SAAM HLABU 132
Hmun Thianghlim Thangòhatnak
1 Maw Bawipa,
David cu cing ringring awla,
A tuarmi hmuahhmuah khal
hngilh hram hlah aw.
2 Maw Bawipa,
Jakob ih Pathian,
Cungnungbik Bawi, na hnenih
thu a tiammi le siatcam ih
thu a kammi cu cing hram aw:
3 “Inn ah ka tlung lo dingih,
ihkhun khalah ka kai lo ding;
4 Ka cawl lo dingih a ih khal
ka it lo ding;
5 Israel ih Pathian Cungnungbik
hrangih hmun ka hmuh hlan lo le,
Bawipa hrangih umnak inn
ka sak hlan ahcun,” a rak ti kha!
6 Thukam Kuang thu cu
Bethlehem in ka thei ih,
Jearim ih lo sungah kan hmu zo.
7 “ Bawipa ih inn ah feh uhsila,
a siangpahrang tohkham hmaiah
kun in bia uh si,” kan ti.
8 Maw Bawipa,
na huham langtertu
na Thukam Kuang thawn,
na colhnak hmunah ra thlang awla,
kumkhua in ra um aw.
9 Na puithiam pawl cu dingnak thawn
thuam aw hai sehla,
Rin tlak na minung pawl cu
10 Na siahhlawh David hnenah
thu na tiam zo;
Maw Bawipa,
na hril cia mi siangpahrang cu
hnong hlah aw.Ref 132.8-10 2 San 6:41, 42;
11 David hnenah siatcam in
thu na tiam zo ih,
na la kirsal lo ding:
“Na fapa pawl sungin pakhat cu,
Siangpahrang ah ka tuah ding;
Na ai ah siangpahrang a si ding.Ref 132.11 2 Sam 7:12-16; 1 San 17:11-14; Saam 89:3, 4; Tirh 2:30;
12 Na fapa pawl in ka thukam
an thlun ih, ka thupekmi pawl
an ngai a si ahcun,
Anmah ih fapa pawl khal na neh hnuah
kumkhua in siangpahrang
an òuan ding,” na rak ti kha!
13 Bawipa in Zion a hril zo;
A umnak dingah a duh a si.
14 “Hitawkah kumkhua in
ka um ding;
Ka umnak hrangah ka duh a si.
15 Zion ih òulmi hmuahhmuah cu,
Famkim zet in ka pe ko ding;
A mifarah pawl ka cawm hai ding.
16 A puithiam pawl cu,
An hnaòuannak kipah
ka thluasuah dingih,
A minung pawl cu lungawi in
an au dingih hla an sak ding.
17 David ih tefa pakhat cu,
Siangpahrang ka siter dingih,
Ka hrilmi siangpahrang ih uknak cu,
hitawkah ka hmunter ding.Ref 132.17 2 Siang 11:36;
18 A ral pawl cu ningzahnak in
tuam hai ding;
Asinan anih uknak cu
a kau sinsin dingih, a òhangso
vivo ding a si,” a ti.