8
Meivannak An Ret
1 Bawipa in Moses hnenah,
2 “Aaron kha sim awla meivannak òhuam ah meisa pasarih a van tikah hmailam tleu dingin vang seh,” tiah a ti.
3 A ti bangtukin Aaron cun meivannak òhuam ih meisa cu hmailam tleu dingin a vang.
4 Cuih meivannak òhuam cu, Bawipa in Moses hnenih a riruang hmuh zo vekin a zik in a tawhram tiang sosutmi sui ih tuahmi a si.Ref 8:1-4 Suah 25:31-40; 37:17-24;
Levi Mi Thianfaiternak
5 Bawipa in Moses hnenah,
6 “Levi mi pawl cu Israel misenpi lakin a dang tein ret awla hitiin thianfaiter hai aw:
7 An thianfainak dingah tidai theh awla an taksa pumpi in an hmul an met hnuah an hnipuan sawp hai seh. Cuticun an thiangfai ding a si.
8 Levi mi pawl in cawcangte pakhat le thlairawl thawinak hrangih a òulmi olif siti thawn rawimi sangphut an keng pei; cule nang in sualthlah thawinak hrangah a dang cawcang pakhat na keng pei.
9 Cun Israel misenpi cu pumkhawmter awla Levi mi pawl cu ka umnak Puanthlam hmaiah ra hai seh.
10 Cule Israel misenpi pawl in Levi mi pawl ih lu parah an kut an suang pei ih ka hna an òuannak dingah Aaron in ka hnenah a ap pei.
11 Anmah cu Israel mi lakin a dang tein a hleice ih apmi an si pei.
12 Cuih hnuah Levi mi pawl in cawcang pahnih ih lu parah an kut an suang pei. Levi mi pawl thianfaiternak dingah cawcang pakhat sualthlah thawinak ah pek a si pei ih, a dang pakhat cu mei-ur thawinak ah pek a si pei.
13 “Levi mi pawl cu a dang tein le a hleice in ka hnenah i pe awla, anmah hotu ah Aaron le a fapa pawl ret hai aw.
14 Cuticun Levi mi pawl cu Israel misenpi hnen ihsin a dang teah ret awla keimah ih minung an si ding.
15 Levi mi pawl cutiih na thianfaiter hnu le na ap hnu ahcun Puanthlam sungih hnaòuantu dingah an tlak ding.
16 Israel miphun ih fapatir hmuahhmuah ai ah ka ham zomi an si ih keimah ih bulta an si.Ref 8:16 Suah 32:26-29;
17 Izipt ram ih Izipt mi fatir hmuahhmuah ka thihter tikah Israel mi fapatir hmuahhmuah le an òilva ih fatir hmuahhmuah cu keimah ih ta dingah ka thianhlimtermi an si.Ref 8:17 Suah 13:2;
18 Israel mi fapatir hmuahhmuah ai ah Levi mi pawl cu ka lakmi an si.
19 Puanthlam ih hnaòuan dingah le Hmun Thianghlim ah Israel mi pawl an rat ih thihnak an ton pang lonak ding kilkhawitu ah anmah cu Aaron le a fapa pawl hnenah ka pek. Cuih tlunah annih cu Israel mi pawl lak ihsin a hleice in ka hnenih apmi si dingah ka hrilmi an si,” tiah a ti.
20 Curuangah Bawipa in Moses hnenih thu a pek bangtukin Moses le Aaron le Israel mi hmuahhmuah in Levi mi pawl cu Pathian hnenah an ap.
21 Levi mi pawl cu an thianfai aw ih an hnipuan an sawp ih Aaron in Bawipa ih hnenah laksawng hleice ah anmah cu a pek. An hrangah sualthlah thiannak khal a tuah sak.
22 Cuticun Levi mi pawl cu Aaron le a fapa pawl ih ho in Puanthlam sungih hnaòuantu ah a tlakmi ah an cang. Bawipa in Moses hnenah Levi mi pawl parih tuah ding thu a pe vekin misenpi pawl cun an tuah thluh.
23 Bawipa in Moses hnenah,
24 “Levi mi pawl cu ka umnak Puanthlam ah kum kul hluannga an ti in hnaòuan an thok pei ih,
25 kum sawmnga an tiah an cawl pei.
26 Cuih hnu cun Puanthlam sungih hnaòuan an duh lai hrih asile an rualpi pawl bawmtu lawng an si thei pei. Anmahte cun hna an òuan nawn lo pei. Cubangtuk in Levi mi pawl ih hnaòuannak cu na tawlrel sak pei,” tiah a ti.