10
Ngun Tawtawrawt
1 Bawipa in Moses hnenah,
2 “So ih sutmi ngun tawtawrawt pahnih na tuah pei ih Israel mi pawl pumkhawm kawhnak ah le riahhmun òhawn ding thannakah na hmang pei.
3 Tawtawrawt a pahnih in rei zet an phawt tikah misenpi an zate in ka umnak Puanthlam luhnak sangka ah an ra pumkhawm ding.
4 Asinan tawtawrawt pakhat lawng an phawt a si ahcun an hrin ciar ih hotu pawl lawnglawng na hnenah an ra ding.
5 Cun ring zet le tawi zet ih tawtawrawt an phawt tikah nisuahnak lamih a riakmi hrin pawl an òhawn pei.
6 Cule cubangtuk thotho in a vei hnihnak ring zet le tawi zet ih an phawt asile thlanglam ih a riakmi hrin pawl an òhawn pei. Curuangah riahnak òhawn ding ahcun ring zet le tawi zet in tawtawrawt an phaw pei ih,
7 misenpi tongkhawm ding ahcun rei zet in an phaw ding.
8 Tawtawrawt cu Aaron fapa puithiam pawl lawnglawng in an phaw pei.
“A tanglamih daan pawl cu hmailam ah nan tesinfa pawl tiang an thlun dingmi an si.
9 Nan ram sungih a lo neh-nentu ral pawl nan do tikah hi tawtawrawt pawl hi raldo tawtawrawt phawtin nan phaw pei. Bawipa nan Pathian keimah in ka lo bawm dingih nan ral pawl ih kut ihsin ka lo run ding.
10 Cun lungawi tikcu, thla thar caan ih nan Thla Thar Puai pawl le nan biaknak puai dangdang pawl hrangah siseh, mei-ur thawinak le remnak thawinak nan pek tik khalah siseh, hi tawtawrawt pawl cu nan phaw pei. Cuticun ka lo bawm hai ding. Keimah hi Bawipa nan Pathian ka si,” tiah a ti.
Israel Mi An Riahnak An Òhawn
11 Israel mi pawl Izipt ram in an suah hnu kum hnihnak a thla hnihnak ni kul ni ah Bawipa umnak Puanthlam tlunih mero cu a kiang ih,
12 Israel mi pawl cu Sinai nelrawn ihsin an suak. Cule Paran nelrawn an thlen in mero cu a cawl.
13 Moses hnenih Bawipa thupekmi bangtukin Israel mi pawl cu an òhawn a si.
14 Riahnak an òhawn tinin, Judah thantar hnuai ih a ummi hmuahhmuah cu hmaisabik ah an feh; Judah hrin pawl hotu cu Amminadab fapa Nahshon a si.
15 Issakhar hrin pawl hotu cu Zuar ih fapa Nethanel a si ih,
16 Zebulun hrin pawl hotu cu Helon ih fapa Eliab a si.
17 Cun Puanthlam cu an òhet ih Gershon le Merari hrin pawl in an phur ih midang bangin an pok ve.
18 Cuih hnuah Reuben thantar hnuai ih a ummi pawl an feh. Reuben hrin pawl hotu cu Shedeur ih fapa Elizur a si.
19 Simeon hrin hotu cu Zurishaddai ih fapa Shelumiel a si ih,
20 Gad hrin hotu cu Deuel ih fapa Eliasaf a si.
21 Cule Kohath hrin, thilri thianghlim pawl a phurtu cu an pok ve ih riahhmun an khuarnak an va thlen tikah cun Puanthlam cu din cia in a rak um zo.
22 Cuòheh in Efraim thantar hnuai ih a ummi pawl an feh. Efraim hrin hotu cu Ammihud ih fapa Elishama a si,
23 Manasseh hrin hotu cu Pedahzur ih fapa Gamaliel a si ih,
24 Benjamin hrin hotu cu Gideoni ih fapa Abidan a si.
25 Netabik ah Dan thantar hnuai ih a ummi pawl cu dunglamih ral kiltu ah a bur a bur in an feh. Dan hrin hotu cu Ammishaddai ih fapa Ahiezer a si.
26 Asher hrin hotu cu Okhran ih fapa Pagiel a si ih,
27 Naftali hrin hotu cu Enan ih fapa Ahira a si.
28 Israel mi pawl an riahnak an òhawn ih a bur a bur ih an fehdan cu cuticun a si.
29 Moses in Midian mi a pu Reuel ih fapa, a nupi ih òapa Hobab hnenah, “ Bawipa in pe dingih in tiammi ram ah kan feh thlang ding. Bawipa in Israel mi cu mineinung zet dingih tuah dingin thu in kam zo; curuangah kan hnenah ra ve awla kan lennak cu kan lo hlawm ve ding,” tiah a ti.
30 Hobab cun, “Ka ra lo ding; ka ram le ka miphun hnenah ka kir sawn ding a si,” tiah a sawn.Ref 10:30 Suah 18:27;
31 Cutikah Moses in, “In tlansan hram hlah aw. Hramlak ramòhing kan thlen tikah riahnak hmun òha na thei sawn ding a si. Curuangah in hruai theitu na si ding.
32 Kan hnenih na rat asile Bawipa ih in pekmi thluasuahnak hmuahhmuah cu nangmah thawn kan hlawm aw ding a si,” tiah a ti.
Misenpi An Feh
33 Israel misenpi cu, tlang thianghlim Sinai Tlang cun an pok ih ni thum ban khual lamhla ah an feh. Bawipa ih Thukam Kuang cu an hmaiah a rak feh ih colhnak hmun a rak hawl.
34 An riahnak hmun pakhat in pakhat ih an òhawn tikah Bawipa ih mero cu sunvu an tlunah a um ringring.
35 Cun Thukam Kuang cu riahhmun ihsin a òhawn tin tein Moses in, “Maw Bawipa, tho awla na ral pawl cu òhekdarh thluh hai aw; a lo huatu pawl cu na hmai ihsin tlanhlo thluh hai seh,” tiah a ti òheu.Ref 10:35 Saam 68:1;
36 Cule Kuang a colh tinin, “Maw Bawipa, Israel mi a thawng le a za hnenah hin rakir hram aw,” tiah a ti òheu.