9
Senpi Pawl In An Sual An Phuang
1 Cuih thla ni kul hluanli ni ah Israel mi pawl cu hmunkhat ah an tong aw khawm ih an sualsirnak langternak ah rawl an ul; buri puan an sin ih an lu ah leivut an phulh.
2 Ramdangmi thawn rawi aw lo in hlimphir in an um. Cule an ding ih anmah le an pupa pawl ih sualnak cu an phuang.
3 Nazi pathum sung Bawipa an Pathian ih Daan an siarmi cu an ngai ih cuih hnu nazi pathum sung an sual phuangin Bawipa an Pathian an biak.
4 Levi mi pawl hrangah donhleisang an don ih cuih parah Jeshua, Bani, Kadmiel, Shebaniah, Bunni, Sherebiah, Bani le Khenani pawl an ding ih ring zet in Bawipa an Pathian ih hmin an ko.
5 Cule Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, le Pethahiah in biak kawhnak ah hitiin an saal:
“Ding uhla
Bawipa nan Pathian cu
thangòhat uh,
Kumkhua in kumkhua tiang
amah cu thangòhat uh,
A hmin sunglawi cu
mikip in thangòhat uh,
Milai thangòhatnak cu a kim lo nain
mi kipin thangòhat uh,” an ti.
Cule Israel pawl cu
hitiin thla an cam:
6 “Maw Bawipa,
nangmah lawng Bawipa na si,
Van le arsi pawl khi
nangmah in na tuah.
Nangmah in lei le tipi le
a sung ummi hmuahhmuah
na tuah òheh.
Ziang hmuahhmuah nunnak na pek,
Van ih a ummi hmuahhmuah in
nangmah cu kuun in an lo bia.
7 Bawipa Pathian,
nangmah in Abram na hril,
Babilon ram Ur khua in na ko;
A hmin cu Abraham ah na thleng.Ref 9:7 Sem 12:1; 17:5;
8 Rinsan tlak ih na hmuh ruangah,
Amah thawn thukamnak na tuah.
Kanaan ram pek dingah thu na kam,
Hit mi, Amor mi le Perez mi pawl
Jebus mi le Girgash mi ram cu;Ref 9:8 Sem 15:18-21;
A tesinfa pawl umnak ram ah na ti.
Na thukamnak bangin na kimter,
A dingfel mi na si ruangah.
9 “Izipt ram ih kan pupa pawl
an tuar zia cu na hmu,Ref 9:9 Suah 3:7; Suah 14:10-12;
Tipi Sen ah bomnak an lo dilmi cu
na thei;
10 Faro dodal in khawruahhar
mangbangza na tuah,
A kuthnuai bawi pawl le
a ram minung pawl dodal in,
Na minung pawl
an hrem tuk hai ruangah.Ref 9:10 Suah 7:8-12:32;
Culai ah na rak neh ih,
Atu khalah na hmin a thang.
11 Tipi satcat in na minung hrangah
lamzin na tuah,
Leiro par in na hruai hai.
A duumtu pawl cu tipisuar lakih
lungto pil bangin
tipi thuuk sungah an tla,Ref 9:11 Suah 14:21-29; 15:4, 5;
12 Sun ah khawdur in na hruai hai,
Zan ah an lamzin cu meifar na van.Ref 9:12 Suah 13:21, 22;
13 Sinai Tlang parah van ihsin
na rung òum tikah,
Cutawkah na minung pawl hnenah
na òong,
An hnenah daan òha le
thudik zirhnak na pek.
14 Sabbath ni thiangter dingah
na zirh ih,
Na siahhlawh Moses hnenin
na daan pawl na pek.Ref 9:13, 14 Suah 19:18-23:33;
15 “An ril a rawn tikah van ihsin
sang na run thlak,
An ti a haal tikah lungpi sungin
an in ding tidai na suahter.
An thlennak ding ram cu
luah dingah na sim,
An hnenih pek dingih
na tiam cia mi ram cu.Ref 9:15 Suah 16:4-15; 17:1-7; Daan 1:21;
16 Asinan kan pupa pawl cu
an hngal ih an lung a ruh,
Na thupekmi thlun an duh lo.
17 Na thu an thlun duh lo ih
na thil tuahmi an hngilh òheh;
Mangbangza na tuahmi pawl cu
an ciing nawn lo.
An hngalnak thawn hotu an hril,
Izipt saltannak ih kirpi dingah.
Asinan nang cu mi ngaithiamtu
lainatu Pathian na si,
Zangfahnak le duhdawtnak na nei,
Na thinheng a fuung ngaingai.
Na thinpemnak cu a tum ngaingai,
Na dungtun siang hai lo a si.Ref 9:17 Mipum 14:1-4; Daan 1:26-33;
18 Cawcang pian in
khawzing lem an siam,
Izipt ram ihsin in suahtu
pathian a si an ti;
Bawipa, ziangtlukin so
an lo hmuhsuam hi!Ref 9:18 Suah 32:1-4;
19 Sikhalsehla nelrawn ahcun
na hnongta hai lo,
Na zangfahnak a tum ruangah.
Khawdur le meisa cu
na lak kir siang lo,
Sunzan in an lam hmuhtu pawl cu.
20 Na òhat ruangah
an tuah dingmi na sim,
Manna in na cawm hai,
An in dingah tidai na pek.
