33
Izipt In Moab Tiang
1 Israel mi pawl Izipt ram in an suak ih Moses le Aaron ho in an riahnak hmunih hmin pawl cu a tanglam pawl hi an si.
2 Bawipa ih thupeknak bangtukin Moses in an riahhmun pawl ih hmin cu a sangsang in a ngan.
3 Israel mi pawl Izipt ram in an suah kum, thla hmaisabik ni hleinga ni a hmaisabik Lantak Puai ih thai sun ah Izipt ram ihsin an suak. Bawipa ih humhimnak in Rameses khuapi in an pok.
4 Bawipa ih thahmi an fapa upa bik pawl an phum ih a buai rerotu Izipt misenpi ih hmuhhnganah Israel mi pawl cu an suak luilo. Hibangtuk a si ruangah Bawipa cu Izipt ih khawzing pawl hnakin a cak sawn ticu Bawipa Amah in fiang tein a langter a si.
5 Israel mi pawl cu Rameses in an suak ih Sukkoth ah riahhmun an tuah.
6 Sukkoth in an suak ih hramlak nelrawn kiangih ummi Etham ah riahhmun an tuah.
7 Etham in an suak ih Baal Zefon in nisuahnak lamih ummi Pi Hahiroth lamah an kir ih Migdol kiangah riahhmun an tuah.
8 Pi Hahiroth in an suak ih Tipi Sen an tan hnuah Etham nelrawn ramòhing an thleng. Cuih nelrawn ramòhing ah ni thum sung an feh ih Marah ah riahhmun an tuah.
9 Marah in an suak ih Elim ah riahhmun an tuah. Elim ah cerhti hmun hleihnih a um ih òhulhfau kung sawmsarih khal a um.
10 Elim in an suak ih Tipi Sen tikel kiangah riahhmun an tuah.
11 Cutawkin an suak ih Sin nelrawn ramòhing ah riahhmun an tuah.
12 Sin nelrawn ramòhing in an suak ih Dofkah ah riahhmun an tuah.
13 Dofkah in an suak ih Alush ah riahhmun an tuah.
14 Alush in an suak in Refidim ah riahhmun an tuah. Refidim ahcun misenpi hrangah tidai in ding a um lo.
15 Refidim in an suak ih Sinai nelrawn ramòhing ah riahhmun an tuah.
16 Sinai nelrawn ramòhing in an suak ih Kibroth Hattaavah ah riahhmun an tuah.
17 Kibroth Hattaavah in an suak ih Hazeroth ah riahhmun an tuah.
18 Hazeroth in an suak ih Rithmah ah riahhmun an tuah.
19 Rithmah in an suak ih Rimmon Perez ah riahhmun an tuah.
20 Rimmon Perez in an suak ih Libnah ah riahhmun an tuah.
21 Libnah in an suak ih Rissah ah riahhmun an tuah.
22 Rissah in an suak ih Kehelathah ah riahhmun an tuah.
23 Kehelathah in an suak ih Shefer Tlang ah riahhmun an tuah.
24 Shefer Tlang in an suak ih Haradah ah riahhmun an tuah.
25 Haradah in an suak ih Makheloth ah riahhmun an tuah.
26 Makheloth in an suak ih Tahath ah riahhmun an tuah.
27 Tahath in an suak ih Terah ah ruahhmun an tuah.
28 Terah in an suak ih Mithkah ah riahhmun an tuah.
29 Mithkah in an suak ih Hashmonah ah riahhmun an tuah.
30 Hashmonah in an suak ih Moseroth ah riahhmun an tuah.
31 Moseroth in an suak ih Bene Jaakan ah riahhmun an tuah.
32 Bene Jaakan in an suak ih Hor Haggidgad ah riahhmun an tuah.
33 Hor Haggidgad in an suak ih Jotbathah ah riahhmun an tuah.
34 Jotbathah in an suak ih Abronah ah riahhmun an tuah.
35 Abronah in an suak ih Ezion Geber ah riahhmun an tuah.
36 Ezion Geber in an suak ih Zin nelrawn ramòhing ah riahhmun an tuah. (Zin cu Kadesh ti a si.)
37 Zin nelrawn ramòhing in an suak ih Edom ram kiangte Hor Tlang ah riahhmun an tuah.
38 Bawipa ih thupeknak bangtukin puithiam Aaron cu Hor Tlang ah a kai ih Izipt ram ihsin Israel mi pawl an suahnak kum sawmli kum, thla nganak ni hmaisabik ni ah a thi.Ref 33:38 Mipum 20:22-28; Daan 10:6;
39 Aaron cu a kum za le kul hluanthum a ti ah Hor Tlangah cun a thi a si.
40 Cun Thlanglam Kanaan ram ih a ummi siangpahrang Arad in Israel mi pawl an ra ti kha a thei.Ref 33:40 Mipum 21:1;
41 Hor tlang in an suak ih Zalmonah ah riahhmun an tuah.
42 Zalmonah in an suak ih Punon ah riahhmun an tuah.
43 Punon in an suak ih Oboth ah riahhmun an tuah.
44 Oboth in an suak ih Moab ram Iye Abarim ah riahhmun an tuah.
45 Iye Abarim in an suak ih Dibon Gad ah riahhmun an tuah.
46 Dibon Gad in an suak ih Almon Diblathaim ah riahhmun an tuah.
47 Almon Diblathaim in an suak ih Nebo Tlang kiang Abarim Tlang ah riahhmun an tuah.
48 Abarim Tlang in an suak ih Beth Jeshimoth le Akasia Phairawn karlak,
49 Jerikho zawn Jordan Tiva ral, Moab hmunrawn ah riahhmun an tuah.
Jordan Tan Hlan An Thlun Ding Thucah
50 Jerikho khua zawn Jordan Tiva khatlam ral, Moab hmunrawn ahcun Bawipa in Moses hnenah,
51 Israel mi pawl hrangah daan a pek: “Jordan Tiva nan tan ih Kanaan ram nan luh tikah,
52 ram sungih a ummi miphun pawl cu nan dawi thluh hai ding. Lungto in siseh, thir in siseh, milem an tuahmi hmuahhmuah le an khawvang biaknak pawl hmuahhmuah cu nan siatsuah thluh pei.
53 An ram cu nan luah pei ih cunah nan um pei. Ziangahtile nan umnak dingah ka lo pe zo a si.
54 Kanaan ram cu nan hnam le nan hrin sungah camcawhfung zukin nan zem aw pei ih, hrin tam deuh pawl cu ram tum deuh, hrin mal deuh pawl cu ram fate deuh, tiin nan zem pei. Camcawhfung zukin an zemmi ram cu a zuktu in a co tata ding.
55 Sikhalsehla ram sungih a rak ummi pawl nan dawisuak hai lo a si ahcun nan lakih a tangmi pawl cu nan hrangah mit sungih hnawm bangtuk le nan hnak sungih misuntu hling bangtukin hnaihnoktu le harnak a lo petu an si dingih nan umnak kipah a lo do ringringtu an si ding.
56 Nan dawisuak lo a si ahcun anmah siatsuah thluh ding ka tum vekin nanmah khal ka lo siatsuah thluh hai ding a si,” a ti.