13
Ramdangmi Thawn An Òhen Aw
1 Cuih caan ah Moses Daan cu ring zet in misenpi hnenah an siar ih an siar mi cang khat ah, Ammon mi le Moab mi pawl cu ziangtik khalah Pathian ih minung pawl lakah an tel thei lo pei, timi an hmu.
2 Ziangah cutin a um tile, Israel mi pawl Izipt ram ihsin an rak suah lai ah Ammon mi le Moab mi pawl in, in ei ding ti le rawl an rak pek lo ruangah a si. In ei ding ti le rawl an pek lo lawng si lo in, Israel mi pawl camsiat dingah Balaam hnen riangri ah paisa an rak pek; asinain cuih camsiatnak cu kan Pathian in thluasuahnak ah an hrangah a canter.Ref 13:1-2 Mipum 22:1-6; Daan 23:3-5;
3 Israel misenpi in cuih Daan siarmi cu an theih tikah anmah sung ihsin ramdangmi pawl cu an dawi òheh a si.
Nehemiah Ih A Remmi Pawl
4 Biakinn thilri retnak khaan pawl a uktu puithiam Eliashib le Tobiah cu caan reipi rualrem zet in an rak um.
5 Curuangah Tobiah cu khaan tumpi pakhat a luahter; cuih khaan cu thawinak hrangih pekmi sangphut le rimhmui; Biakinn ih hmanmi thilri; puithiam pawl hrangih thawinak pekmi pawl; Levi mi pawl hnenih pekmi thawhlawm, òhenhra òhenkhat, le sabit le olif siti pawl, biakinn hla satu le biakinn kiltu pawl hrangih an pekmi hmuahhmuah retnak ah timi a si.
6 Cuti a si lai ahcun Jerusalem khua ah ka um lo; Artakzaksis in Babilon Siangpahrangm Artakzaksis hi Persia siangpahrang a si nain Babilon a uk ruangah “Babilon Siangpahrang” ti tla in an ko. BC 465 - 424 tiang Persia siangpahrang a si. a òuannak kum sawmthum le kum hnih kum ah amah tong ding le thuhla than dingah ka feh. Malte a rei hnuah amah ih lungkimnak in,
7 Jerusalem khua ah ka rakir. Cule Biakinn thilri retnak khaan pakhat Eliashib in Tobiah a hmanter ti ka hmuh tikah ka thin a heng ngaingai.
8 Ka thinheng in Tobiah ih thilri hmuahhmuah cu ka hlon òheh.
9 Cun thilri retnak khaan pawl cu thianhlim thawinak tuah dingah le a sungah Biakinn thilri, thawinak sangphut le rimhmui pawl ret dingah thu ka pek.
10 Cuih tlunah Levi mi pawl le Biakinn hla satu pawl cu misenpi pawl in rawl ei khop an pek thei lo ruangah Jerusalem an suahsan ih an lo ciar ah an tlung thluh ti ka thei.Ref 13:10 Daan 12:19;
11 Cutikah hotu bawi pawl cu, “Ziangahso Bawipa ih Biakinn cu nan daithlan ih nan òhinter?” tiah ka mawhthluk hai. Levi mi le hla satu pawl cu ka kosal ih an hnaòuan cu ka òuantersal.
12 Cule Israel mi pawl in an thawhlawm rawl, sabitti le olif hriak pawl cu Biakinn thilri retnak khaanah an rak kengsal.Ref 13:12 Mal 3:10;
13 A tanglam mi pawl cu thilri retnak khaan kiltu ah ka ret: Puithiam Shelemiah, Daan thiamtu Zadok le Levi mi Pedaiah. Zakkur ih fapa le Mattaniah ih tu Hanan cu anmah bawmtu ah ka ret. Himi pawl cu hnaòuantu dang an unau hnenah ti rawl òha tein an zem ding, tiih ka rinsan mi an si.
14 Maw ka Pathian, nangmah biaknak le na Biakinn hrangih hi thil ka tuahmi hmuahhmuah hi hngilh hram hlah aw.
15 Culai ah Judah mi pawl in Sabbath ni ah sabit rah an rial rero kha ka hmu. Midang tla an sangphut, an sabitti le sabit rah, an theipi rah, le thil dangdang pawl an laak parah suangin Jerusalem ih an phurh rero kha ka hmu. Sabbath ni ahcun zianghman zuar lo dingin ralrinnak ka pek hai.Ref 13:15 Suah 20:8-10; Daan 5:12-14; Jer 17:21, 22:
16 Cule Òaiar khua mi Jerusalem ih a ummi pawl in Sabbath ni ah kan milai pawl hnenih zuar dingah nga le thildang a phunphun an run phur.
