22
Mopuai Tahòhimnak
(Luk 14:15-24)
1 Jesuh in mipi pawl cu tahòhimnak thawn a zirh.
2 “Vancung Uknak cu hibangtuk a si. Veikhat ah siangpahrang pakhat in a fapa ih nupi òhitnak puai a tuah.
3 Cuih rawl einak puai ih ra tel dingah a sawmmi hmuahhmuah va sim dingin a hnenum pawl a thlah; asinain zohman an ra lo.
4 Curuangah a sawmmi hnenah a hnenum dang pawl a thlahsal ih, hitiin thu a cah. ‘Rawl ei kan man zo. Ka cawcang pawl le òilva thau zetzet pawl kan that zo ih ziang hmuahhmuah kan timtuah òheh zo. Rawl ei tlang dingah ra thlang uh, tiah va ti uh,’ a ti.
5 Sikhalsehla sawm cia mi pawl cun zianghman ah an siar lo ih an hnaòuan keel an òuan; pakhat cu a lo ah a feh, a dang pakhat cu a dawr tuahnak ah a feh;
6 mi hrekkhat pawl in a hnenum pawl cu an kai ih an thawi hnuah an that hai.
7 Siangpahrang cu a thin a heng ngaingai. Curuangah a ralkap pawl a thlah ih cuih mithat pawl cu an va that ih an khua tla an ur òheh.
8 Cuih hnuah a hnenum pawl a ko ih, ‘Mopuai ka tuahmi cu ziang hmuahhmuah a kim òheh zo nain ka sawmmi pawl sawmtlak an rak si lo.
9 Curuangah zalamzin ah va feh uhla nan sawm thei zat poh hi mopuai ah rak sawm uh,’ tiah a ti.
10 Cuticun hnenum pawl cu an feh ih lamzinih an tonmi pohpoh miòha misia ti lo in an khawm ih puai tuahnak innpi cu an khat òheh.
11 “A sawmmi pawl zoh dingah siangpahrang cu a vung lut ih mopuai hnipuan a hruk lomi pakhat a hmu.
12 Siangpahrang cun, ‘Ka rual, mopuai hnipuan hruk lo in ziangtinso hitawk hmunah na luh thei,’ tiah a sut. Asinan anih cun zianghman a sim thei lo.
13 Cule Siangpahrang in a hnenum pawl kha, ‘A kutke òem uhla khualeng thimnak ah hlon uh. Cutawkah òap raak le hacang rial in a um ding,’ a ti,” tiah a sim.Ref 22.13 Mat 8.;12: 25:30; Luk .13:28;
14 Cuih hnuah Jesuh in, “Sawmmi cu an tam nain hrilmi an mal,” tiah a netnak ah a sim.
Ngunkhuai Peknak Thu
(Mar 12:13-17; Luk 20:20-26)
15 Farasi mi pawl cu an feh ih Jesuh sual hawl theinak dingah thu suh ding an pol.
16 Cule anmah thluntu hrekkhat pawl le Herod milai hrekkhat kha Jesuh hnenah an thlah ih, “Sayapa, nang cu thudik na sim, ti kan thei. Pathian duhmi thudik khal mi mithmai zoh lo in na zirh. Ziangahtile nang cu mi an sinak zoh tahrat in mi na thleidang lo.
17 Curuangah na ruahnak in sim hnik. Rom Siangpahrang hnenah ngunkhuai pek hi kan Daan in a duh maw duh lo,” tiah an sut.
18 Tumtahnak òha lo an neihmi kha Jesuh in a theih ruangah an hnenah, “Mi depde pawl! Ziangahso thang ih awk in tum?
19 Ngunkhuai pek dingmi tangka i hmuh hnik uh,” a ti.
Tangka cu an hun pek ih Jesuh in,
20 “Zo ih hmuihmel le hmin so a cuang?” tiah a sut.
21 Annih in, “Siangpahrang bawipa ih hmuihmel le hmin!” tiah an ti. Cutikah Jesuh in, “Cuti asile Siangpahrang ta a simi cu siangpahrang pek uh; Pathian ta a simi cu Pathian pek uh,” tiah a let.
