SAAM HLABU 24
A Tumlian Siangpahrangt David Ih Phuahmi Hla
1 Leilung pumpi le a sungih ummi
hmuahhmuah cu,
Bawipa ih ta an si.Ref 24.1 1 Kor 10:26;
Leilung le a parih ummi tla
Amah ih ta an si.
2 Ziangahtile ti thukpi parah
Leilungpi cu a dinter ih,
A hram cu tipi thuanthum ih
3 Bawipa ih tlang ah zoso
a kai ding?
A biakinn thiang sungah
zoso a lut ding?
4 A tuahnak le a ruahnak
a thianghlimmi,
Milem a bia lomi le
Thuphan a per lomi a si ding.Ref 24.4 Mat 5:8;
5 Amah cu Bawipa in thluasuah
a pe dingih a run ding;
Pathian in, “Mawh nei lo na si,”
a ti ding.
6 Pathian hnenih a rami cu
cubangtuk an si;
Jakob ih Pathian mithmai
7 Maw kotkhar pawl,
rak khaisang aw uh;
Maw kumkhua sangka pawl,
khaisang aw uh;
A sunglawimi siangpahrang
a lut ding.
8 A sunglawimi siangpahrang cu
zoso a si?
A cakmi le a nasa zetmi Bawipa,
Raldonak ih mi nehtu Bawipa
a si.
9 Maw kotkhar pawl, rak khaisang aw uh;
Maw kumkhua sangka pawl,
khaisang aw uh;
A sunglawimi siangpahrang a lut ding.
10 A sunglawimi siangpahrang cu
zoso a si?
Amah cu mi hmuahhmuah ih Bawipa,
Sunloihmi siangpahrang a si.