17 Judah mi hotu pawl cu ka kawk ih, “Thil òha lo nan tuahmi hi zoh hnik uh! Sabbath ni nan buar a si.
18 Hivek hi nan pupa pawl in an tuah ruangah sokhaw Pathian ih hremnak an tuar ih hi khuapi tla siatsuah thluh a rak si! Cucingin Sabbath ni cu nan borhhlawhter ih Israel parah Pathian thinhennak nan thlenter sinsin,” tiah ka mawhthluk hai.
19 Cuti a si ruangah zanlam tikcu a thlen ih Sabbath nin Judah mi pawl ih Sabbath ni cu tlawngkai ni nga zanlam nitlak in zarhte zanlam nitlak tiang a si. a thok tin tein khua kotka pawl cu khar dingah le a cuih Sabbath ni a cem hlan lo kotka cu on lo dingin thu ka pek. Sabbath ni ahcun khuasung ah thilri zianghman luhter lo dingin ka minung hrekkhat pawl cu kotka pawl ka kilter fawn.
20 Veihnih veikhat cu dawrtuahtu thil a phunphun zuartu pawl cu khuapi hauhruang lengah tlawngkai ni nga zanvarte an riak òheu.
21 Cupawl hnen ahcun, “Thaizing tiang hngak duh hlah uh, nan hngak lak ding. Nan zuar tum thotho asile napi in ka lo tuah ding,” tiah ralrinnak ka pek. Cuih hnu cun Sabbath ni ah an rasal nawn lo.
22 Cule Levi mi pawl cu anmah thianhlimnak tuah dingah le Sabbath ni thianghlim teih ul dingah kotka cu òha tein nan kil pei, tiah thu ka pek.
Maw ka Pathian, hi thil ka tuahmi hmuahhmuah hi hngilh hram hlah awla na duhdawtnak a tum vekin na zangfahnak cu ka hnenah thlenter hram aw.
23 Culai ahcun Judah mi mipa tampi in miphun dang nunau Ashdod mi, Ammon mi le Moab mi pawl an òhi ti ka thei.
24 An hrinmi an faate a hrek pawl cu Ashdod òong le òong dangdang in an òong ih kan òong an thiam nawn lo.
25 Cuih mipa pawl cu ka kawk ih ka cam ka riam hai. Ka vuak ka velh hai ih an sam tla ka phawisak. Cule anmah siseh, an faate pawl siseh, miphun dang pawl ih fanu òhi nawn lo ding le an fapa pawl pasal nawn lo dingah Pathian hmin saal in siatcam thukamnak ka tuahter.Ref 13:25 Suah 34: 11-16; Daan 7:1-5;
26 An hnenah, “Siangpahrang Solomon sualtertu cu ramdang nunau an si. Amah cu miphun dang siangpahrang hmuahhmuah hnakin a tum sawn. Pathian in amah cu a duhdawt ih Israel mi zate tlunah Siangpahrang ah a tuah. Asinan cuih sualnak sungah a tla.Ref 13:26 2 Sam 12:24, 25;2 Siang 11:1-8;
27 Cutiin maw nan ziaza òha lo cu thlun in miphun dang nunau nan òhit dingih nan Pathian ih thupekmi cu thlun lo in kan um ve ding?” tiah ka ti.
28 Puithiam Sang Eliashib ih fapa cu Joiada a si. Asinan Joiada fapa pakhat in Beth Horon khuami Sanballat fanu a òhi. Curuangah amah Joiada cu Jerusalem ihsin ka dawisuak.Ref 13:28 Neh 4:1;
29 Maw ka Pathian, himi pawl in puithiam hnaòuan le, puithiam le Levi mi pawl thawn thukamnak na tuahmi an buar zia hi ciing ringring hram aw.
30 Cun senpi pawl cu an lakah mi phundangta zianghman um hrimhrim lo dingin thianfainak ka tuahter thluh. Puithiam le Levi mi pawl in an hnaòuan theifel dingah daan pawl ka tuah sak.
31 Tikcu khiahmi kim tikih thawinak pekmi pawl urnak dingah zanthing le rawlthar le thingrah thar thawinak hrangih pek dingmi pawl khal ka ngaihtuah sak.
Maw ka Pathian, hi pawl hi a òha lamin i run thei hram aw.