi pawl,
tho thlang uh.
Ni khal ka òhang ding.
9 Maw Bawipa,
miphun tampi lakah
ka lo lawm ding!
Minung tampi lakah
ka lo cawimawi ding!
10 A hmunmi na duhdawtnak cu
vancung a thleng;
Rin tlak na sinak in van a dai.
11 Maw Pathian, na maksak zia cu
van ahkhin langter awla,
Na sunlawinak cu leilung
pumpuluk ah langter aw.