NEHEMIAH
Thuhmaihruai
Nehemiah cabu hi òhenli ih òhen a theih.
(1) Persia siangpahrang ih thlahmi Nehemiah ra kirnak thu.
(2) Jerusalem khua phardawl an dawlsalnak thu.
(3) Ezra in an Daan a siar ih an minung pawl in an sual an phuannak thu.
(4) Judah Mangki bawi Nehemiah ih cangvaihnak a dangdang.
Hi cabu sungih hminsin tlak thupi pakhat cu Nehemiah hin nasa zet in Pathian a rinsan ih a hnenah thla a cam ringring timi hi a si. (Neh 1:4; 5:19; 6:9, 14; 13:14, 22, 29-31).
1
1 Hakaliah ih fapa Nehemiah ih òuansuahmi thuanthu cu hitiin a si.
Artakzaksisa Artakzaksis cu Persia siangpahrang Artakzaksis I a si tiin zum a um ih BC 465-424 ah siangpahrang a òuan. Artakzaksis tiah a olnak in nganmi a si. A hmin ngai cu Artaxerxes ti a si.Ref 1:1 Ezr 4:7, 11; 7:1; siangpahrang a òuan kum kulnak, Kislev thla ah keimah Nehemiah cu Susac Susa Khuapi cu Persia ram khuapi a si. Shushan tiah tla an ko. khuapi ah ka um.
2 Culai ah ka unau pakhat Hanani cu a rualpi dang pawl thawn Judah ram ihsin an ra thleng; cule Babilon ram saltannak ihsin Jerusalem ih a kirmi Judah mi pawl thuhla ka sut.
3 Cutiih ka suh tikah, saltannak in a suak ih an khua le an ram a thlengmi pawl cu harsatnak tampi an tong ih an kiangkap ih ummi miphun dang pawl in an hmuhsuam hai a si tiah in sim. Cuih tlunah Jerusalem kulhnak phar pawl cu an cim thluh ih, an ur thluh hnu in kotka pawl tla cu an tuahsal hrih lo a si, ti tla in sim.
4 Cuih thu ka theih tikah ka to ih ka òap.
Ni tampi sung riahsia in ka um ih zianghman ei lo in rawl ka ul. Pathian hnenah thla ka cam ih,
5 “Maw Bawipa, Van ih Pathian, nang cu na maksak ih kan lo òihzah ngaingai. Nang cu rin tlak na si ih a lo duhdawtu le na thupekmi a thluntu pawl parah cun na thukam cu na kimter ringring.
6 Maw ka Bawipa, na mit in i run zoh awla Israel mi na siahhlawh pawl hrangah sunzan ih thla ka camnak hi na hna in i run theih sak hram aw. Na parah Israel mi pawl cu kan sual ngaingai zo ih cuih kan sualnak cu ka phuang a si. Ka pupa pawl an rak sual ih keimah tla ka sual a si.
7 Òha lo zet le mawi lo zet in na hmaiah kan nung a si. Na thupekmi kan tuah lo; na siahhlawh Moses hnen ihsin in pekmi daan pawl cu kan thlun lo.
8 Asinan Moses hnenah, ‘Nannih Israel mi pawl zum tlak lo nan si ahcun ramdang le miphun dang lakah ka lo òhekdarh thluh ding.Ref 1:8 Pui 26:33;
9 Sikhalsehla ka hnenah nan kirsal ih ka thupekmi nan thlun a si ahcun, vanrang deng tiang òhekdarh thluhmi sikhal uhla, keimah in biaknak dingah ka hril zomi hmun ahcun ka lo kirtersal ding a si,’ tiih na rak timi kha cingkeng hram aw.Ref 1:9 Daan 30:1-5;
Jerusalem Hrangah Thla A Cam
10 “Maw Bawipa, hi milai pawl hi na siahhlawh an si, nangmah ih minung an si. Na baan thacak le na huham in na runsuak mi an si.
11 Kei ka thlacamnak le na hmin upat a lo duhtu na siahhlawh dang pawl ih thlacamnak hi run ngai hram aw. Tuih sun ahhin i hlawhtlingter hram awla Siangpahrang Bawipa cu ka parah zangfahnak neiter hram aw,” ka ti.
Culai ahcun keimah cu siangpahrang bawipa ih sabitti petu ka si.