14
Misenpi An Phunzai
1 Israel misenpi pawl cu an riahsia in zanvar an òap.
2 Moses le Aaron parah an phunzai ih, “Izipt ram ahkhan rak thih sawn taak ding. Culo talle hramlak ahhin thi sawn nungna a òha ding nain!
3 Ziangahso Bawipa in hi ram ahhin in thlenpi ngelcel? Ral ah kan thi thluh dingih kan nupi le kan faate pawl tla ral in an kai thluh ding a si. Izipt ram ah kirsal sehla a òha sawn lo ding maw?” tiah an ti.
4 Cule pakhat le pakhat, “Izipt ram ih in hruai kirtu dingah hotu kan hril pei,” an ti aw.
5 Cutikah Moses le Aaron cu Israel mi misenpi hmaiah an bok.
6 Cun Kanaan ram zoh dingih an thlahmi lakih a tel vemi pahnih, Nun ih fapa Joshua le Jefunneh ih fapa Kaleb cu an riahsiat tuk ah an hnipuan an thlek ih,
7 Israel misenpi hnen ahcun, “Kan va zohmi ram cu ramòha ngaingai a si.
8 Bawipa cu kan parih a lung a awi a si ahcun Amah in, in hruai dingih cawhnawi le khuaitizu in a khatmi ram cu in thlenpi dingih in pe ding.
9 Curuangah Bawipa cu dodal hlah uhla cutawk ram ih a ummi pawl tla cu òih hlah uh.Ref 14:9 Heb 3:16; Ol tein kan neh ko ding. Bawipa cu kan hnenah a um ih anmah humhimtu an khawzing pawl cu a siatsuah thluh zo a si. Òih hrimhrim hlah uh,” tiah an ti.
10 Asinan Israel misenpi pawl cun anmah riangri cu lungto in den that an tum. Sikhalsehla rin lopi ah misenpi in Bawipa ih huham tleu kha Puanthlam tlunih a lang kha an hmu.
Misenpi Hrangah Moses Thla A Cam
11 Cutikah Bawipa in Moses hnenah, “Hi minung pawl in ziangtik tiang so in nautat ding? An lakah mangbangza tampi ka tuah zo nain keimah rinsan duh lo in ziangtik tiang so an um ding?
12 Pulhnat natsia ka tlunter dingih ka siatsuah thluh hai ding. Anmah hnakih lian deuh le cak deuh miphun pakhat ka semter dingih nangmah hi an pa na si ding,” tiah a ti.
13 Cutikah Moses in Bawipa ih hnenah, “Nangmah ih cahnak huham in himi pawl cu Izipt ram ihsin na rak suahpimi an si. Na minung pawl parih thil na tuahmi hi Izipt mi pawl in an rak hmu zo sikhawh,
14 hi ram ih a ummi hnenah an sim ko ding. Bawipa nangmah cu kan hnenah na um ih nangmah ih mero cu kan tlunah cawl tahrat in langhngan ih in umpi zia cu hi ram minung pawl in an thei zo. Cuih tlunah sun ah mero zual, zan ah meisa tom ih in hruai ringring òheu hi an theih thluh zomi a si fawn.
15 Cubangtuk hnu ih na minung pawl na thah thluh hai a si ahcun na hmin a lo theitu miphun hmuahhmuah in,
16 “An Pathian in a minung pawl cu a tiam cia mi ram ah thlenpi thei lo in hramlak ah a that thluh hai a si,” tiah an lo ti pang ding.
17-18 Bawipa, nang cun “Thinheng olmi ka si lo, duhdawtnak neimi ka si, rinsan tlak ka si, sualnak le dodalnak ngaithiamtu ka si ih pupa sin sual ruangah san thum san li tiang an tesinfa pawl tlolh lo ih a hremtu ka si fawn,” tiih na rak ti vek khan, maw Bawipa, na huham le na thiltitheinak cu run langter awla in tiamciami cu kimter hram aw.Ref 14:18 Suah 20:5, 6; 34:6, 7; Daan 5:9, 10; 7:9, 10;
19 Izipt ram ih an suah thok ihsin tuih sun tiang na ngaithiam hai bangtukin, a thukmi le a thleng aw dah lomi na duhdawtnak in hi na minung pawl cu ngaithiam hram hai aw,” tiah zangfah a dil.Ref 14:19 Suah 32:11-14;
20 Cutikah Bawipa in, “I dil bangtukin ka ngaithiam hai ding.
21 Sikhalsehla a nungmi Pathian ka si ih ka sunlawinak huham in leilung cu a khuh thluh ruangah ka hmin in thu ka lo kam:
22 Kanaan ram an luh tikah himi pawl cu zohman a nungmi an um lo ding. Izipt ram ah siseh, hramlak nelrawn ah siseh, mangbangza ka tuahmi le ka sunlawinak tleuvar cu an hmu òheh ko nain in rinsan lo ih in zum duh hrimhrim lo. Keimah sawn veisawm le veiza in hniksak a si.
