FILEMON
(Philemon)
Hnenih Paul Cakuat
Thuhmaihruai
Filemon hi rinsan tlak Khristian pakhat a si ih Kolose kawhhran sungtel a si. Onesimas timi sal a rak neitu khal a si. Onesimas cu a neitu a pu Filemon hnen ihsin a tlan ih ziangti in maw Paul thawn an rak tong aw. Culai ah Paul cu thawngtla a si. Paul ih ruangah Onesimas cu Khristian ah a cang.
Hi cakuat hi Filemon hnenah Paul in a kuat kirmi a salpa thawn remawsal dingah a dil ih ngaithiammi salpa dinhmun ih cohlan ding lawng si lo in Khristian unau pakhat dinhmun ah cohlang dingin a dil saknak ca a si.
1
1 Khrih Jesuh ruangah thawng a tlami keimah Paul le kan unau Timote in kan rualpi le kan hnaòuanpi Filemon na hnenah le,
2 na inn ih a khawmmi Khristian unau pawl, kan farnu Apfia le kan ralkappi Arkhipas hnenah ca kan lo kuat.Ref 1.2 Kol 4:17;
3 Kan Pa Pathian le kan Bawipa Jesuh Khrih in zangfahnak le daihnak lo pe hram seh.
Filemon Ih Duhdawtnak Le Zumnak
4 Ka unau Filemon, thla ka cam tinte ka lo thei ih ka Pathian hnenah lungawi thu ka sim ringring.
5 Ziangahtile Pathian minung pawl na duhdawtnak le Bawipa Jesuh na zumnak thu ka thei.
6 Na rinnak thu cu midang na sim ve theinak dingah thla ka lo cam sak; cuticun Khrih ih kan neihmi thilòha hmuahhmuah hi famkim zet in na theithiam ngah ding.
7 Duhdawtmi unaupa, duhdawtnak na neihmi in lungawinak le thazang tampi i pe ih Pathian minung pawl an zate in an thinlung na nuamter òheh a si.
Onesimas Hrang Dilnak
8 Cutiin Pathian minung pawl parih duhdawtnak na neih ruangah le Khrih sungih na unau ka si ruangah na tuah dingmi a si, tiih ka ruahmi cu ralòha zet in thu lo pe ding ka si nain cuticun ka lo ti lo ding.
9 Ziangahtile duhdawtnak na parih ka neih ruangah a dil lam sawn in ka lo dil. Khrih Jesuh ih palai,a 1:9 * Khrih Jesuh ih “palai” timi hi “ patar,” ti tla in leh a theih. Asinan “ palai,,” tiin a kaih deuh. atu laifangah thawngih a tlami keimah Paul in,
10 Onesimas ai awh in ka lo dil. Amah cu Khrih sungah ka fapa ngaingai a si; ziangtintile thawng sungah thlarau lamin a pa ah ka cang a si.Ref 1.10 Kol 4:9;
11 Tuih hlanah cun na hrangah santlaihnak zianghman a nei lo. Sikhalsehla atu cu nangmah le keimah ih hrangah santlaib 1:11 * Onesimas, timi hi Grik hmin a si ih “ Santlai,,” tican a si. zet a si thlang.
12 Atu ah amah cu ka duhdawtnak thawn na hnenah ka rak kuat.
13 Thuthangòha ruangih thawng sungih ka um lai ahhin, nangmah ai ih i bawmtu dingah amah hi ka hnenih umter hrih ka duh.
14 Sikhalsehla ka umter lo ding; ziangahtile na duh lo cing in i bawm seh ticun ka ti lo ding. Na thinlung thote in le nangmah ih palung in na tuahmi kha ka duhmi a si. Curuangah na lungkimnak a um lomi zianghman ka tuah lo ding.
15 Onesimas thawn caan tawite sung nan òhen awk hi òhen aw nawn lo in kumkhua nan um tlang theinak dingah a si men ding.
16 Atu ahcun sal ti men ding a si nawn lo; sal hnakin a uak deuh ngaingai zo: Khrih sungah duhdawtmi unau a si zo. Ka duh zetmi a si. Nang khalin sal a si lawng si lo in Bawipa ih sungih unau a si zo ruangah na duh sinsin ding.
17 Curuangah keimah hi na hnaòuanpi ah i ruat a si ahcun keimah i cohlan vekin amah khal na rak cohlang ve dingah ka duh.
18 Thil a ti sualmi le a lo bakmi a um ahcun keimah ih sam dingin ret aw.
19 Hitawkah keimah ih kut rori in, \sig Keimah Paul in ka kuan ding \sig* tiah ka ngan a si. (Tuih na nunnak khal hi keimah ih ruangah a si, ti cu lo sim òul in ka ruat lo.)
20 Curuangah ka naupa, kan Bawipa ih ruangah hi ka lo dilmi hi i rak tuah sak hram aw; Khrih sungih unau suak khat kan si bangin ka thin i nuamter hram aw.
21 Hi ca ka ngan phah ahhin ka lo fialmi cu na tuah ding tiah ka zum ih ka lo fialmi hnakin tam sawn na tuah ding ti ka thei.
22 Cuih tlunah inn khaan pakhat a cia in i rak ret sak aw. Ziangahtile Pathian in nan zate ih thlacamnak cu a thei dingih nan hnenah i thlengter ko ding tiin ruahsannak ka nei.
A Netnak Cibai Buknak
23 Khrih Jesuh ruangah ka thawngtlakpi Epafras in cibai a lo buk.Ref 1.23 Kol 1:7, 4:12
24 Cule ka hnaòuanpi Marka le Aristarkas le Demas le Luka tla in cibai an lo buk ve.Ref 1.24 Tirh 12:12, 25, 13:13, 15:37-39, 19:29, 27:2; Kol 4:10, 14; 2 Tim 4:10, 11;
25 Kan Bawipa Jesuh Khrih zangfahnak cu nan zate hnenah um hram seh.