27
Zelofehad Ih Fanu Pawl
1 Josef fapa Manasseh, Manasseh fapa Makhir, Makhir fapa Gilead, Gilead fapa Hefer, Hefer fapa Zelofehad a si. Zelofehad in fanu lawng a nei ih anmah tla cu Mahlah, Noah, Hoglah, Milkah le Tirzah an si.
2 Cuih a fanu pawl cu Moses, puithiam Eleazar, hruaitu pawl le misenpi hmaiah Puanthlam sangka ahcun an feh ih,
3 “Kan pa in hramlak ah in thihsan zo; fapa pakhat hman a nei lo. Bawipa a dodaltu Korah ih dungthluntu lakah anih cu a tel lo. Amah ih sual ruangah a thi a si.
4 Fapa neih lo ruangah zianghrangah so kan pa ih hmin cu a sungkhat lak ihsin a hlohral ta ding? Kan pa ih unau lakah kannih khal covo in pe ve uh,” tiah an dil.
5 Cutikah an thu cu Moses in Bawipa a ron.
6 Bawipa in a hnenah,
7 “Zelofehad fanu pawl ih an dilmi cu a dik a si. An pa ih unau lakah annih khal covo pe ve aw. An pa ih ro cu anmah in co hai seh.Ref 27:7 Mipum 36:2;
8 Cun Israel mi pawl cu sim awla, mi pakhatkhat fapa nei lo ih a thih ahcun a ro cu a fanu in a co pei.
9 Fanu a neih lo asile a unau in an co pei.
10 Unau khal a neih lo a si ahcun a pa ih unau in an co pei.
11 A pa khal unau a neih lo a si ahcun a sungkhat lakih a nai bik in a co pei ih, amah ih ta ah a cang ta pei. Himi cu Bawipa keimah ih thupekmi a si ih Israel mi pawl in an thlun dingmi daan a si,” tiah a ti.
Moses Ai Awh Ah Joshua
(Daan31:1-8)
12 Bawipa in Moses hnenah, “Abarim Tlangah hung feh awla Israel mi pawl hnenih ka pek dingmi ram cu va thlir aw.
13 Na thlir òheh cun na u Aaron a nunnak a cem bangtukin nang khal a cem ve ding.
14 Ziangahtile Zin hramlak ih ka thupekmi nan pahnih in nan el ruangah a si. Meribah ah Israel misenpi in, in dodal tikah keimah ih thianhlimnak huham cu nan dinpi duh lo a si,”Ref 27:12-14 Daan 3:23-27; 32:48-52; a ti. Meribah cu Zin hramlak Kadesh ih cerhti a si.
15 Cutikah Moses in,
16 “Maw Bawipa nunnak hmuahhmuah ih hramòohnak Pathian,
17 na minung pawl hi tuukhaltu nei lo tuurual bangtuk an si lonak dingah mi hruai theitu le raldo tikih mi ho theitu mi pakhat hril hram aw,” tiah a dil.
18 Cutikah Bawipa in Moses hnenah, “Thilti theinak a neimi Nun ih fapa Joshua cu ko awla a lu parah na kut suang aw.Ref 27:18 Suah 24:13;
19 Puithiam Eleazar le misenpi hmai ahcun dingter awla an zate ih hmai ahcun nangmah ih ai awhtu a si, tinak thu than aw.
20 Cun Israel misenpi in a thu an thlunnak dingah na thuneihnak hrekkhat cu amah pe aw.
21 Joshua in puithiam Eleazar cu a rinsan zet pei ih Eleazar cun keimah ih duhnak thei dingah Urim le Thummim a hmang pei. Cuticun Joshua le Israel misenpi cu Eleazar in a ho pei ih amah ih thu in ziangtinkim ah an um pei,” a ti.Ref 27:21 Suah 28:30; 1 Sam 28:6;
22 Bawipa ih thupekmi bangtuk cun Moses in a tuah òheh. Puithiam Eleazar le misenpi hmai ahcun Joshua cu a dinter ih,
23 Joshua ih lu parah a kut a suang ih amah ai run awhtu dingah nemhngetnak a tuah.Ref 27:23 Daan 31:23;