4
Thuzirhnak
1 Ka duhdawtmi ka u le ka nau pawl, ka lo ngai zet hai a si. Nannih cu i hnemtu nan si ih ka hmaihngalnak ka sui lukhuh khal nan si. Ka duhdawtmi unau pawl, hibangtuk in Bawipa sungih nan nunnak ahcun hnget zet in ding ringring uh.
2 Euodia le Sintekhe, nan hnenah zangfah ka lo dil: Bawipa ih duhnak thlun in nan thinlung hmunkhat dingah zuam uh.
3 Cule nang rin tlak ka hnaòuanpi, hi nunau pa hnihte hi rak bawm aw, ti ka lo duh ve. Ziangahtile keimah thawn hnaòuan tlang an si; Klement le Pathian nunnak cabu sungih hmin khummi ka hnaòuanpi hmuahhmuah thawn Thuthangòha zaiter dingah keimah thawn napi ih hnaòuantu an si.
4 Bawipa thawn nan pehzom awknak ahhin nan lungawi ringring hram uh; ka nolhsal hrih ding: Nan lungawi hram uh!
5 Mi hmuahhmuah hnenah nan lungnem uh. Bawipa cu a ra cing ding.
6 Ziang thuhla hmanah donhar in um hlah uh; thla nan cam tin tein nan òulmi cu Pathian hnenah dil uhla lungawi aipuang tein dil uh.
7 Cuticun minung ruah ban lomi Pathian ih daihnak in nan thinlung le nan ruahnak cu Khrih Jesuh ah him tein a kilkhawi ding.
8 Thunetnak ah, ka u le ka nau pawl, a òhami, porhtlak a simi, a taktak a simi, upat tlak a simi, a dikmi, a thianghlimmi, duhnungza a simi le hminòhatnak a petu thil pawl thawn nan thinlung cu khatter uh.
9 Ka hnen ihsin nan ngahmi le nan zirmi vekin thlun tum uh. Ka òongkam in siseh, ka tuahnak in siseh, ka lo hmuhmi cu thlun uh. Cutiin daihnak in petu Pathian cu nan hnenah a um ding.
Laksawng Parah Lungawinak
10 Ka zawn in ruahnak cu caan reipi hnuah nan hun langtersal ih kan Bawipa thawn kan pehzom awknak ruangah ka lung a awi ngaingai. Hitiih ka ti tikah ka zawn in ruat nawn lo, ka ti duhnak a si lo; a langternak caan nan ngah lo ruangah a si sawn.
11 In dungtun zo a si hi, tiih ka ruah ruangah ka simmi a si fawn lo. Thungai ti ahcun ka neih zatte thawn lungkim zet ih um ding ka thiam zo.
12 Tlasam ih nundan ka thiam ih neinung zet ih um khal ka thiam zo. Cutiih umdan thupte cu ka zir ngah zo ruangah khuitawk hmun hmanah le ziangtik caan khalah ka pumpuar in siseh, ka rilrawng in siseh, malte ka neih ah siseh, tampi ka neih khalah siseh, thinlung nuamte ih um ka thiam zo.
13 Cahnak i petu Khrih sungin ziangkim ka ti thei.
14 Sikhalsehla harsatnak ka ton caan ah in rak bom thei cu nan ti òha zet a si.
15 Nanmah Filipi khua mi pawl in nan theih òhehmi a si. Thuthangòha phuangin hnaòuan ka rak thok pek hrawngah Masidonia peng ihsin ka pawh tikah i bawmtu kawhhran cu nanmah lawng nan si. Ka sunnak le ka hlawknak ah nanmah hi i theihpitu bik nan si.Ref 4.15-16 2 Kor 11:9;
16 Thesalonika khua ih bomnak ka òul tikah bomnak vei khat hnakih tam in hun kuat.Ref 4.16 Tirh 17:1;
17 Ka duhmi cu nan laksawng ngah lawng hi a si bik lo; nan cazin sungah hlawknak um ve seh ti hi hmuh ka duh.
18 Atu ah in pekmi hmuahhmuah ka ngah tinak ka ngan. In pekmi cu a òulmi hnakin a hlei tiangin in pek. Nan laksawng hmuahhmuah cu Epafroditas in i rak phurh ih atu ahcun ka poihaimi hmuahhmuah a kim òheh a si. Hi nan laksawng pawl cu Pathian ih lungawinak le a cohlanmi thawinak, a rim a thaw mi rimhmui bangtuk an si.Ref 4.18 Suah 29:18;
19 Cule ziang hmuahhmuah famkim in Khrih Jesuh sung ihsin ka Pathian in nan òulmi poh a lo pe ding.
20 Pathian kan Pa hnenah thangòhat sunlawinak cu a kumkhua in um camcin seh. Amen.
A Netabik Cibai Buknak
21 Pathian minung pawl, Khrih Jesuh ih ta a simi, pumpak ciar in cibai ka lo buk. Keimah thawn a ummi Khristian unau dang pawl khalin cibai an lo buk a si.
22 Hitawkih a ummi Pathian minung pawl an zate in le, a hleice in siangpahrang inn ih a ummi pawl in cibai an lo buk.
23 Bawipa Jesuh Khrih zangfahnak cu nan zate hnenah um hram seh.