SAAM HLABU 44
Humhimnak Hrang Thlacamk Korah Hrin Pawl Ih Phuahmi Hla
1 Maw Pathian, kan hna in kan thei zo,
Kan pu le kan pa pawl in, in sim zo;
Khuahlan lai ih thil mangbangza
na tuahmi pawl cu!
2 Nangmah in Pathian thei lo pawl
na dawi ih,
Na minung pawl hi ram luahtu ah
na tuahnak cu!
Miphun dang pawl cu na hrem hai nain,
na minung pawl cu mi neinung ih
na tuahnak pawl cu!
3 Na miphun pawl in hi ram cu
an ralnam in an neh a si lo;
An cahnak in an neh khal a si lo.
Na vorhlam ban thacak le huham,
an hnenih na um ringringnak le,
Na duhdawtnak an hnenih
na langternak in an neh a si.
4 Nangmah cu ka siangpahrang le
ka Pathian na si.
Na minung hnenah ral nehnak na pek.
5 Na huham in kan ral pawl cu
kan neh;
Na hmin in, in dotu pawl leilung ah
kan pal cih.
6 Ka li hi ka rinsan lo;
Ka ralnam khal hi i run theitu a si lo.
7 Kan ral pawl ih kut ihsin
in hum zo ih,
In huatu pawl na neh hai a si.
8 Nangmah cu kan lo thangòhat dingih,
Kumkhua in kan lo cawimawi ding.
9 Sikhalsehla maw Pathian,
Nangmah in, in hnong ih
kan ral in, in nehsal zo.
Kan ralkap bu pawl hnenah
na feh nawn lo.
10 Kan ral pawl hmai ihsin
in tlanter zo,
Kan ral in kan thilri pawl
in long òheh zo.
11 Tuu vekih thah thluh dingah
in siang zo;
Ram dangdang ah in òhekdarh
thluh zo a si.
12 Na minung pawl na zuar hai ih
An man na ngenmi cu
zianghman reltlak a si lo.
Na zuarmi man in zianghman
hlawknak na ngah fawn lo.
13 Kan parih na thil tuahmi hi
kan kiangkap pawl in
an hmuh tikah,
In hmuhsuam ih in hnihsan.
14 Miphun tampi lakah nautat
phun ah kan cang;
Nautat hmuhsuamnak thawn
an lu in suthnawh ciamco.
15 In duh lotu le ka ral pawl
Hmuhsuamnak le relsiatnak
ka theih ruangah,
16 Ningzahnak in puan bangin
i khuh ih,
Mualpho in ka um ringring a si.
17 Nangmah cu kan lo hngilh lo ih
Kanmah thawn na thukamnak tla
kan balsiat lo nain,
Hibangtuk thil hi kan parah a thleng.
18 Kan thinlung hi a zuangzam dah lo;
Kan ke khal na lamzin ihsin
an pial dah lo.
19 Asinan zohman bawmtu nei lo in
ramsa lakah in tanta ih,
Thihnak khawthim sungah
20 Kan Pathian biak kan cawl ih
ramdang khawzing hnenah
thla kan cam sibang sehla,
21 Nangmah in, in thei thluh zo
ding a si;
Ziangahtile nang cu minung ih
ruahnak thup tla a thei òhehtu na si.
22 Sikhalsehla nangmah ih ruangah
sun nihlawh thah tuar rero in
kan um;
Thah dingmi tuu tluk ih ruahmi kan si.Ref 44.22 Rom 8:36;
23 Maw Bawipa, òhang thlang aw!
Ziangahso na ih ringring?
Tho thlang aw! Kumkhua cun
in tanta hram hlah aw.
24 Ziangahso kan hnen ihsin
na relh ringring?
Kan harsatnak le kan tuarnak hi
25 Lei parih pal cih mi kan si;
Ral in, in neh ih leivut lakah
in thluk.
26 Tho awla in bawm aw.
A hmunmi in duhdawt ruangah
in run hram aw.