SAAM HLABU 42
Bu Hnihnak
Harsat Caan Ih Thlacamnakk Korah Hrin Ih Phuahmi Hla
1 Zukneng in zo tidai a ngai
duahdo vekin,
Maw Pathian, nangmah cu
ka lo ngai a si.
2 Maw Pathian, a nungmi Pathian,
Ka nunnak in nangmah cu
tidai bangin a lo haal a si.
Ziangtikah so na hnen ka thlen ih,
Na mithmai ka hmuh ding?
3 A sun a zan in ka òap ih,
Mitthli lawng hi ka rawl a si.
Ka ral pawl in, “Khuiahso na
Pathian cu a um?” tiah
4 A cem cia mi tikcu ka ruahsal tikah
ka lung a kuai òheu.
Mi senpi thawn Pathian inn ih
kan rak feh òheu kha;
Cutiih kan feh tikah keimah cu
an hruaitu ka rak si;
Lungawi aipuang in, au phah le
Pathian thangòhatnak hla
sak phahin kan rak feh kha!
5 Ziangahso hi tluk lawmmam in
ka riah a siat?
Ziangahso hi tluk lawmmam in
ka thinlung a bang?
Asinan ka ruahsanmi cu
Pathian lawng a si.
Amah cu ka thangòhatsal ding;
6 Kan saltannak hmun ah
ka lung a kuai òheh zik thlang;
Jordan ram in le Hermon le
Mizar Tlang kiang ihsin
Amah cu ka ciing ding.
7 Tipithuanthum thuk in
ti thuk dang a ko;
Riahsiatnak cu ka nunnak sungah
tisuar bangin le tilik bangin
an ra thleng.
Riahsiatnak tisuar an bang.
8 Bawipa in nitin tein
in duhdawtnak langter hram seh.
Zan ah a hla cu ka thinlung ah a cam.
Ka nunnak Pathian hnenah
9 Pathian, i òantu ka lungpi hnenah,
“Ziangahso i hngilh zo?
Ziang hrangah so ka ral pawl ih
in tisiatnak cu ka tuar rero
hrih ding?” tiah ka ti.
10 In òongsannak cu ka hrangah
hma hnaikhuar bangin a na;
Catbang lo in, “Na Pathian cu
11 Ziangahso hitluk lawmmam in
ka riah a siat?
Ziangahso hitluk lawmmam in
ka thinlung a bang?
Asinan ka ruahsanmi cu
Pathian lawng a si.
Amah cu ka thangòhatsal ding.
I Runtu le ka Pathian!