SAAM HLABU 46
Pathian Kan Hnenah A Umm Korah Hrin Ih Phuahmi Hla
1 Pathian cu kan beunak le
kan thazang a si;
Harsat caan ah cat lo ih
in bawmtu a si.
2 Curuangah zianghman kan òih
lo ding;
Leilung pi a hnin òheh ih,
Tipithuanthum thuuk sungah
tlangsang pawl an cim òheh ih,
3 Tifinriat pawl tilet tho in
a huuk ih tlang pawl an hnin
an cim hmanah kan òih lo ding.
4 Pathian khuapi sungah le,
Cungnungbik ih inn thianghlim
sungah lungawinak a rak
luanpitu tiva pakhat a um.
5 Cuih khuapi ah Pathian a um ih
Ziangtik hmanah siatsuah
a si dah lo ding.
Zingthlapit ah cuih khua
bawm dingin a ra ding.
6 Miphun pawl an tuk a sum,
Uknak ram pawl an hnin òheh;
Pathian in a aw a suah ih
leilung pumpi cu a ziam òheh.
7 Cungnungbik Bawipa cu
kan hnenah a um.
Jakob ih Pathian cu kan beunak
8 Ra uh; Bawipa ih a tuahmi hi
zoh hnik uh,
Leilungtlun ih thil
a siatsuah thei zia hi!
9 Leilung pumpi ah ral a daihter;
Li pawl a khiak òheh,
fei pawl a sattan òheh ih,
ralphaw pawl mei in a ur òheh.
10 Amah in, “Nan doawknak cu
baang thlang uh,
Keimah hi Pathian ka si kha thei uh;
Miphun hmuahhmuah tlunah
bawi bik ka si ih leilung pumpi tlun
khalah bawi bik ka si thotho,”
tiah a ti.
11 Cungnungbik Bawipa cu
kan hnenah a um.
Jakob ih Pathian cu kan beunak
lungpi a si.