PITER
(1 Peter)
Cakuat Pakhatnak
Thuhmaihruai
Piter cakuat a pakhatnak hi Asia Minor saklam ram hmunkipah a òekdarhmi, “Pathian hrilmi pawl,” tiih a kawhmi pawl hnenih kuatmi ca a si. Hi cakuat ih a tumtah bikmi cu an zumnak ruangah hremnak le harnak a tuartu pawl thapeknak dingah a si. Ca ngantu in himi thu a sim tikah Jesuh Khrih ih thihnak, thawhsalnak le a tiam cia mi a ratsalnak ding Thuthangòha thu tla in ruahsannak a neihternak thu a sim. Curuangah hibangtuk harsatnak pawl tla cu an zumnak kha a ngaingai a si maw, ti hniksaknak a si, ti thei in Jesuh Khrih a lang Ni ah òuanman an co ding thu ruahsannak an òul zia khal a sim.
Harsatnak caan ih thapeknak lawng si lo in ca ngantu pa hin Khrih ta an sinak langter dingin an nun theinak dingah a forh fawn.
1
1 Jesuh Khrih tirhthlah a simi keimah Piter in Pontus, Galatia, Kappadosia, Asia le Bithiniaa 1:1 * Hi peng hmin pawl hi atu Turkey ram ih a ummi an rak si. pengih raltlan bangin a òhekdarh aw mi, Pathian ih hrilmi pawl, nan hnenah ca ka lo kuat.
2 Jesuh Khrih ih thu nan thlunnak dingah le amah ih thisen ih thiantermi nan sinak dingah nannih cu kan Pa Pathian tumtahnak bangtukin hrilmi le amah ih Thlarau in mi thianghlim ih tuahmi nan si.
Pathian zangfahnak le daihnak cu nan hnenah tlamtlingte in um hram seh.
A Nungmi Ruahsannak
3 Kan Bawipa Jesuh Khrih ih Pa le a Pathian cu thangòhat uh si. In zangfahnak a tum ruangah Jesuh Khrih cu thihnak in a thoter ih nunnak thar in pe zo. Curuangah a nungmi ruahsannak in kan khat ih,
4 Pathian in a minung pawl hrangih a retmi ro cu co dingah hngakhlap in kan um. Cuih ro cu nan hrangah vancung ah a lo ret sak ih a siat thei lomi, zohman ih ruk thei lomi le a ziam thei lomi an si.
5 Ni netabik ih langter dingah atu ih ret cia mi rundamnak cu zumnak thawngin Pathian huham ih kilvenmi nanmah ih co ding ro a si.
6 Curuangah nan lungawi uh! Harsatnak a phunphun nan tonmi ruangah caan tawite sung riahsia in um hman uhla lungawi in um thotho uh!
7 Ziangahtile hi harsatnak nan tuarmi cu nan zumnak a ngai maw ngai lo ti theihnak dingah a si. A siat theimi sui hman meisa in hniksak a si òheu. Cubangtuk in sui hnakih a sunglawi sawnmi nan zumnak cu harsatnak a tuar suak theitu si dingah hniksak a òul ve a si. Cule Jesuh Khrih a lang Ni ah thangòhatnak le sunlawinak le upatnak nan ngah ding a si.
8 Amah nan hmu dah lo nain nan duhdawt; nan hmu lo nain nan zum. Curuangah kaa ih sim thei lomi, a maksakmi le a sunglawimi lungawinak nan nei.
9 Ziangahtile Jesuh Khrih sungih nan zumnak in tumtahnak nan neihmi nan thlarau rundamnak cu nan co ngah a si.
10 Hi rundamnak thu hi profet pawl in an hawlmi le an zingzoimi a rak si; Pathian in a lo pek dingmi hi zangfahnak laksawng thuhla hi profet pawl in an rak sim sung cia mi a si.
11 Ziangtikah so cuih caan cu a ra thlen dingb 1:11 Cuih caan cu a ra thlen ding ti ai ah cupa cu a ra thleng ding ti khal a si thei. tiah hawl suak an rak tummi a si. An sungih a ummi Khrih ih Thlarau in Khrih ih a tuar dingmi harsatnak le cuih hnu ih a co dingmi sunlawinak thu a rak sim cia tikah a tuih caan hi a sawhmi caan cu a si.
12 Profet pawl an hnaòuannak cu anmah ih òhathnemnak hrangah si lo in nanmah ih òhatnak hrangah a si sawn ti kha Pathian in an hnenah a langter. Cutiin profet pawl ih an rak simmi cu atu ah vancung ihsin run thlah a simi Thlarau Thianghlim ih cahnak thawngin Thuthangòha a phuangtu palai pawl hnen ihsin nan theihmi hi a si. Hi thu hi vancungmi hman in theih an duhmi thu a si.
Thianghlim In Nun Ding A Si
13 Curuangah hnaòuan thok dingah nan thinlung timtuah cia in um uh. Tiar cia in um uhla Jesuh Khrih a lang tikah nan ngah dingmi zangfahnak parah nan ruahsannak zate in bun uh.
14 Pathian duhnak thlun uhla nan at lai caan ih nan rak neihmi tisa duhnak ih nan nunnak in lo uk nawn hlah hai seh.
15 A lo kotu Pathian cu Pathian thianghlim a si bangtukin nitin nan nunnak ah thianghlim in nung ve uh.
16 Ca Thianghlim sungah, “Keimah ka thianhlim ruangah nannih khal thianghlim ve uh,” Ref 1:16 Pui 11:44-45; 19:2; tiin a um.
17 Pathian hnenih thla nan cam tikah kan Pa tiin nan ko. Cuih nan Pa cu mi hmuahhmuah thleidannak nei lo in anmah an hnaòuannak bangtuk ciarin thu a òhentu a si. Cuti a si ruangah hi leilungtlun nan nun sungah hin amah òihzahnak thawn amah ih hrangah nung uh.
18 Nan pu le nan pa ih an lo roh tami zianghman hlawknak um lo nan nundan ihsin a lo tlensuaktu cu ziang a si, ti nan thei ko. A siat theimi sui le ngun bangtuk a si lo.
19 A lo luattertu cu a sunglawimi Khrih thisen a si ih Khrih cu soiselnak um lo raitluan tuufa bangtuk a si.
20 Amah cu leilung sem hlanah Pathian ih hrilcia mi a si zo ih atu nanmah ih hrangah netabik caan ahhin Pathian in a langtermi a si.
21 Thihnak ihsin a thawhtertu le sunlawinak a petu Pathian kha Amah thawngin nan zum. Cuticun nan zumnak le nan ruahsannak cu Pathian parih bunmi an si.
22 Atu ah thutak nan thlunnak ruangin thianfaitermi nan si zo ih zumtu unau dang pawl tla nan thinlung tak tein nan duhdawt. Curuangah nan thinlung zate in pakhat le pakhat duhdaw aw uh.
23 A nungmi le kumkhua in a hmunmi Pathian ih òongkam thawngin hrintharmi nan si zo; a thi theimi nu le pa ih faate nan si nawn lo, a thi thei lomi ih faate nan si zo.
24 Ca Thianghlim in,
“Mi hmuahhmuah hi
hrampi bangtuk an si;
An sunlawinak khal
hramlak pangpar bangtuk a si.
Hrampi cu an car ih, pangpar cu an ziam,
25 Sikhalsehla Bawipa ih thu cu
kumkhua in a hmun,” tiah a ti.Ref 1:24-25 Isa 40:6-8
Nan hnenih phuanmi Thuthangòha cu hi thu hi a si.