SAAM HLABU 28
Bomnak Hrang Thlacamnakx David Ih Hla
1 Maw Bawipa, ka Lungpi,
Nangmah ka lo ko.
Ka aunak aw i thei hram aw!
Daiziar ih i umsan a si ahcun,
Mithi khua ih a fehmi lakah
ka tel ding.
2 Bomnak dil in ka lo ko;
Na Biakinnpi thianghlim lam
ban phar in ka hoi tikah,
Ka aunak aw i theih sak hram aw.
3 Siatnak hlir a tuahtu pawl le
An òongkam cu a thlum nain
An thinlung huatnak ih a khatmi,
Miòha lo pawl hnenah
4 An thil tuahmi le thilsual
an tuahmi vekin lehrul hai aw;
An hnaòuanmi, an kut ih
an òuan sualmi vekin hrem hai aw.Ref 28.4 Thup 22:12;
5 Bawipa ih hnaòuanmi le
a kut ih a tuahmi pawl cu
ziang hmanah an siar lo.
Curuangah siatbal hai awla,
Ziangtik hmanah
6 Bawipa ih hnenah
thangòhatnak pe uh;
Zangfah ka dilnak aw a thei zo.
7 Bawipa cu ka thazang le
ka ralphaw a si, Amah ka rinsan.
I bom ruangah ka lung a awi.
Amah cawimawinak cu
8 Bawipa in a minung pawl a hum.
A hrilmi siangpahrang cu
a òan ih a run.
9 Maw Bawipa, na minung pawl
hum awla, na ta a simi pawl cu
thluasuah pe hai aw.
Anmah khaaltu si awla,
Kumkhua in kilkhawi hai aw.