4
Fimnak Ih Òhathnemnak
1 Ka faale tla, nan pa ih a lo zirhmi pawl hi òhate in ngai uhla, theihthiamnak nan neih theinak dingah cing òha uh.
2 Ka lo zirhmi cu a òhat ruangah
cingkeng ringring uh.
3 Ka nu le ka pa ih fapa neihsun
ka si ih, ka sentet lai ihsin,
4 ka pa in hitiin nun i sim,
“Ka simmi thu kha
cingkeng ringring awla,
Ziangtik hmanah hngilh hlah aw.
Ka sim bangin tuah awla
na nung ding a si.
5 Fimnak le theihfiangnak kha la awla,
ka simmi thu hi ziangsiar lo in
dungtun hlah.
6 Fimnak kha tlansan hlah awla
a lo kilveng ding,
Duhdawt awla himdam tein
a lo humhim ding.
7 Fimnak neih cu na tuah thei mi
thil thupi bik a si,
Na neihmi hmuahhmuah hman
man sehla fimnak cu nei aw.
8 Fimnak cu duh awla
a lo khaisang ding,
Pomhnget awla upatnak a lo pe ding.
9 Amah cu na lu parah a mawimi
pangpar rual a si dingih,
Na sunlawinak sui lukhuh a si ding.”
10 Ka fapa, ka thu hi ngai aw,
Ka simmi hi thungai thlak in ruat awla
na nunkhua a sau ding.
11 Nundan òha ka lo hmuh zo ih,
Fimnak tla ka lo zirh zo.
12 Fimkhur zet ih na feh asile
na lamtluan ah zianghman in
a lo kham thei lo dingih,
na tlan tik khalah na bah lo ding.
13 Na zir mi pawl hi kaihnget awla,
òha tein kilkhawi aw.
Na nunnak a si.
14 Miòha lo pawl ih fehnak ahkhan
feh hlah aw;
Mi siava pawl ih nun zia kha
cawng hlah.
15 Tuah hrimhrim hlah!
Miòha lo pawl hnenin tlan awla,
Pialsan awla feh vivo aw.
16 Misual pawl cu thilsual ziangtal
an tuah lo ahcun an itthat thei lo,
Mi pakhatkhat tal
an tuahmawh lo ahcun
an ih a hmu lo.
17 Sualnak cu sang bangin an ei ih,
Mi tuahmawhnak cu zu bangin an in.
18 Sikhalsehla miding pawl ih
lamzin cu, zing khawvang ihsin
sun tiang a tleu sinsinmi
tleunak bangtuk a si.
19 Miòha lo pawl lamzin cu
zanthim bangtuk a si,
Ziang kan pal ih kan ril ti khal
an thei lo.
20 Ka fapa, ka lo simmi thu hi
òha tein ngai awla,
Ka òongkam hi òha tein thlun aw.
21 Na hnen ihsin ziangtik hmanah
hloter hrimhrim hlah,
Ciing ringring awla na lung sungah
fel tein ret aw.
22 A theithiamtu hmuahhmuah hrangah
an nunnak a si ih,
A hmutu hrangah an
taksa harhdamnak a si.
23 Ralring tein khua ruat aw,
Ziangahtile na ruahmi in
na nunnak a siamrem ding.
24 A dik lomi thu zianghman rel hlah,
òong hawizawng lo le thuphan
va sim hlah.
25 Hmailam ding tein zoh awla
rinsan aw zet in feh aw;
Na ningzak in leisin bih aw hlah.
26 Na tuah dingmi kha òha tein
khuakhang cia awla,
Cutin na tuahmi pawl cu fel tein
na tuahsuak vivo ding.Ref 4.26 Heb 12:13;
27 Thil òha lo kha hrial awla
hmailam ah ding tein feh aw,
Lamzin dik ihsin kal khat hman
pial hlah aw.