28
Jesuh Thawhsalnak
(Mar 16:1-10; Luk 24:1-12; Joh 20:1-10)
1 Sabbath ni a liam ih a thaizing zingthlapit ah Mari Magdalene le a dang Mari cu thlan zoh dingah an feh.
2 Hmakhat teah nasa zet in ling a hnin. Bawipa ih vancungmi pakhat cu vancung ihsin a rung òum ih thlan sangka khar lungphengpi cu a òhawn ih a parah a to.
3 A hmuihmel cu nimthla bangtuk a si ih a hnipuan cu vur bangin a vaar.
4 Thlan kiltu pawl cu an òih tuk ah an khur ih mithi bangtuk an si.
5 Vancungmi cun nunau pawl hnenah, “Òih hlah uh; thinglamtah parih an thahmi Jesuh nan hawl ti ka thei.
6 Hinah a um lo, a rak sim cia bangtukin thihnak ihsin thawhtersal a si zo. An phumnak hmun hi ra zoh hnik uh.
7 Zamrang in va feh uhla a dungthluntu pawl kha ‘Thihnak ihsin thawhter a si zo; nan hmaiah Galilee ah a feh dingih cutawkah nan hmu ding!’ tiah va sim uh. Ka lo simmi hi hngilh hlah uh,” tiah a ti.
8 Curuangah zamrang zet in thlan ihsin an tlung; an òih phah, an lung a awi phah, cuticun dungthluntu pawl sim dingah an tlan.
9 Rinlopi ah Jesuh in a tong hai ih, “Nan hnenah daihnak um hram seh,” tiah a ti. An va pan ih a ke an va pom ih an biak.
10 Jesuh in an hnenah, “Nan thinphang hlah uh. Ka unau pawl kha Galilee ih feh dingin va sim uh. Cutawkah in tong ding!” tiah a ti.
Thlan Kiltu Pawl Ih Thuthannak
11 Cutiih nunau pawl an feh lai ah, thlan kiltu ralkap hrekkhat pawl cu khuapi sungah an feh ih puithiam upa pawl hnenah thlan ih thil a cangmi hmuahhmuah kha an sim.
12 Puithiam upa pawl le Judah mi upa pawl an tong aw ih thu an ruatkhawm. Ralkap pawl kha nawhthuh paisa tampi an pek ih,
13 “Kan ihthat sungah zan ah a dungthluntu pawl an ra ih a ruak kha an fir a si, nan ti pei.
14 Cumi cu Mangki bawipa in a theih khalle nan phan ding zianghman a um lo, mawhnak an nei lo tiah kan lo simsak ding,” tiah an ti.
15 Thlan kiltu ralkap pawl in paisa cu an lak ih an simmi vekin an tuah. Cuih thu cu Judah mi pawl cun tuih sun tiangin an rel òheumi a si.
A Dungthluntu Hnenah Jesuh A Lang
(Mar 16:14-18; Luk 24:36-49; Joh 20:19-23; Tirh 1:6-8)
16 Dungthluntu hleikhat pawl cu Jesuh ih a fial bangtukin Galilee tlang parah an feh.Ref 28.16 Mat 26:32; Mar 14:28;
17 Amah cu an hmu ih an biak, asinain a hrek cun an zum lo.
18 Jesuh cun a pan hai ih an hnenah, “Lei le van ih thuneihnak hmuahhmuah cu ka hnenah pek a si zo.
19 Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh.Ref 28.19 Tirh 1:8;
20 Cule ka thupekmi hmuahhmuah thlun dingin va zirh uh. Hngilh hlah uh, san a cem lai hlan lo nan hnenah ka um ringring ding,” tiah a ti.