25
Peor Ah Israel Mi An Thleng
1 Israel mi pawl Shittimo 25:1 Shittim: cu Akhesia ti tla in an ko. Akhesia cu zanthing hmin a si ih lawithing a si, kan ti. ih an um lai ah an mipa pawl in Moab nunau pawl cu an sualpi òheu.
2 Hi Moab nunau pawl cun an khawzing an biaknak le an raithawinak puai ah Israel mi pawl cu an sawm. Israel mi pawl in rawl an ei ih,
3 Peor ih khawzing Baal cu an biak ve. Curuangah Bawipa cu an parah a thin a heng ih,
4 Moses hnenah, “Israel mi hotu pawl kokhawm awla senpi hmuhah cupawl cu that hai aw. Cuticun Israel mi parah ka thin a dai ding,” a ti.
5 Cutikah Moses in Israel hotu pawl hnenah, “Nan hrin sungin Peor ih Baal khawzing a betu cu nan that ciar pei,” tiah a ti.
6 Moses le Israel misenpi pawl cu an riahsia in Bawipa umnak Puanthlam sangka ah an òap. Culaifang ah an zate mithmuh ah Israel mipa pakhat in Midian nunau pakhat cu a deuthlam sungah a luhpi.
7 Cumi cu Eleazar fapa, Aaron ih fapa sin, Finehas in a hmuh tikah a tho ih misenpi lakin a suak. Feipi a keng ih,
8 cuih mipa le nunaunu cu a fuuk ih an deuthlam sungah cun an pahnih in a sun that. Curuangah Israel pawl parih a thlengmi natsia cu a reh.
9 Asinan Israel mi thawng kul hluanli natsia in an rak thi zo.
10 Bawipa in Moses hnenah,
11 “Finehas in Israel mi parih ka thinhennak cu a daiter zo a si. Anih cu keimah siar lo pathian ziangvek hman biak ding a duh hrimhrim lo. Curuangah Israel mi pawl ka siatsuah thluh lonak cu a si.
12 Finehas cu sim awla kumkhuadaih in amah thawn thukamnak ka tuah ding.
13 Keimah dodaltu ziangvek khawzing hman a pom thei lo ih, Israel misenpi ih sual ngaithiamnak khal a suahter ruangah amah le a tesinfa pawl cu kumkhua in puithiam an si ding,” tiah a ti.
14 Israel mipa, Midian nunaunu thawn, thahnak a tuartu cu Salu fapa Zimri a si. Amah cu Simeon cithlah sungah hrin pakhat ih lu a si.
15 Nunau an thahmi ih hmin cu Kozbi a si ih a pa Zur cu Midian hnam lakah hrin khatih lal a si.
16 Bawipa in Moses cu,
17 “Midian mi pawl cu do awla siatsuah thluh aw.
18 Ziangahtile Peor ah nanmah an lo bum ih thil òha lo an tuah ruangah le Peor ih natsia a thlen lai ih thihnak a tuartu Kozbi ruangah siatsuah thluh ding an tlak a si,” tiah thu a pek.