11
Jerusalem Ih A Ummi Pawl
1 Hotu pawl cu Jerusalem khuapi ah an um; misenpi sungin innsang pahra sungah pakhat cu Jerusalem ih um dingah camcawhfung an zuuk ih, a dang hmuahhmuah cu khawdang le khuate sungah an um.
2 Jerusalem khuasung ah keimah ka um pei tiah lungkimte ih a ti theitu pawl cu misenpi pawl in an lawm ngaingai.
3 Israel misenpi, puithiam pawl, Levi mi pawl, Biakinn saktu pawl le Solomon hnenum pawl ih tesinfa pawl cu khua dang le khuate sungah anmah ih leiram ciar ah an um.
Judah peng sungin Jerusalem ih a ummi upa hminthang deuh pawl cu a tanglam pawl hi an si:Ref 11:3 Neh 7:3;
4 Judah hrin sungin Jerusalem ih a ummi pawl:
Uzziah ih fapa le Zekhariah ih tu Athaiah. A pupa dang pawl cu Amariah, Shefatiah le Mahalalel an si ih Judah ih fapa Perez ih tesinfa an si.
5 Baruk fapa le Kolhozeh ih tu Maaseiah. A pupa dang pawl cu Hazaiah, Adaiah, Joiarib le Zekhariah an si ih Judah ih fapa Shelah ih tesinfa an si.
6 Perez ih tesinfa sungin mi hminthang zali sawmruk le pariat Jerusalem ah an um.
7 Benjamin hrin sungin Jerusalem ih a ummi pawl:
Meshullam ih fapa le Joed ih tu Sallu. A pupa dang pawl cu Pedaiah, Kolaiah, Maaseiah, Ithiel le Jeshaiah an si.
8 Sallu sungkhat Gabbai le Sallai.
An zate ah Benjamin innsang sungin zakua kul hluanriat Jerusalem ah an um.
9 Zikhri ih fapa Joel cu an hotu a si ih Hassenuah ih fapa Judah cu Jerusalem khuasung ih bawi upa bik sangtu a si.
10 Jerusalem ih a ummi Puithiam pawl:
Joiarib ih fapa Jedaiah le Jakhin.
11 Hilkiah ih fapa le Meshullam ih tu Seraiah. A pupa dang pawl cu Zadok, Meraioth le Puithiam Sang Ahitub an si. Ahitub cu Biakinn zohtu upa a si.
12 An zate ah an hrin sungin zariat le kul hluanhnih cu Biakinn ih hnaòuantu an si.
Jeroham ih fapa le Pelaliah ih tu Adaiah. A pupa dang pawl cu Amzi, Zekhariah, Pashhur le Malkhijah an si.
13 An zate ah an hrin sungin zahnih sawmli le pahnih cu innsang hotu pawl an si.
Azarel ih fapa le Ahzai ih tu Amashsai. A pupa dang pawl cu Meshillemoth le Immer an si.
14 An hrin sungin za le kul hluanriat cu ralkap hminthang zet an si. An hrin sungih upa Zabdiel cu an hotu a si ih Haggedolim fapa a si.
15 Jerusalem ih a ummi Levi mi pawl:
Hasshub ih fapa le Azrikam ih tu Shemaiah. A pupa dang pawl cu Hashabiah le Bunni an si.
16 Biakinn lengah hnaòuan neitu Levi mi hminthang Shabbethai le Jozabad.
17 Mika ih fapa le Asaf tesinfa Zabdi ih fapa sin Mattaniah; lungawi thlacamnak hla an sak tikah Mattaniah cu hla hruaitu a si.
Mattaniah bawmtu Bakbukiah.
Shammua ih fapa le Jeduthun tesinfa Galal ih fapa sin Abda.
18 An zate ah Jerusalem khua thianghlim sungah Levi mi zahnih sawmriat le pali an um.
19 Biakinn kiltu Jerusalem ih a ummi:
Akkub, Talmon, le a sungkhat pawl za le sawmsarih le pahnih.
20 A dang Israel mi pawl, puithiam le Levi mi dangdang pawl cu Judah ramsung khuapi le khuate sungah anmah ih leiram ciar ah an um.
21 Biakinn tuamhlawmtu pawl cu Jerusalem khua Ofel veng ah an um ih an hotu cu Ziha le Gishpa an si.
22 Jerusalem ih a ummi Levi mi pawl hotu cu Bani ih fapa le Hashabiah ih tu Uzzi a si. A pupa dang pawl cu Mattaniah le Mika an si ih Asaf hrin an si. Asaf hrin pawl cu Biakinn khawm tikah hla satu an si.
23 Hrinkhat hnu hrinkhat nitin tein Biakinn ih hlasak cu a haha teih sawng aw dingah Siangpahrang ih thupeknak a um.
24 Judah phun, Zerah hrin, Meshezabel ih fapa Pethahiah cu Persia siangpahrang zungah Israel mi pawl ih palai a si.
Khua Dangdang Ih Ummi Pawl
25 Mi tampi cu an lothlawhnak kiangih khua ah an um. Judah hrin pawl cu Kiriath Arba khua, Dibon leh Jekabzeel khua le an kiangkap ih khuate pawl ah an um.
26 Cule Jeshua khua, Moladah khua, Bethpelet khua le
27 Hazarshual khua tla ah an um ih Beersheba khua le a kiangkap khuate pawl ah an um.
28 Ziklag khua le Mekonah khua le a kiangkap khuate ah an um.
29 Enrimmon khua, Zorah khua, Jarmuth khua,
30 Zanoah khua, Adullam khua le an kiangkap khuate pawl ah an um. Lakhish khua le a kiangih an thlawhmi lo ah le, Azekah le a kiangih khuate pawl ah an um. Cuticun Judah mi pawl cu thlanglam Beersheba ihsin saklam Jerusalem khua kiang Hinnom Phairawn tiang, khua kipah an um.
31 Cun Benjamin hrin pawl cu Geba khua, Mikmash khua, Ai khua, Bethel khua le a kiangkap khuate ah le
32 Anathoth khua, Nob khua, Ananiah khua,
33 Hazor khua, Ramah khua, Gittaim khua,
34 Hadid khua, Zeboiim khua, Neballat khua,
35 Lod khua, Ono khua le Zungthiam Phairawn ah an um.
36 Judah ram sungih a rak ummi Levi mi hrekkhat pawl cu Benjamin mi pawl thawn hmunkhat ah an umter.