SAAM HLABU 26
Miòha Ih Thlacamnakv David Ih Hla
1 Maw Bawipa,
mawh nei lo a si, tiah i ti hram aw;
Ziangahtile a dikmi ka tuah ih,
ka thinlung zate in
nangmah ka lo ring a si.
2 Maw Bawipa,
i zingzoi awla, i hniksak hnik aw;
Ka duhnak le ka ruahnak khal hi
khingkhai hnik aw.
3 A thleng aw dah lomi
na duhdawtnak in i kil ih,
Rin tlak na sinak in i hruai ringring.
4 Mi hlothlau pawl cu
ka kom hai lo ih,
Mi ti awter pawl hnen khalah
ka tel lo.
5 Mi hrokhrawl pawl hnenih tel cu
ka hua ih,
Miòha lo pawl cu ka hrial hai a si.
6 Maw Bawipa,
mawh nei lo ka si langternak ah
ka kut ka kholh ih,
Nangmah bia phahin
na biakòheng cu ka heel.
7 Nangmah hnenah lungawinak hla
ka sak ih,
Mangbangza na thil tuahmi pawl
8 Maw Bawipa,
na umnak inn cu ka ngaina,
Na huham a umnak hmun cu!
9 Misual pawl lakah
i siatter ve hlah awla,
Laithat pawl thawn khal
i hloralter hram hlah aw.
10 Annih cu cat lo in sualnak
thil òha lo a tuahtu le,
nawhthuh a la ringringtu an si.
11 Asinan kei cu thildik a tuahtu ka si;
I zangfah awla i hum hram aw.
12 Òihphannak hmun ihsin
hmun rawnpi ka thleng zo;
Mi zapi khawmnak hmunah
Bawipa ka thangòhat ding.