3
Khuapi Kulhnak Phar An Dawlsal
1 Khuapi kulhnak Phare Phar an dawl tikah saklam in an thok hmaisa. cu hitiin an dawlsal. Puithiam Sang Eliashib le a unau puithiam pawl in Tuu Kotka timi an rem; an thiangter ih kotka pawl tla an tuah. Phar cu Zakhat donhleisang timi le Hananel donhleisang timi tiang an rem.
2 A sangtu phar cu Jerikho khua mi pawl in an rem.
A sangtu cu Imri ih fapa Zakkur in a rem.
3 Hassenaah hrin in Nga Kotka an tuah. A tlang an ran ih kotka pawl cu an tuah; kotka kharnak ah a hren le a kalh pawl tla an tuah.
4 A sangtu cu Uriah ih fapa, Hakkoz ih tupa, Meremoth in a rem.
Berekhiah ih fapa, Meshezabel ih tupa, Meshullam in a sangtu cu a rem.
Baana ih fapa Zadok in a sangtu cu a rem.
5 Tekoa khua mi pawl in a sangtu cu an rem. (Asinan khuasung upa pawl cun hnaòuan hotu pawl ih hnaòuan fialmi òuan cu an nautat ih an el.)
6 Paseah ih fapa Joiada le Besodeiah ih fapa Meshullam in Jeshanah Kotka an tuah. A tlang an tuah ih kotka pawl an rem hnuah kotka kharnak ah a hren le a kalh pawl an tuah.
7 Gibeon mi Melatiah, Meronoth mi Jadon le Gibeon khuasungmi le Mizpah khuasungmi pawl in a sangtu phar cu an dawl ih Eufrates Nitlaknak peng uktu Mangki bawipa ih inn tiang an vun rem.
8 A sangtu cu suisertu Harhaiah ih fapa Uzziel in a rem.
A sangtu cu rimhmui tuahtu Hananiah in Phar Kaupi tiang a rem.
9 Hur ih fapa Refaiah, Jerusalem peng a hrek uktu pa in a sangtu phar cu a rem.
10 Harumaf ih fapa Jedaiah in a sangtu phar, a inn kiangte, cu a rem.
Hashabneiah ih fapa Hattush in a sangtu a rem.
11 Harim ih fapa Malkhijah le Pahath Moab ih fapa Hasshub in a sangtu phar le Lungthu donhleisang timi an rem.
12 Hallohesh ih fapa Shallum, Jerusalem peng a hrek uktu bawi in a sangtu a rem. (A fanu pawl in an bawm.)
13 Hanun le Zanoah khuasung ummi pawl in Phairawn Kotka an rem. Kotka pawl an tuahsal ih a kharnak ah a hren le a kalh pawl an tuah; phar cu pi thawngkhat le zanga sung Hnawm Kotka tiang an rem.
14 Rekhab fapa Malkhijah, Beth Hakkherem peng uktu in Hnawm Kotka cu a rem. Kotka pawl cu a rem ih a kharnak ah a hren le a kalh pawl a tuah.
15 Kolhozeh ih fapa Shallum, Mizpah peng uktu in Cerhti Kotka a rem. A tlun a khuh ih kotka pawl a tuah òheh hnuah a hren le a kalh pawl tla a tuah. Siangpahrang hmuan a hun sangtu Shelah Tikhur phar cu a rem ih David Khuapif David Khuapi timi cu Biakinn hmuan thlanglam ah a si ih Jerusalem khua hmaisabik mi umnak hmun a si. ih vungòumnak kailawn thlengin a tuah.
16 Azbuk ih fapa Nehemiah, Beth Zur peng a hrek uktu in a sangtu phar cu a rem ih David thlan, tikhur le ralkap pawl umnak inn tiang a tuah.
Levi Mi Phar Remtu Pawl
17 A tanglam Levi pawl in phar cu an rem:
Bani ih fapa Rehum in a sangtu phar cu a rem.
Keilah peng hrek uktu Hashabiah in a peng sung ai awh in a sangtu phar a rem.
18 Henadad ih fapa Bavvai, a dang Keilah peng hrek uktu in a sangtu phar a rem.
19 Mizpah uktu, Jeshua fapa Ezer in a sangtu phar, ral hriamhrei tuahnak hmai ihsin phar a kelnak tiang a tuah.
20 Zabbai ih fapa Baruk in a sangtu phar cu Puithiam Sang Eliashib inn luhnak sangka tiang a rem.
21 Uriah ih fapa le Hakkoz tusuan Meremoth in a sangtu cu Eliashib inn netnak tiang a tuah.
Phar Remtu Puithiam Pawl
22 Phar remtu pawl lakah a thuailam puithiam pawl tla an tel a si:
Jerusalem khua kiangkap ih puithiam pawl in a sangtu phar cu an tuah.
23 Benjamin le Hasshub in a sangtu phar, an inn hmai zawn an rem fingfing.
Maaseiah ih fapa le Ananiah tusuan Azariah in a sangtu, a inn hmai zawn ralden a tuah.
24 Henadad ih fapa Binnui in a sangtu Azariah inn ihsin a kelnak phar kiil tiang a rem.
25-26 Uzai ih fapa Palal in a sangtu cu phar kiil le Siangpahrang tlunta inn ih innsanghlei, inn kiltu pawl ih inn zawn in a rem.
Parosh ih fapa Pedaiah in a sangtu cu a rem ih nisuahnak lamah Tidai Kotka le biakinn kilnak innsang tiang a rem. (Himi cu biakinn saktu pawl umnak Ofel an timi khua kiangte a si.)
Hnaòuantu Dangdang
27 Tekao khuami pawl in a sangtu phar cu an rem; an hnaòuan òumhnihnak a si; biakinn kilnak innsanghlei tumpi hmaizawn ihsin Ofel kiangih phar tiang an rem.
28 Puithiam burkhat in a sangtu phar an rem ih Rang Kotka in a saklam ah anmah an inn hmaizawn ciar an rem.
29 Immer ih fapa Zadok in a sangtu, amah ih inn hmaizawn a rem.
Nisuahnak lam Kotka kiltu, Shekaniah fapa Shemaiah in a sangtu a rem.
30 Shelemiah fapa Hananiah le Zalaf fapa paruknak Hanun in a sangtu phar cu, a òumhnihnak ah an rem.
Berekhiah ih fapa Meshullam in a sangtu, amah ih umnak inn hmaizawn a rem.
31 Suisertu Malkhijah in a sangtu phar a rem. A remmi cu saklam nisuahnak lam phar kiil tlunta khaan kiang, biakinn fehnak kotka kiangih ummi, dawr tuahtu le biakinn saktu pawl umnak inn tiang a tuah.
32 Suisertu pawl le dawrtuahtu pawl in a sangtu phar cu phar kiil ih khaan ihsin Tuu Kotka tiang an rem.