22 Cumi an theih tikah an mang a bang ngaingai ih an fehsan.
Thawhsalnak Thu
(Mar 12:18-27; Luk 20:27-40)
23 Cuih sun thotho ah Saddusi mi òhenkhat cu Jesuh hnenah an ra. Annih tla cu thawhsalnak a um nawn lo, a titu an si.Ref 22.23 Tirh 23:8;
24 Jesuh cu, “Sayapa, Moses ih in zirhnak ah, ‘Mi pakhat fa nei lo ih a thih ahcun a naupa in a nupi cu a òhi hrimhrim pei. Cuti a òhit ih fa an neih a si ahcun mithipa ih fa ah an cang pei,’ a ti.Ref 22.24 Daan 25:5;
25 Hitawkih a rak um dahmi unau pasarih an um. Upa bik cu nupi a òhi ih fa nei lo in a thihsan; a nupi cu a naupa in a run co.
26 Pahnihnak pa khal cu a thi lala ih a pathumnak pa in a nupi a run co lala. Cuticun an unau zate ih nupi a si hnuah an thi òheh.
27 Netabik ah cunu khal cu a thi ve.
28 An pasarih in an nupit ciar ruangah thawhsalnak ni ah zo ih nupi bik so a si ding?” tiah an sut.
29 Jesuh in, “Nan va palh thei lawmmam so! Hitlukih nan palhnak cu Ca Thianghlim le Pathian cahnak huham nan theih lo ruangah a si.
30 Ziangahtile mithi an thawhsal tikah cun van ih a ummi vancungmi bangtuk an si dingih òhitawknak ti a um nawn lo ding.
31 Mithi thawhsalnak thu ah Pathian ih a lo simmi nan siar dah lo maw? Pathian in,
32 ‘Kei cu Abraham ih Pathian, Isaak ih Pathian, Jakob ih Pathian ka si,’ a ti. A nungmi ih Pathian a si, a thimi ih Pathian a si lo,” tiah a ti.Ref 22.32 Suah 3:6;
33 Cumi cu misenpi in an theih tikah a thuzirh daan kha an mang a bang ngaingai.
Thukham Tum Bik
(Mar 12:28-34; Luk 10:25-28)
34 Jesuh in Saddusi mi pawl cu òong ding thei nawn lo in a tuah ti kha Farasi mi pawl in an theih tikah an tong khawm aw ih,
35 anmah lakih mi pakhat, Daanthiam pa in Jesuh kha a sual hawl duh ah thu a sut.
36 “Sayapa, Daan sungah hin khui thukham so a tum bik?” tiah a ti.
37 Jesuh in, “‘ Bawipa na Pathian cu na thinlung zate, na nunnak zate le na ruahnak zate in na duhdawt pei,’Ref 22.37 Daan 6:5;
38 timi hi a tum bik le a pakhatnak thukham a si.
39 Pahnihnak ih a thupi bikmi thukham cu pakhatnak vek thotho a si: ‘Na innhnen kha nangmah na duhdawt awk vekin na duhdawt ve pei,’ ti hi a si.Ref 22.39 Pui 19:18;
40 Moses Daan hmuahhmuah le profet pawl ih zirhmi hmuahhmuah cu hi thukham pahnih in a huap òheh a si,” tiah a ti.Ref 22.35-40 Luk 10:25-28;
Messiah Thu
(Mar 12:35-37; Luk 20:41-44)
41 Farasi pawl hmun khatih an pumkhawm awk tikah Jesuh in,
42 “Messiah hi ziangtinso nan ruat? Zo ih tesinfa so a si?” tiah a sut.
“David ih tesinfa a si,” tiah an ti.
43 Jesuh in, “Cuti a si ahcun ziangahso Thlarau in David kha, ‘Messiah hi Bawipa ti aw,’ tiah a fial?
David in:
44 “ Bawipa in ka Bawipa hnenah,
Na ral pawl na ke hnuai ih ka ret hlan lo,
Ka vorhlam kapah to aw,’ a ti.Ref 22.44 Saam110:1;
45 David in Bawipa a ti ahcun ziangtinso Messiah cu David tesinfa a si thei ding?” tiah a sut.
46 Jesuh ih thusuhmi cu zohman in an let thei lo ih cuih ni thokin zohman in thu an sut ngam nawn lo.