23 An pu le an pa hnenih ka kam cia mi ram cu an thleng hrimhrim lo ding.Ref 14:21-23 Heb 3:18;
24 Asinan ka salpa Kaleb cu a ruahnak phundangte a si ih a thinlung zate in i thlun a si. Curuangah a va zohmi ram cu ka thlengter dingih a tesinfa pawl in cuih ram cu an co ding.Ref 14:24 Jos 14:9-12;
25 Amalek mi le Kanaan mi pawl an umnak phairawn tla cu an ta a si ding. Thaisun in nan dung nan let pei ih Tipi Senf 14:25 Tipi Sen: timi hi a sim duhmi cu tuih san ih Aqaba Tipi timi a si, tiin zumnak a um. lam zawh in hramlak nelrawn ah nan fehkir pei,” tiah Moses cu a ti.
Bawipa In Israel Mi A Hrem
26 Bawipa in Moses le Aaron hnenah,
27 “Ziangtik tiang so hi miòha lo pawl hi ka parah an phunzai ding? An tlawhciarnak hi ka thei tam tuk zo!
28 Curuangah an hnenah, “A nungmi Pathian ka si ih siatcam in thu ka lo kam: Ka hnenih nan dil vek cekci in nan parah ka tuah ding. Bawipa a simi keimah in ka òong zo.
29 Nan thi dingih hi hramlak ahhin nan ruak pawl cu òhekdarh thluh an si ding. Ka parih nan phunzai ruangah nan lakih kum kul tlun minung zohman Kanaan ram nan thleng lo ding.Ref 14:29 Heb 3:17;
30 Hi ram co dingah thu ka rak lo kam. Asinan Kaleb le Joshua siar lo pakhat hman nan thleng lo ding.
31 Ral in kan faate pawl an kai thluh pang ding nan ti. Asinan cuih nan faate pawl riangri cu nan duh lo taak ram ahcun ka thlenpi thluh hai dingih an ram ah a cang ding.
32 Nannih cu hi hramlak ahhin nan thi thluh ding.
33 Nan zate nan thih thluh hlan lo nan faate pawl cu hi ramòhing ahhin kum sawmli sung an vakvai dingih cuticun nan zuanzam man an tuar ding.Ref 14:33 Tirh 7:36;
34 Kanaan ram nan va zoh ni zat, ni khat ai ah kum khat in, ni sawmli hrangah kum sawmli sung nan sualman nan tuar dingih keimah dodal a har zia cu nan thei ding.
35 Keimah dodaltu miòha lo senpi pawl nan par hrimhrim ah a tlun ih hremnak pawl cu ka tlunter hrimhrim ding, tiah siatcam in thu ka lo kam a si. Hi ramòhing ahhin pakhat hman luat lo in nan thi thluh ding. Bawipa keimah in ka sim zo,” a ti, tiah nan sim pei,” tiah a ti.
36 Moses in Kanaan ram thlingthla dingih a thlahmi hruaitu pawl in thusia an sim ruangah misenpi pawl Bawipa ih parih an phunzainak cu a si.
37 Curuangah Moses ih a thlahmi hruaitu pawl parah natsia a thleng ih an thi.
38 Thlingthlatu minung hleihnih sungah Joshua le Kaleb lawng an nung.
Kanaan Ram Neh An Tum
(Daan 1:41-46)
39 Moses in Bawipa thusimmi hmuahhmuah cu Israel mi hnenih a sim tikah napi in an òap.
40 Cule a thaizing cu tlangpar ram ah an hung feh ih, “Kan sual zo ngai a si. Atu cun Bawipa ih in tiammi ram ah kan feh thlang ko pei,” an ti.
41 Asinan Moses cun, “Ziangahso atu khalah Bawipa ih thu cu nan thlun duh lo? Zianghman nan si cuang lo ding!
42 Feh hlah uh. Bawipa cu nan hnenah a um lo ih nan ral pawl in an lo neh ding.
43 Khitawkah Amalek mi le Kanaan mi thawn nan do awk tikah nan thi thluh mai ding. Bawipa ih thu thlun nan duh lo ruangah Amah cu nan hnenah a um hrimhrim lo ding,” a ti.
44 Sikhalsehla feh an tum thotho. Asinan Bawipa ih Thukam Kuang siseh, amah Moses siseh, an riahhmun ihsin an pok lo.
45 Cutikah cutawkih a rak ummi Amalek mi le Kanaan mi pawl cun an rak nam hai ih an run neh ih Hormah khua tiang Israel pawl cu an run dawi.