SAAM HLABU 22
Vansan Aunak Le Thangòhatnak Hlar David Ih Phuahmi Hla
1 Ka Pathian, ka Pathian,
Ziangahso i tlansan?
Bomnak dil in ka au rero lai ah,
Ziangahso hlapi ih i um san?Ref 22.1 Mat 27:46; Mar 15:34;
2 Maw ka Pathian, sun ah ka lo ko,
Asinan i awi lo.
Zan khalah ka au rero nain
Colhdamnak ka ngah cuang lo.
3 Sikhalsehla nang cu siangpahrang
tohkham parah,
Thianghlim bik in na to;
Israel mi in hla ih thangòhatmi na si.
4 Kan pupa pawl in nangmah
an lo rinsan;
An lo rinsan ih na run hai a si.
5 Nangmah an lo ko ih
òihphannak in an luat;
An lo rinsan ih an mualpho lo.
6 Asinan kei cu milai ka si
nawn lo, cangcel ka si ko;
Mi hmuahhmuah ih hmuhsuammi le
nautatmi ka si.
7 I hmutu hmuahhmuah in
hnihsuahsainak ah in hmang;
An lei in khaak ih, an mit in phen.Ref 22.7 Mat 27:39; Mar 15:29; Luk 23:35;
8 “ Bawipa na rinsan a sisi;
Ziangahso a lo run lo?
Bawipa in a lo duh asile,
Ziangahso a lo bom lo?” in ti.Ref 22.8 Mat 27:43;
9 Ka nu ih pum sung ihsin damte in
i suahtertu cu nangmah na si;
Ka nu ih hnawi ka fawh lai khalah
Himteih i kilkhawitu cu nangmah
na si.
10 Ka suah ve tein nangmah
ka lo rinsan;
Ka suah ihsin nangmah cu
ka Pathian na si.
11 Ka hnen ihsin feh hram hlah aw;
Harsatnak ka kiang a thleng,
12 Ral tampi in cawcang bangin
in kulh;
Ka kiangkap ah an um òheh.
Bashan ram ih cawcang he vek an si.
13 Kiosa vekin an kaa an ang;
An huuk ih bauhthlek thluh in tum.
14 Ka tha a cem,
Leiro parih tidai thletmi vekin,
ka tha a poih òheh a si.
Ka ruh pawl an pelh thluh zo;
Ka thinlung cu meisa kiangih
khuailul vekin,
ka sungah a zup thluh a si.
15 Ka dang cu peibung vekin a car ih,
Ka lei cu ka sangkhar ah a erh aw a si.
Nang in a thi zo ah i ruat ih
leivut lakah i tanta.
16 Uico pawl cu ka kiangah an um.
Miòha lo pawl in, in kulh òheh;
Ka kut le ka ke pawl
an suntlang òheh a si.
17 Ka ruh pawl an lang thluh,
Ka ral pawl cun in zoh ih in
diriam ngaingai.
18 Ka hnipuan pawl an òhen aw ih,
Ka korfual ngah dingah
camcawh fung an zuuk.Ref 22.18 Mat 27:35; Mar 15:24; Luk 23:34; Joh 19:24;
19 Maw Bawipa, ka hnen ihsin
tlan hram hlah aw!
I Runtu, zamrang in ra awla
i ra bawm aw!
20 Ralnam ihsin i run awla;
Ka nunnak cu hi uico pawl sungin
in hum hram aw!
21 Hi kiosa pawl kaa sungin i suah aw;
A he zetmi cawcang pawl ih ki ihsin
22 Na tuahmi hmuahhmuah hi
ka miphun hnenah ka sim ding;
An tonkhawmnak ah ka lo
thangòhat ding:Ref 22.22 Heb 2:12;
23 “Amah cu thangòhat uh, nannih
Bawipa ih siahhlawh pawl;
Amah cu upat uh,
nannih Jakob ih tesinfa pawl;
Amah cu bia uh,
nannih Israel mi pawl;
24 Mifarah a thlauthla lo ih
Mizonzai pawl tuarnak tla
a umsan men lo.
Annih pawl a dungtun lo.
Asinan bomnak dil ih an au tikah
A awi hai a si,” tiah ka ti ding.
25 Na thil tuahmi ruangah hin
An pumkhawmnak thupi ah
ka lo thangòhat ding.
Thawinak pe dingih
ka rak lo kam cia zo bangin,
A lo òihzahtu pawl hmaiah ka pe ding.
26 Mifarah pawl in
an duhzat in an ei ding;
Bawipa ih hnenah a rami pawl in
amah an thangòhat ding.
Lungawi aipuang in
um ringring hram hai seh.
27 Miphun hmuahhmuah in
Bawipa cu an theisal dingih,
Vanrang deng khalin
a hnenah an kir ding.
Citin le hnamtin in amah an bia ding.
28 Bawipa cu siangpahrang a si;
Miphun hmuahhmuah a uk hai a si.
29 Mi hngal le mi neinung pawl
a hmaiah an bok ding;
A thi theimi milai hmuahhmuah
a hmaiah an kun ding;
Mahte a nung awter thei lotu pawl cu.
30 An tesinfa pawl in Bawipa ih
hna an òuan ding;
A ra dingmi san khalah Bawipa ih
thu cu an sim ding.
31 A suak lai dingmi pawl
hnen khalah,
“ Bawipa in a minung pawl
a run a si,” tiah an sim ding.