21 Kum sawmli sung nelrawn ah,
An òulmi hmuahhmuah na pek òheh,
An hnipuan a òet dah lo,
An ke tla na in, a thling dah lo.Ref 9:19-21 Daan 8:2-4;
22 “Ram tampi le miphun tampi
na nehter,
An ram kiangkap ih ram pawl cu.
Sihon ukmi Heshbon ram an neh,
Og Siangpahrang a òuannak
Bashan ram tla.Ref 9:22 Mipum 21:21-35;
23 Van arsi zat in tesinfa na pek,
Ram na nehter ih na luahter;
An pupa hnenih na tiam cia mi
an luah dingmi ram cu.Ref 9:23 Sem 15:5; 22:17; Jos 3:14-17;
24 Kanaan ram cu an lak;
A rak ummi pawl na neh òheh;
Na minung pawl hnenah an duhmi
tuah theinak huham na pek,
Kanaan ram Siangpahrang pawl le
an minung pawl parah cun.Ref 9:24 Jos 11:23;
25 Na minung pawl cun kulhmi
khuapi pawl an lak,
Ramòha le tikhur laih cia tla,
Sumpai in a khat mi inn pawl,
Olif kung, thingrah kung le
sabit hmuan pawl thawn.
An duhzat in an ei ih an thau,
Na pekmi thilòha lakah
an nuam ngaingai.Ref 9:25 Daan 6:10, 11;
26 “Cu cingin na minung pawl cu
ral an tho,
Na thu an thlun duh lo,
Na Daan pekmi an dungtun.
Na thu zirhtu profet pawl an that,
Ralrinnak petu le na hnen rakir dingih
thusimtu pawl cu.
An lo hmuhsuam hi a nasa ngaingai.
27 Curuangah an ral kut sungah
na thlenter ih,
Annih in an uk ih an hrem hai.
An vansan tikah na bomnak duh ah
an lo ko,
Van in an aunak aw na run thei.
Na mi zangfahnak a tum ruangah,
An hnenah hotu pawl na run thlah,
An ral kut sungin runtu dingah.
28 Hnangamnak an hmuh tikah cun
an sualsal,
An ral kut sungah na thlentersal.
Asinan an sual an siirih
nunnak an lo dil tikah,
Van ihsin na run thei ih,
A vei siar cawk lo na run hai a si;
Na zangfahnak a tum ruangah.Ref 9:26-28 Thuò 2:11-16;
29 Na thuzirhmi thlun dingah
ralrinnak na pek,
Asinan puarthau in na daan cu
an hnong;
Na Daan thlun cu nunnak lamzin
a si ko nain!
Lungruh le thulungkhen nei in
an thlun duh talo.Ref 9:29 Pui 18:5;
30 Kumkhat hnu kum khat lungsau in
ralrinnak na pek hai,
Na profet pawl in an sim rero nan,
Na minung pawl cu an hna a set.
Curuangah na minung pawl cu
Miphun dang pawl in an uk.Ref 9:30 2 Siang 17:13-18; 2 San 36:15, 16;
31 Sikhalsehla na zangfahnak
a tum ruangah,
Na hnong lo ih na siatsuah hai lo;
Nang cu zangfahnak le
thinpemnak neitu Pathian na si!
32 “Maw Pathian,
Ziangkimtithei Pathian,
òihnungza le ziangzongza
tuah theitu Pathian;
Na thukammi cu famkim zet in
na kimter òheh.
Assiria Siangpahrang pawl ih
in hrem thokin,
Tuih sun tiang kan tuarmi hi,
Thu tenau ah in ruahsak
hram hlah aw.
Kan siangpahrang pawl le
kan hotu pawl,
Kan puithiam le kan profet pawl,
Kan pupa pawl le kan mi senpi pawl ih
an tuarmi,
Hi tluk kan tuarmi hi,
in run theisak hramhram aw.Ref 9:32 2 Siang 15:19, 29; 17:3-6; Ezr 4:2, 10;
33 In hrem òheu hi na dik ko,
hrem tlak kan si;
Nang cu rin tlak na si,
kannih kan sual a si.
34 Kan pupa le kan siangpahrang
pawl thokin,
Kan hotu pawl le kan puithiam
pawl tla in;
Na Daan cu an thlun lo a si.
Na thupekmi le na ralrin pekmi cu,
An ngai duh hrimhrim lo.
35 Na thluasuah peknak thawngin
Siangpahrang in na minung an uk.
Na pekmi ramkau le ramòha sung ih
an um lai ahcun.
Asinan sualnak sungin an kir lo ih
Na hna cu an òuan lo a si.
36 Atu ahcun in pekmi ram sungah
sal ah kan cang,
Ei in dingin petu
hih ramòha sungah hin.
37 Kan ram sungin a suakmi
hmuahhmuah cu,
Siangpahrang hnenah a feh òheh;
Kan sual ruangah kan tlunih
na retmi bawi hnen ahcun.
Kanmah siseh, kan rannung siseh,
an duhduh in, in tuah,
Kan van a sang ngaingai,” tiah an ti.
Lungkimnak Ca An Ngan
38 Kan parih thil a cangmi pawl ruangah hin, kannih Israel mi pawl hin atu ah ca ngan in lungkimnak cakhen kan tuah ih kan hotu pawl, kan Levi mi pawl le kan puithiam pawl in a parah an hmin an khen.