SAAM HLABU 49
Thilri Rinsan Cu Aat Hna A Sip Korah Hrin Ih Phuahmi Hla
1 Mi hmuahhmuah in thei uh!
Khuazakip ih a um minung pawl,
2 Upa nauta le milian farah in
Ngai hnik uh.
3 Ka òongmi cu fimnak òongkam a si.
Ka ruahnak cu sullam neimi an si.
4 Phungthluk thu ka ruat dingih
Tingrisit tum phahin
5 Ka ral pawl in, in kulh ih
òihnak can hmanah,
Ka thin a phang lo.
6 An thilri a rinsantu pawl le
an lennak porh ciamco pawl in
in kulh hmanah
zianghman ka òih lo.
7 Zohman in amah ih nunnak cu
a tlen thei lo ding.
A nunnak ih man cu
Pathian a pe thei lo ding.
8 Ziangahtile a nunnak ih man cu
a khungtuk ih,
Thihnak ihsin humhimnak
ngah ding le,
9 Kumkhua nunnak ngah dingih
a pek theimi man hman in
10 Zokhal in mifim pawl an thi ih
Mi-aa le mi hmuk pawl tla
an thi thotho ti an hmu.
An zate in an thilri cu
an tefa an roh.
11 An thlan cu kumkhua in
an inn a si.
Cutawkah kumkhua in an um;
Hlanah leiram an rak nei nain!
12 Minung cu a lennak in
thihnak ihsin a hum thei lo ding.
Ramsa vekin an hloral ve ding.
13 Mah le mah a rinsan aw zet pawl khi,
ziang an cang ti zoh hnik uh!
An lennak ih diriam pawl vanduai zia!
14 Tuu bangin a thi ding lawng an si,
Thih cu anmah khaaltu a si ding.
Miding pawl cu anmah nehtu
an si ding,
Thihnak khua ah an ruangpi a thut ih,
An inn ihsin lam hlapi ih
an um tik ahcun!
15 Pathian in kei cu i hum ding;
Thihnak huham sung ihsin
16 Mi pakhatkhat a len vivo tikah le,
A lennak cu a karh sinsin tikah
na lung sia hlah.
17 A thih tikah zianghman
a keng thei lo ding;
A lennak in thlan ah
a thlun lo ding.
18 Mi pakhatkhat leilungtlun
a nunnak ahhin lungdaihnak
a ngah ih a hlawhtlin ruangih
an porh zet hmanah,
19 Thihnak a ton tikah cun
kumkhua ih khawthimnak hmunah
A pu le a pa pawl a vun thlun
thotho ding.
20 Minung cu a sunlawinak in
thihnak ihsin a hum thei lo ding.
Ramsa vekin a hloral ve ko ding.