6
Ralrinnak Dang
1 Ka fapa, midang ih lei an baakawknak ah,
Kamawknak na nei dah maw?
2 Nangmah ih òongkam in a lo awk ih,
Nangmah ih kamawknak in
a lo hreng maw?
3 Cuti asile ka fapa,
cu pai kut sungah na um ih,
Hiti lawng in na hlit aw thei ding.
A hnenah zamrang in va feh awla
suah va dil aw.
4 Itthat in cawl men aw hlah.
5 Sakap pa ih kut sung ihsin vate le
zukneng an tlan suak bangin
Thang sung ihsin suah ding tum aw.
6 Mi zaangzel pawl cun
sihte khi va zoh seh,
Sihte nuncan zia zoh in zir seh.
7 Annih cu hruaitu upa bik le
lal le uktu an nei lo;
8 Asinan òhal sungah
rawl an khawl ih,
Thlatang hrangah an ralring cia.
9 Mi zaangzel pa cu ziangtik tiang so
a ihthat hrih ding?
Ziangtikah so a thawh ding?
10 Amah cun,
“Malte sung ka zauta pei,
Caan malte sung kutsih in
ka cawlta pei,” a ti.
11 Asinan a ihthat sungah
farahnak a tong ding,
Hriamnam thawn rukru in a thilri
an lon mipa bangin,
Tlasam in a um ding.Ref 6.11 Thuf 24:33, 34;
12 Santlai lo le mi siava pawl cu
thuphan per dingin an tawi vak òheu.
13 Mitsinhnak le mithmai
hmuhawknak in
an lo leemsiah ding.
14 Cutiin an thinlung siava in
òhat lonak khua an khang ih,
Hmun kipah harsatnak an suahter a si.
15 Cuih ruangah an hnenah
harsatnak kha rinlopi in
a thleng dingih,
Thihpi tlak in hriamhma an pu ding.
16-19 Bawipa in a huatmi
thil paruk a um,
A fihmi thil pasarih a um.
Puarthau mithmai,
Thuphanpertu lei,
Misual lo a thattu kut,
Sualralnak lawng khuakhangtu
thinlung,
Thilsual tuah dingah a khul a rangtu ke,
Thuphan per tahrat in
thu theihpitu sinak,
Unau pawl lakih harsatnak
a suahpi òheutu pa,
Hi pawl hi Bawipa ih fihmi an si.
Nu Le Pa Sualnak Parah Ralrinnak
20 Ka fapa, na pa ih
sim bangin tuah awla,
Na nu ih zirhmi kha
ziangtik hmanah hngilh hlah aw.
21 An simmi thu tla kha
ciing ringring awla,
Na thinlung sungah khum aw.
22 Khual na tlawn tikah
an lo zirhmi thu tla in
a lo hruai dingih,
Zan ah a lo kilkhawi dingih,
sun ah ruahnak a lo pe ding.
23 An lo zirhnak cu
a tleu ringring dingih,
An nun simnak khan nundan zia
a lo zirh ding.
24 Nunau òha lo le mi nupi pawl ih
lemsiahnak ihsin a lo humhim ding.
25 Na thinlung in an mawinak
hahio hlah awla,
An mitpar in lo kai hlah seh.
26 Mi pakhat in hlawhhlangnu cu,
sanghlom khat man thawn a sang thei,
Asinan nu le pa sualnak cun
a nunnak ih sumsaw hmuahhmuah
a cemralter ding a si.
27 Na puan kang lo tein
na òaang ah meisa na ret thei maw?
28 Na ke kaang lo in meiling parah
na feh thei maw?
29 Cubangin midang nupi thawn
ih tlang hi a òihnung zetmi a si ih,
A ih pitu poh cu hremnak
an tuar ding a si.
30 Rilrawng ih rawl a firtu khi
an nautat lemlo,
31 Asinan an kaih asile a let sarih in
a ruulsal dingih,
A neih hmuahhmuah in a pek ding.
32 Asinan midang nupi thawn
a sualtu cu ruahnak nei lo mi-aa a si.
Amah le amah a siatsuah aw.
33 Hremnak tuar in a hmin a sia ding;
Kumkhua in ningzah a phur ding.
34 Pasal in a nupi a zum nawn lo asile,
Nasa zet in a thiik ih a lehrulhnak cu
a dai thei nawn lo.
35 Ziangvek sum le saw pek khalle
a sang duh lo ih,
Ziangvek luh lemnak khalin
a thinlung a daiter thei lo.