35
Levi Mi Pawl Hnenih Pekmi Khuapi Pawl
1 Jerikho khua zawn Jordan Tiva khatlam ral, Moab hmunrawn ah Bawipa in Moses hnenah,
2 “Israel mi pawl sim awla an comi ramsung ihsin Levi mi pawl umnak ah khuapi pawl le khuapi kiangah òilva tlannak ram pawl an pek pei.
3 Hi khuapi pawl cu Levi mi pawl comi an si pei ih cutawkah an um pei. A kiangkap cu an caw le an òilva dangdang pawl hrangah a si pei.
4 An khua kiang òilva tlannak ram cu khua phardawl ihsin tah in pi thawngkhat le zanga in a thok dingih khua vuakvel ah a um ding.
5 Cun òilva tlannak ram cu an khua ihsin pi thawngthum a kau pei ih khua vuakvel ah a um dingih a laifangah khuapi cu a um ding.
6 Levi mi pawl hnenah rolnak khuapi paruk nan pek pei ih mi pakhatkhat in lai a that pang tikih a rolnak dingah a si pei. Hi hlei ah a dang khuapi sawmli le pahnih pek uhla,
7 a zate in an tlangram pawl thawn khuapi sawmli le pariat an si ding.
8 An hrin ram ciar sungih Levi mi pawl ih khuapi zat ding cu an ram tum le fatet thu-in zoh a si pei,” tiah a ti.Ref 35:1-8 Jos 21:1-42;
Rolnak Khuapi Pawl
(Daan 19:1-3; Jos 20:1-9)
9 Bawipa in Moses hnenah,
10 Israel mi pawl sim dingin thu a pe ih, “Jordan Tiva nan tan ih Kanaan ram nan luh tikah,
11 mi pakhat in milai a thah pang tikih a rolnak dingah khuapi pawl nan hril pei.
12 Cutawkah a rol pei ih a thahmi sungkhat pawl in phuhlam an duh khalle a him ding. Mithah an puhmi pa cu misenpi hmaiih a thu an relcat hlan ahcun an that lo pei.
13 Khuapi paruk hril uh:
14 Jordan Tiva in nisuahnak lamah khuapi pathum, Kanaan ram ah khuapi pathum nan hril pei.
15 Hi khuapi pawl cu Israel mi siseh, hrin dangmi a laang teih a ummi, asilole reipi a ummi siseh, milai an thah pang tikah an rolnak khuapi an si pei.
16 “Sikhalsehla mi pakhat in thir hriamhrei hmang tahrat in mi a thah a si ahcun laithat a si ruangah amah cu thah a si ve pei.
17 Mi pakhatkhat in lungto hmang tahrat in mi a thah a si ahcun laithat a si ruangah amah cu thah a si ve pei.
18 Mi pakhatkhat in thingtan lak tahrat in mi a thah a si ahcun laithat a si ruangah amah cu thah a si ve pei.
19 A thahmi pa ih sungkhat nai bik in laithat pa cu a that ve ding. A hmuh tik poh ah a that pei.
20 “Mi pakhat in midang pakhat cu a hua ih khaam ah a tuul thlak, asilole a bawh ih ziangin maw a deng,
21 asilole a kuttum in a thong ih a thih a si ahcun laithat a si ruangah amah cu thah a si pei. A thah mi ih sungkhat nai bik in laithat pa cu a that ve ding. A hmuh tik poh ah a that pei.
22 “Mi pakhat in a huatmi a si lo nain midang pakhat a tuul thlak pang, asilole bawh lo in ziangin simaw a deng pangih a thi;
23 asilole òha tein zohta lo in mi pakhat in lungto a deng ih tumhrim si lo, a ral khal a si lo nain midang pakhat a deng that pang a si ahcun,
24 misenpi pawl in a thu an òhen sak tikah a thi mi ih sungkhat, phulak tumtu òan lo in mi a that pangtu òan in a thu cu an rel pei.
25 Misenpi pawl in laithat an puhmi pa cu phulak a duhtu, a thi mi pa ih sungkhat pawl hnen ihsin nan humsuak pei ih a rak rolnak khua ahcun nan kuatsal pei. Mi a thah lai ih Puithiam Sang a òuantu a thih hlan lo cu cutawk khua ah a um pei.
26 Laithat pa cu a rolnak khua in a suak ih,
27 a thah mi ih sungkhat in an hmu ih an thah a si ahcun himi cu phuhlam a si ruangah laithat a si lo.
28 Laithat pa cu rolnak khuapi ah Puithiam Sang a nun sung hmuahhmuah cu a um pei. Puithiam Sang a thih hnu ahcun a inn ah a kir thei pei.Ref 35:9-28 Jos 20:1-9;
29 Hi daan pawl cu nanmah le nan tesinfa pawl in khuitawkih nan um khal asile nan thlun dingmi a si.
30 “Laithah an puhmi pa cu thutheitu pahnih maw, pahnih hnakih tam maw an um lawngah laithat tiin thah theih a si pei. Thutheitu pakhat ih theihnak lawng cu laithat ti dingah a kim lo.Ref 35:30 Daan 17:6; 19:15;
31 Laithat cu thah a si pei. Thahnak in luat dingah paisa in a tlen aw thei lo pei.
32 Rolnak khuapi ih a rol zomi pa cu Puithiam Sang a thih hlan ahcun a khua ah kirsal dingah tlennak paisa a pek khalle nan sang lo pei.
33 Nan kirter asile nan umnak nan ram cu nan ti borhbah a si. Laithahnak in ram cu nan borhhlawhter ih mi pakhatkhat an thahnak ram thianter dingah laithat pa an thah ve dah ti lo ahcun sualthlah thiannak dang zianghman a um lo.
34 Nan umnak ram cu borhhlawhter hlah uh, ziangahtile keimah hi Bawipa ka si ih Israel mi lakah ka um a si,” tiah a ti.